रोमी 16:18 - डोटेली नयाँ करार

¹⁸ क्याकि यिसा मान्सनले हामरा प्रभु ख्रीष्टकी निउति होइन, तर आफना व्यक्तिगत चासोकि निउति सेवा अद्दाहान, रे तिननले मिठो-मिठो सब्द रे चिफला कुरणीले निर्दोष मान्सनलाइ धोका दिनाहान।

रोमी 16:18 Referans Kwoze

कलस्सी 2:4

म यो भण्नाउ कि कसइले तमनलाइ झुटा शिक्षामि बिश्वास अद्दाइलाइ धोका जन दिय।

फिलिप्पी 3:19

तिनरो अन्त्य बिनास हो, तिनन आफ्नो शारीरिक अभिलाषा पुरा अददाइ मान्तर जिउनाहान, रे तिनन लाज लाग्द्या काममी घमण्ड अद्दाहान रे तिनन सदाइ संसारको चिज तिर मन लाउनाहान।

मत्ती 7:15

“झुटा अगमबक्ता बठेइ होस अरि बस्या, तिनन इसा ब्वाँसा जसा हुन जो तमरा वाँ भेडाका भेसमि आउनाहान, मान्सन बिश्वास अद्दाहान कि उन भेडा हुन, तर साँच्चि तिन मान्सनलाइ हमला अद्दया डर लाग्द्या ब्वाँसा हुन।

१ तिमोथी 6:5

रे तिनरो दिमाक ननिका संकाले भरिया हुन्छ रे तिनन औरसित लगातार बिबाद अददाहान। रे तिनन सत्य कि हो बुज्जाइन्न, तिननले सोच्चाहान कि परमेश्वरको सेवा अददु भण्याको धनि हुनु हो।

२ पत्रुस 2:3

यिन शिक्षक लोभि हुनाहान, रे तमन बठेइ पैसा पाउनाइ तमनलाइ दन्त्य कथा सुणाइबर तिननले तमनलाइ धोका दिन्या हुन। परमेश्वरले तिननलाइ सजाय दिन्या हुन भणबर भौत अगाडी निर्णय अरिसक्या छ रे उन त्यो अद्द तयार छन। उनले पक्‍कालगइ तिननलाइ नास अद्द्या हुन।

यहूदा 1:16

यिन मान्सन सदाइ परमेश्वरको बिरुद्दमि बोल्लाहान रे और मान्सनमि दोस मान्तर धेकाउनाहान। तिनरा ह्रदयले सोच्या अनसार तिनन लगातार दुष्ट काम अददाहान। तिनन आफइले आफ्ना बारेमि घमणडि कुरणी अददाहान रे आफ्ना फाइदाकी निउति और मान्सनकि चाप्लुसी अददाहान।

२ थेसलोनिकि 2:10

रे तइले तिननलाइ सब किसिमका खराब काम धोका दिनाइ प्रयोग अद्दया हो, जो परमेश्वर बठेइ नास हुनाइ छानिया छन। क्याकि तिननले येशू ख्रीष्टका बारेमिको सत्य सन्देसलाइ बिश्वास अद्द इन्कार अर्यो जइले तिनलाइ बचाउन सकनथ्या।

यहूदा 1:12

जब यिन मान्सनले प्रभुको प्रेम याद अरिबर तमरा प्रितिभोजमि तमनसित खानाहान, तिननले लाजकि कुरणी रे स्वार्थि काम अददाहान। तिनन डर लाग्दा चट्टान जसाइ हुन जो समुद्र भितर लुक्या हुनाहान रे तइले जहाजलाइ डुबाउन सक्दाहान। तिनन ग्वाला जसाइ हुन, जइले आफनो मान्तर हेरबिचार अददाहान। तिनन जमिन मल्तिर उड्डारया पानी नआउन्या बादल जसाइ हुन। तिनन हिउनका बोट जसाइ हुन, जो दुइ बेर मरिसक्या हुनाहान, क्याकि तिननले केइ फल फलाउनाइन रे जडाइ बठेइ उपाडिया छन।

फिलिप्पी 2:21

क्याकि और मान्सन त आफनोइ स्वार्थ खोजी राख्दाहान तर तिननलाइ येशू ख्रीष्ट कि निउति जी महत्वपूर्ण छ तइको तिननलाइ केइ मतलब आथिन।

गलाती 1:10

साच्ची म मान्सनलाइ खुशी पड्ड कोशिस अद्दारयइन, तर परमेश्वरलाइ खुशी पड्ड चाहानउ। म मान्सनलाइ खुशी पड्ड कोशिस अद्दारयइन। यदि मइले आजी मान्सलाइ खुशी पड्ड कोशिस अर्या भया म ख्रीष्टको दास हुन्या थेइन।

मत्ती 24:24

क्याकि झुटा ख्रीष्ट रे झुटा अगमबक्ता आउन्या रे चिन्ह रे अदभूत काम धेकाउन्या छन, सक्या सम्म उन मान्सलाइ धोका दिन्या हुन, जइलाइ परमेश्वरले चुनीराइछ।

कलस्सी 3:24

क्याकि तमन यो जाण्न छौ कि परमेश्वरले तमनलाइ इनाम दिन्या हुन। उनले तमनलाइ आशिषमी सहभागी अराउन्या हुन, जो उनले उनरा मान्सनकिलाइ तयार अर्या छन। क्याकि तमन प्रभु येशू ख्रीष्टको सेवा अरन्छौ।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

२ कोरिन्थी 2:17

क्याकि भौत मान्सन सरह हाम परमेश्वरको बचन पैसाकी निउति प्रचार अद्दइन तर निष्कपट मनले ख्रीष्टको अधिकारसित हाम परमेश्वरको बचन प्रचार अददाउ, यो जाणिबर कि परमेश्वरले हामलाइ हेरिराइछ।

रोमी 16:19

सबलाइ था छ कि तमन प्रभुप्रति आज्ञाकारी छौ, तबइकिलाइ म तमरा लाग्दा आनन्द अद्दउ। तर म चाहानउ, कि तमन असल कुरणी जाण्नाइ बुद्दिमान हौ, तर खराब कुरणी अददाइ निर्दोष हौ।

यूहन्नाले लेख्या सुसमाचार 12:26

कसइले मेरो सेवा अरन्छ भण्या, शिष्या हुनाइलाइ मेरा पछा लाग्दु पणन्छ, रे म जाँ छु, मेरो सेवक लगइ ताँइ हुन्या हो, कसइले मेरो सेवा अरन्छ भण्या पिताले तइको कदर अद्द्या हुन।

मत्ती 24:11

भौत झुटा अगमबक्ता आउन्या हुन, रे भौत मान्सनलाइ धोका दिन्या हुन।

मत्ती 6:24

कसइले एकै समयमि दुइ मालिकको सेवा अद्द सक्दैन, क्याकि तइले एकलाइ घृणा अरन्छ रे अर्खालाइ प्रेम अरन्छ। अथवा त्यो एकसित इमानदार हुन्छ रे अर्खालाइ तुच्छ माणन्छ। तमनले परमेश्वर रे धनको सेवा अद्द सक्दानु।”

प्रकाश 1:1

परमेश्वरले येशू ख्रीष्टलाइ तिन गोप्य कुरणी धेकायो जो छिट्टाइ हुन्या हुन, ताकि उनले आफना सेवकनलाइ यिन कुरणी प्रकट अद्द सकुन। तइ पछा येशूले आफ्नो सेवक यूहन्नालाइ यिन कुरणी धेकाउनाइ आफना दुत पठायो।

यहूदा 1:1

यो चिठ्ठी म यहूदा बठेइ हो। म येशू ख्रीष्टको दास रे याकुबको भाइ हु। म यो चिठ्ठी परमेश्वरमि बिश्वास अददाइ उन बठेइ बोलाइया मान्सनलाइ लेख्दाछु। तमनलाइ परमेश्वर हामरा पिताले प्रेम अददाहान रे येशू ख्रीष्टमी सुरक्षित राख्या छ।

याकुब 1:1

म, याकुब यो चिठ्ठी लेख्दाछु। म परमेश्वर रे प्रभु येशू ख्रीष्टका दास हु। म, यो चिठ्ठी इस्राएल देशका बार कुललाइ लेख्दाछु जो देस भरि फइलिबर रया छन, सबइलाइ मेरो अबिबादन।

२ कोरिन्थी 11:3

तर जसेरि सैतान स्यापका रुपमि आफना चलाकिले पइल्ली आइमाइ हव्वालाइ छल्यो, तसेरि तमरा बिचारले छ्लल्या हो रे तमनले ख्रीष्टको आदरमि आफ्नो पुरा रे सुद्द भक्ति अद्द छाड्डया हौ भणबर मलाइ डर लाग्या छ।

रोमी 14:18

जइले यइ किसिमले ख्रीष्टको सेवा अरन्छ, परमेश्वर तइसित खुशी हुनाहान रे मान्सनले लगइ तिनरा बारेमि असल भण्ना हान।