रोमी 8:35 - डोटेली नयाँ करार

³⁵ यिन कुरणीमि हइ केइले लगइ हामलाइ ख्रीष्टको प्रेम बठेइ अलग अद्द सक्दइन: संकष्टले, दु:खले, खेदोले, अनिकालले, नाङाले, खतराले अथवा तरबारले।

रोमी 8:35 Referans Kwoze

यूहन्नाले लेख्या सुसमाचार 10:28

तिननलाइ म अनन्त जीवन दिनउ, रे तिनन कभइ नास हुन्या आथिन, रे कसइले तिननलाइ म बठेइ खोसीबर लैजान्या आथिन।

यूहन्नाले लेख्या सुसमाचार 16:33

मइले तमनलाइ यिन कुरणी यइ उइले भणिराइछु, कि तमन मेरा शिष्य भया हुनाले ममि तमनलाइ सान्ति होइजाउ। संसारमी तमनलाइ संकट हुन्या छ, तर साहास अर, मइले यइ संसारको सासक सैतानलाइ जितिराइछु।”

२ कोरिन्थी 4:17

हामरा कष्ट अइल थोकाइ छन रे लामो समय सम्म रन्या आथिन। क्याकि यिन कष्ट अनन्त महिमाकी निउति हुनाहान, त्यो यिन कष्ट भण्ना त आजी बरता छ।

२ तिमोथी 1:12

तसइका लाग्दा म लगइ याँ झेलमि दुःख पाउना छु। तर म लाज माणनइन क्याकि म ख्रीष्टलाइ जाण्नउ जइमि मइले बिश्वास अर्या छु रे मलाइ पक्‍का छ कि ख्रीष्टले आफ्नो फर्कि आउन्या दिन सम्म तइको रक्षा अद्द सक्दाहान जो कुरणी उनले मलाइ दिया छ।

१ कोरिन्थी 4:11

आज सम्म हाम भोका रे तिसाछौ, रे पुराना फाट्या लत्ता लायाछौ, चुटाइ खान्नाछौ रे हामरो घर आथिन।

रोमी 8:17

रे सन्तान हु भण्या उत्तराधिकारी लगइ हु, परमेश्वरका उत्तराधिकारी रे ख्रीष्टसित सज्जि उत्तराधिकारी हु। यदि हाम अइल येशूकी जसेरि दु:ख भोग्दाछौ भण्या हाम उनरो महिमामि लगइ सहभागी हुन्या हु।

यूहन्नाले लेख्या सुसमाचार 13:1

निस्तार काजबार अगाडी जब येशूले यइ संसार बठेइ बिदा लिन्या बेला रे पिताका वाँ फर्किबर जान्या बेला आइयो भणि था पाइबर आफना शिष्यालाइ पुरा मनले प्रेम अरन्थ्या।

२ थेसलोनिकि 2:16

हामरा प्रभु येशू ख्रीष्ट आफइ रे परमेश्वर हामरा पिता जइले हामलाइ प्रेम अद्दाहन रे जइले आफना अनुग्रह बठेइ अनन्तको उत्साह रे पक्‍का आसा दिन्यासित हाम प्रार्थना अददाउ।

प्रेरित 14:22

रे शिष्याले हरेक गाउँका मान्सनको मनलाइ बनाउनाइ बिश्वासमि रइरनु पणन्छ भणि साहास दियो, रे भौत दुख कष्ट सइबर हामले परमेश्वरको राज्यमि पस्सु पणन्छ भणबर सिकायो।

प्रकाश 1:5

रे येशू ख्रीष्ट बठेइ, जइले बिश्वाससित परमेश्वरका बारेमि सत्यता धेकाउन्छ उनइ एक छन जो मर्या बठेइ आजी जिउना भया रे उन यइ संसारका सबइ राजाका सासक छन। उनले हामलाइ प्रेम अददाहान रे उनरा रगतले हामलाइ हामरा पाप बठेइ बचाउनाहान।

रोमी 2:9

खराब काम अद्द्या हरेक मान्सनलाइ संकट रे आपत आउन्या हो, परमेश्वरले पइल्ली यहुदि मान्सनको, रे तइ पछा गैर-यहुदि मान्सनको न्याय अद्दया हुन।

रोमी 8:37

तर यिन सब ननिका कुरणीमि हामलाइ प्रेम अद्द्या ख्रीष्ट बठेइ हामले पुरा रुपमि जित्या छौ।

१ कोरिन्थी 4:12

आफना हातले मेहेनत अद्दाउ। अपमानित हुन्ज्या हाम तिननलाइ आशिस दिनाउ। सताउङया हाम सहनाउ।

२ कोरिन्थी 4:8

हाम सबतिर बठेइ कष्टित छौ, तर ब्याकुल भया आथिन। अन्यौलमि पाण्याछौ तर हाम कभइ हार माणनाइन।

२ कोरिन्थी 4:9

सताइएयाछौ पइलगइ हाम त्यागिया आथिन, प्रहार अरिबर ढल्याछौ पइलगइ हाम नष्ट भया आथिन।

२ कोरिन्थी 12:10

तबइकिलाइ ख्रीष्टका खातिर कमजोरीमी, बदनाममि, कठीनाइमी, सतावोटमि, आपतमी, म सन्तुष्ट रनउ। क्याकि जब म कमजोर छु तब म ख्रीष्टको सक्ति बठेइ बलियो हुनउ।

एफिसी 3:19

रे म प्रार्थना अद्दउ कि तमनले ख्रीष्टको यो प्रेम बुज्ज्या सक, जो मान्सले बुज्ज सक्दइन, ताकि परमेश्वरले तमनलाइ आफ्नो स्वभाबले भरुन।