रोमी 4:2 - डोटेली नयाँ करार

² यदि अब्राहाम असल काम बठेइ धर्मि ठहरिया भया उनलाइ घमण्ड अद्द्या कारण हुनेइथ्यो, तर उइले परमेश्वरका अगाडी आफनो असल काममी घमण्ड अद्द सक्दाइन्न।

रोमी 4:2 Referans Kwoze

१ कोरिन्थी 1:31

ख्रीष्ट हामरो सब थोक भया हुनतक, पबित्र सास्त्रमि भण्या अनसार अर, “घमण्ड अद्देले प्रभुले अर्या काममी घमण्ड अरउ।”

२ कोरिन्थी 11:30

मइले गर्व अद्दु पड्डया हो भण्या म आफ्नो कमजोरि धेकाउन्या कुरणीमि गर्व अदद्या हु।

फिलिप्पी 3:9

रे म ख्रीष्टसित एकतामी हुन सकु, रे मेरो धार्मिकता मोशाको कानुन पालन अर्या आधारमी होइन, तर परमेश्वरले दिन्या धार्मिकताको आधारमी हो, जो ख्रीष्टमी मेरो बिश्वास भया हुनाले मान्तर आउछ।

एफिसी 2:9

रे यो तमनले अर्या असल कामले होइन, तबइकिलाइ तनमनले घमण्ड अद्द्या केइ कारण आथिन।

गलाती 3:22

तर पबित्र सास्त्रले धेकाउन्छ कि यइ संसारका सब मान्सन पापका अधिनमी छन, ताकि येशू ख्रीष्टमी बिश्वास अद्द्या मान्सनलाइ परमेश्वरले करार अर्या कुरणी दिन सकुन।

१ कोरिन्थी 9:16

यदि मइले सुसमाचार प्रचार अर्या भण्या, तइमि मइले घमण्ड अद्द्या केइ कारण आथिन। क्याकि येशू ख्रीष्टले मलाइ इसो अद्दया जिम्मेवारी दिया छ। यदि सुसमाचार प्रचार अरेइन भण्या, म भयानक समस्यामि हुन्या हु।

१ कोरिन्थी 1:29

परमेश्वरले इसो अर्यो ताकि कसइ मान्सनले परमेश्वरका अगाडी घमण्ड जन अरउ।

२ कोरिन्थी 5:12

हाम आजी तमरा सामने आफ्नो तारिफ अद्दाइन, तर तमनलाइ हाममि गर्व अद्दया मौका दिन्नाछु, ताकि तमनले तिननलाइ जबाफ दिन सक, जइले मान्सका हृदयको कुरणीमि होइन तर बाइरकि कुरणीमि घमण्ड अद्दाहान।

रोमी 15:17

तबइकिलाइ म येशू ख्रीष्टका लाग्दा परमेश्वरकि निउति मेरो सेवामि गौरब अद्द सक्दउ।

२ कोरिन्थी 11:12

म तमनसित सहयोग लिन सक्दइन ताकि म तिननलाइ रोक्द सकु जो हामले परमेश्वरको काम अर्या जसेरि तिननले अददाहान भणि घमण्ड अद्द्या मौका खोज्जाहान।

१ कोरिन्थी 4:7

क्याकि कसइले तमनलाइ और भण्ना बड्ता महत्वका बनाया आथिन! परमेश्वरले तमनलाइ सब बरदान दिया छ। परमेश्वरले सब कुरणी तमनलाइ दिया हुनाले तमनले घमण्ड अददु पड्डइन।