रोमी 16:17 - डोटेली नयाँ करार

¹⁷ बिश्वासि भाइन हो, म तमनलाइ बिन्ति अद्दउ कि तिन मान्सन बठेइ होशियार बस जइले फुट ल्याउनाहान, रे जइले मान्सनलाइ गलत कुरणीमि बिश्वास अद्दया बनाउन्छ जो तमनले सिक्या शिक्षाका बिरुद्दमि हो। तिनन बठेइ अलग बस।

रोमी 16:17 Referans Kwoze

यहूदा 1:19

तमनमि फाटो ल्याउन्या मान्सन यिनइ हुन। तिनरो दुष्ट शारीरिक इच्छाले तिननलाइ नियन्त्रण अरन्छ रे तिननमि पबित्र आत्मा हुनाइन।

२ थेसलोनिकि 3:6

बिश्वासि भाइन हो, प्रभु येशू ख्रीष्टले हामलाइ दियाको अधिकार बठेइ आज्ञा दिनाउ कि आफ्ना बिश्वासि भाइ बइनि बठेइ टाडा बस जइले अल्छी अरन्छ रे जइले हामले दिया माणनाइन।

२ तिमोथी 3:5

परमेश्वरका नजरमि ठीक काम अद्द्या जसा धेकिन्या, तर तिनन त्यो सक्तिलाइ इन्कार अद्द्या हुन जइले तिननलाइ परमेश्वरका नजरमि ठीक काम अद्द्या बनाउन सकान्थ्या, तसा मान्सन बठेइ अलग बस।

कलस्सी 2:8

होशियार बस कि कसइले लगइ तमनलाइ बिना मोलका रे ब्यर्थका कुरणीले जन छलउ तसा बिचार ख्रीष्टका होइन, तर मान्सले सिकाया शिक्षा बठेइ आउनाहान।

तितस 3:10

यदि कोइ मान्सले बिश्वासिनमि फुट ल्याउन्छ भण्या उइसित कडा भइबर बोल रे इसो ब्यबहार जन अरइ भण। यदि उइले इसो अददु छाणेइन भण्या तइलाइ आजी चेतावनी दिय। तइ पछा आजी इसो अददु छाणेइन भण्या तु यिसा मान्स बठेइ टाडा बस्सु पणन्छ।

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

१ तिमोथी 1:3

म तमलाइ आजी भण्नाछु म माकेडोनिया प्रदेसमि जाना हइ पइल्ली मइले तमनलाइ एफिसस सहरइमि बस, रे झुटा शिक्षकलाइ झुटा शिक्षा सिकाउन बन्द अर भणबर बिन्ति अर्याथ्या।

फिलिप्पी 3:17

बिश्वासि भाइन हो, तमन सब मेरो अनुकरण अर। हाम तमनसित हुनज्या जो ब्यबहार तमनले हाममि धेक्या तसो ब्यबहार अद्द्या मान्सलाइ लगइ अनुकरण अर।

मत्ती 18:7

“पाप अद्द लाउन्या परिक्षाका निउति यइ संसारलाइ धिक्‍कार! पाप अद्द लाउन्या परिक्षा त आउनेइ हो। तर धिक्‍कार, तइ मान्सलाइ जइ बठेइ पाप अद्द लाउन्या परिक्षा आउछ!

१ कोरिन्थी 3:3

तमन अइल लगइ संसारका मान्सन जसा छौ। क्याकि जब तमरा बिचमि झगडा रे इख हुन्छ, तब तमन यइ संसारका मान्सन जसा हउ भणबर धेकाउनइन ब? रे तमन यइ संसारका मान्सनले जसेरि जीवन बिताउछौ, जो प्रभुका होइन्न।

प्रेरित 15:24

हामले सुणिराइछौ, कि हामरा बिचइनिका कसइ कसइ मान्सनले हामरो आदेस बिना तमनलाइ उल्टो शिक्षा दिइबर तमनलाइ भौत कुरणीमि दु:ख दिइराइछ।

१ यूहन्ना 2:19

ख्रीष्ट बिरोधी मान्सन हामरा मण्डलि बठेइ निकलिबर गया हुन, क्याकि तिनन हामरा थेइन्न। यदि तिनन हाम जसाइ साचो बिश्वासि भया भयले हामसितइ रनेइथ्या, तर तिनन सब हामरा होइन्न भण्न्या कुरणी धेकाउनाइ तिनन हामरा मण्डलि बठेइ निकलिबर गया हुन।

मत्ती 18:17

यदि तइले तिनरि कुरणी लगइ सुण्न इन्कार अर्यो भण्या मण्डलिलाइ भण, यदि मण्डलिको कुरणी लगइ सुण्न इन्कार अर्यो भण्या तइलाइ गैर-यहुदि रे कर उठाउन्या जसोइ ब्यबहार अर।

१ कोरिन्थी 11:18

मेरो भणाइको मतलब, मण्डलिमि आराधना अददाइ जम्मा हुन्ज्या तमनमि फाटो हुन्छ भणन्या म सुण्नउ। रे म बिश्वास अद्दउ कि तिननले भण्या कुरणी केइ हद सम्म सत्य छन।

लूका 17:1

येशूले आफना शिष्यालाइ भण्यो, “पाप अद्द लाउन्या परिक्षा निश्चय आउनाहान। तर धिक्‍कार तइ मान्सलाइ, जइ बठेइ त्यो आउँछ!

मत्ती 7:15

“झुटा अगमबक्ता बठेइ होस अरि बस्या, तिनन इसा ब्वाँसा जसा हुन जो तमरा वाँ भेडाका भेसमि आउनाहान, मान्सन बिश्वास अद्दाहान कि उन भेडा हुन, तर साँच्चि तिन मान्सनलाइ हमला अद्दया डर लाग्द्या ब्वाँसा हुन।