रोमी 6:22 - डोटेली नयाँ करार

²² तर आब तमन पाप बठेइ मुक्त होइबर परमेश्वरका दास भयाछौ, रे तमन तिन कुरणी अरन्छौ जइले तमनलाइ पबित्रतामि लइजान्छ, रे जइको अन्त अनन्त जीवन हो।

रोमी 6:22 Referans Kwoze

१ पत्रुस 2:16

तमनलाइ भण्या, कोइलगइ आथिन जइले तमनले चाया काम अद्द बठेइ रोक्द सकन्छ, क्याकि तमन हामरा प्रभु येशू ख्रीष्ट बठेइ पइल्ली स्वतन्त्र भइ सक्याछौ। तर खराब काम अद्द्याकि निउति यइलाइ बहाना जन बना। बरु तमनले आफ्नो काममी यो धेकाउनु पणन्छ कि तमन साँच्चि परमेश्वरका सेवक हौ।

रोमी 6:18

परमेश्वरले तमनलाइ पापका अधिन बठेइ मुक्त अर्यो, रे तमन ठीक कुरणी अददाइ परमेश्वरका दास बन्याछौ।

रोमी 8:2

क्याकि पबित्र आत्माले येशू ख्रीष्ट बठेइ आउन्या जीवन दिन्या हुन रे पाप रे मृत्यु बठेइ मुक्त अद्दया हुन।

यूहन्नाले लेख्या सुसमाचार 8:32

तमनले सत्य जाण्न्या हौ रे सत्यले तमनलाइ स्वतन्त्र अराउन्या हो।”

गलाती 5:13

बिश्वासि भाइन हो, तमन परमेश्वर बठेइ स्वतन्त्र हुनाइ बोलाइया हौ, तबइकिलाइ आब तमनले मोशाको कानुन पालन अददु पड्डइन। तर आफना पापमय स्वभाव पुरा अद्दया अबसर जन बना, बरु आफ्नो स्वतन्त्रता एक अर्खाको सेवा अद्दाइ रे प्रेम अद्दाइ प्रयोग अर।

१ कोरिन्थी 7:22

क्याकि परमेश्वरले उनरा मान्स हुनाइ बोलाउन्ज्या जो मान्स नौकर थ्यो, त्यो आब स्वतन्त्र मान्स जसो हो, क्याकि प्रभु येशूले तइलाइ तइका पाप बठेइ स्वतन्त्र अर्याछ। तसेरि परमेश्वरले उनरा मान्स हुनाइ बोलाउन्ज्या जो मान्स स्वतन्त्र थ्यो, तिन आब ख्रीष्टका दास भया छन।

१ पत्रुस 1:9

क्याकि परमेश्वरले तमरो आत्मालाइ पुरा रुपमि पापको सजाय बठेइ बचाइ राख्या छ। यो येशू ख्रीष्टमी तमरो बिश्वासको इनाम हो।

गलाती 1:10

साच्ची म मान्सनलाइ खुशी पड्ड कोशिस अद्दारयइन, तर परमेश्वरलाइ खुशी पड्ड चाहानउ। म मान्सनलाइ खुशी पड्ड कोशिस अद्दारयइन। यदि मइले आजी मान्सलाइ खुशी पड्ड कोशिस अर्या भया म ख्रीष्टको दास हुन्या थेइन।

रोमी 6:14

क्याकि पापले तमनलाइ नियंत्रण अद्द सकदइन, क्याकि तमन मोशाको कानुनका अधिनमी होइन तर परमेश्वरका अनुग्रहमी छौ।

गलाती 5:22

तर पबित्र आत्माले हाममि ल्याउन्या गुण यिन हुन: प्रेम, आनन्द, सान्ति, दया, धैर्य, भलाइ, विश्वासता,

रोमी 7:4

यिसेरी मेरा बिश्वासि भाइन हो, जब तमन ख्रीष्टसित मर्या, तमन कानुनको अधिकारकिलाइ लगइ मर्या। आब तमन ख्रीष्टका हउ जो मर्या बठेइ जिउना भया छन, ताकि तमन परमेश्वरकीलाइ फलदाइ जीवन जिउन सक।

रोमी 6:21

तमनले ननिका काम अर्या, रे आब तइकीलाइ लाज माणन्छौ। तसो भया तमनले तइ कुरणी बठेइ कि पाया? तिन कुरणीले मृत्यु मान्तर ल्याउछ।

मत्ती 25:46

तिनन जो बाँउतिरका छन, तिननअनन्त दण्डका भागिदार हुन्या हुन तर धर्मिजन अनन्त जीवनमी पस्स्या हुन।”

तितस 1:1

म, पावल यो चिठ्ठी तमनलाइ लेख्दाछु। म परमेश्वरको दास रे येशू ख्रीष्टको छान्या शिष्य हु। म परमेश्वरका चुनिया मान्सनको बिश्वासलाइ बलियो बनाउनाइ रे सत्य शिक्षालाइ जाण्नाइ सहयोग अददाइ नियुक्त भया हु, ताकि तिनन परमेश्वरलाइ खुशी बनाउन्या जीवन बिताउन सकुन।

कलस्सी 1:10

हाम प्रार्थना अददाउ कि तमनले प्रभुलाइ सम्मान दिन्या ब्यबहार अद्द सक, रे प्रभुलाइ सब कुरणीमि प्रसन्न पाड्डया सक, रे तमनले लगातार सब किसिमका निको काम अद्द सक, रे परमेश्वरका बारेमि आजी बड्ता बुज्ज सक।

फिलिप्पी 4:17

म यो भणनइन कि तमनले मलाइ भेटी दिबर सहयोग अर, बरु म चाहानउ कि तमनले अरया कामको इनाम पाउन सक।

फिलिप्पी 1:11

रे जसेरि रुखले फल फलाउन्छ तसेरि तमन सबले परमेश्वरको महिमा रे प्रशंसाकि निउति येशू ख्रीष्ट बठेइ आउन्या धार्मिकताका काममी बड्डाइजा।

एफिसी 5:9

क्याकि यदि एक मान्स ज्योतिमि छ भण्या उइको ब्यबहार असल रे धर्मि हुन्छ रे उइमि भरउसा अद्द सकिन्छ।

२ कोरिन्थी 3:17

आब प्रभु आत्मा हुन रे जाँ प्रभुका आत्मा छन ताँ कानुन बठेइ स्वतन्त्रता हुन्छ।

रोमी 7:25

म परमेश्वरलाइ धन्यबाद चडाउनउ क्याकि हामरा प्रभु येशू ख्रीष्टका लाग्दा मलाइ बचाउन्या उनइ हुन! म आफइ आफना मनले त परमेश्वरका कानुन पालन अद्द चाहानउ, तर मेरा पापी स्वभाबका लाग्दा म लगातार पाप अद्दउ।

यूहन्नाले लेख्या सुसमाचार 15:16

तमनले मलाइ चुन्यानु, तर मइले तमनलाइ चुन्या रे तमनलाइ नियुक्त अर्या, ताकि तमन जा रे फल फला रे तमरो फल रइ रओस। तबइकिलाइ तमनले पितालाइ मेरा नाउँमि जी मागला त्यो उनले तमनलाइ दिन्या हुन। क्याकि तमन मेरा शिष्या हौ।

यूहन्नाले लेख्या सुसमाचार 15:2

ममि भया हरेक फल नफल्ल्या हाङो उनले काटि फालदिनाहान रे फल फलाउन्या हरेक हाङालाइ तइले बडता फल फलाउ भणबर काटछाँट अद्दाहान।

यूहन्नाले लेख्या सुसमाचार 4:36

बुन्या रे कटनी अद्द्याले काम अद्दा छन रे आफनो द्याणी पाउन्ना छन। त्यो भण्या तिननले तिन मान्सनलाइ एकहठ्ठा अद्दा छन जइले अनन्त जीवन पाउन्या हुन।

मत्ती 19:29

पइ हरेक जइले मेरा शिष्य बन्नाइ निउति रे सुसमाचार प्रचारको खातिर, घर, कि दाइ-भाइ, कि दिदि-बैनि, कि इजा-बा, कि शिष्य चेली, कि जग्गा जमिन छाणन्छ, तइको सय गुणा पाउन्या हो रे अनन्त जीवनको अधिकारी हुन्या हो।

मत्ती 13:43

तब धार्मि मान्सन आफना पिताका राज्यमि सुर्य जसा चम्किला हुन्या हुन। तम जो सुणनाछौ, तइ सुण्या कुरणिका बारेमि ध्यानले सोच।

मत्ती 13:40

जसेरि साउ उखेलिबर आगोमि भस्म अरिन्छ, युगका अन्तमि लगइ तसोइ अरिन्या हो।

प्रकाश 7:13

अगुवान मध्ये एक जनाले मलाइ सोध्यो, “यिन सेता लत्ता लाउन्या मान्सनको हुन, रे काँ बठेइ आया हुन?”

याकुब 1:1

म, याकुब यो चिठ्ठी लेख्दाछु। म परमेश्वर रे प्रभु येशू ख्रीष्टका दास हु। म, यो चिठ्ठी इस्राएल देशका बार कुललाइ लेख्दाछु जो देस भरि फइलिबर रया छन, सबइलाइ मेरो अबिबादन।

कलस्सी 4:12

तमरा सहर बठेइ आया येशू ख्रीष्टका दास इपाफ्रासले लगइ अबिबादन पठाया छन। तिन सदाइ तमनकीलाइ लगनशिल भइबर प्रार्थना अददाहान, ताकि परमेश्वरले तमनलाइ बलिया रे सिद्द बनाउन सकुन, रे तमन परमेश्वरको पुरा इच्छा पालन अद्दाछौ भणबर पक्‍का हुन सक।

हिब्रु 12:14

सब मान्ससित सान्तिमि बस्या रे पबित्र जीवन जिउन्या कोशिस अर, क्याकि पबित्रता बिना कसइ मान्सले परमप्रभुलाइ धेक्द सक्दाइन।