रोमी 15:19 - डोटेली नयाँ करार

¹⁹ पबित्र आत्मा बठेइ मलाइ दिया सक्ति बठेइ मइले सक्तिशाली चिन्ह रे अचम्मका काम अर्याथ्या। तबइकिलाइ म जाँ लगइ यरुशलेम सहर बठेइ इल्लुरिकन क्षेत्र गया, मइले येशू ख्रीष्टका बारेमि तिन ठाउका मान्सनलाइ सुसमाचार प्रचार अरिराइछु।

रोमी 15:19 Referans Kwoze

२ कोरिन्थी 12:12

साँचो छान्या शिष्याका लक्षण पुरा धैर्यसित, चिन्ह, चमत्कार, रे सक्तिका काम बठेइ तमरा बिचमि प्रकट अरिएका थ्या।

हिब्रु 2:4

रे परमेश्वरले लगइ अचम्मका काम, चिन्ह, भौत किसिमका अचम्मका काम रे मान्सनलाइ आफ्नो इच्छा अनसार पबित्र आत्मा बठेइ बरदान दिइबर यो सन्देश प्रमाणित अर्यो।

गलाती 3:5

परमेश्वरले तमनलाइ प्रसस्त रुपमी पबित्र आत्मा दिनाहान, रे तमनमि अचम्मका काम अद्दाहान, कि यो सब मोशाको कानुन पालन अरिबर हो? अथवा, कि यो ख्रीष्टका बारेमि सुसमाचार सुणिबर उनमी बिश्वास अर्या हुनातक हो?

२ तिमोथी 4:17

तर प्रभु मेरा पक्षमि थ्या, रे उनले मलाइ बल दियो, ताकि मइले येशू ख्रीष्टका बारेमि सुसमाचार निक्केरि प्रचार अद्द सकु ताकि तिन सब गैर-यहुदि मान्सन जो अदालतमि थ्या, तिनन सबले यो सुण्न सकुन। भोकाया सिंहका मुख बठेइ बच्या जसेरि उनले मलाइ मृत्यु बठेइ बचायो।

प्रेरित 20:6

तर हाम निस्तार काजबार पछा फिलिप्पी सहर बठेइ जहाजमि चडिबर पाँच दिन पछा तिननलाइ त्रोआस सहरमि भेट्या, रे हाम ताँ सात दिन बस्या।

प्रेरित 17:10

भाइनले उतन्जेइ पावल रे सिलासलाइ राता रात बेरिया गाउँमी पठाइदियो, पइ जब तिनन ताँ पुग्या तब तिनन यहुदि सभाघर भितरि पस्या।

प्रेरित 20:20

तमन संगति अद्द्या ठाउँमि रे घर-घरमि गइबर सब कुरणीको शिक्षा दिन्ज्या मइले तमरो भलाइ हुन्या केइ कुरणी मनमि बाकि राखेइन।

प्रेरित 19:1

पइ इसो भयो अपोल्लोस कोरिन्थ सहरमि हुन्या बेला पावल गलातिया प्रदेस रे फ्रिगिया प्रदेस होइबर एफिसस सहरमि आया, पइ ताँ तिनले प्रभुमि बिश्वास अद्द्या शिष्यालाइ भेट्यो।

प्रेरित 18:19

पावल, प्रिस्किला रे तइका बैकान अकिलास एफिसस सहरमि पुग्या, पइ पावलले प्रिस्किला रे तइका बैकान अकिलासलाइ ताँइ छाड्यो, रे आफ चाइ एक यहुदि सभाघरमी पसिबर यहुदि मान्सनसित वाद-बिबाद अद्द पस्या।

प्रेरित 18:1

तइ पछा तिन एथेन्स सहर बठेइ बिदा होइबर कोरिन्थ सहरमि गया।

प्रेरित 17:15

पावललाइ पुर्याउन जान्या बिश्वासिन तिनसित एथेन्स सहर सम्म गया। तिन भाइन बेरिया गाउँमी फर्किबर गया, तर सिलास रे तिमोथी जति सक्यो छिटाइ तइका वाँ आउनु पणन्छ भण्न्या आज्ञा पाइबर तिनन फर्क्या।

प्रेरित 16:18

तइले भौत दिन सम्म इसोइ अर्यो। तब पावलले दिक्‍क माणिबर फनक्‍क फर्किबर तइ भूत आत्मालाइ भण्यो, “येशू ख्रीष्टका नाउँमि म तुलाइ तइ बठेइ निकल्ल्या आज्ञा अद्दउ।” पइ त्यो भूत आत्मा तसइ बेला निकल्यो।

प्रेरित 15:12

तइ बेला सभामी भया सब मान्सन चुप लाग्या, रे बारनाबास रे पावलले गैर-यहुदि मान्सनका बिचइमि परमेश्वरले तिनन बठेइ अर्या चमत्कारी चिन्ह रे अचम्मका कामका बारेमि बताउन्ज्या ताँ भया सब मान्सनले ध्यान दिइबर सुण्यो।

प्रेरित 14:25

पइ पामफिलिया जिल्लाको पर्गा सहरमि परमेश्वरको बचन प्रचार अर्यो रे तिनन आजी अटालिया सहरमि गया।

प्रेरित 14:20

तर जब प्रभुका शिष्या तिनरा वलतिर पलतिर कल्लिया पइ उन उठ्या रे सहर भितर गया रे भोलिबार बारनाबाससित डर्बि सहरतिर लाग्या।

प्रेरित 14:10

रे पावलले कला हालिबर भण्यो, “आफना खुट्टामी सिदा कल्ले” पइ यिसो भणन्जेइ त्यो मान्स जुरुक्‍क उठ्यो रे हिट्ट लाग्यो।

प्रेरित 14:6

तब यो कुरणी था पाइबर तिनन लुकोनिया जिल्लाका लुस्त्रा सहर रे डर्बि सहरका वलतिर पल्तिरका गाउँमी भाग्या।

प्रेरित 13:51

तर पावल रे बारनाबास तिननलाइ धेकाउनाइलाइ परमेश्वरले तिननलाइ अस्वीकार अर्यो रे तिननलाइ सजाय दिन्या छन, भणि आफना खुट्टाको धुलो ट्ट्केइ दियो, रे तिनन आइकोनियन सहरमि गया।

प्रेरित 13:14

तर तिनन पर्गा सहर बठेइ जहाजमि चडिबर गलातिया प्रदेसको पिसिदियास जिल्लाको एन्टिओखिया सहरमि पुग्या, रे बिश्राम दिनमि यहुदि सभाघर भितर गइबर बस्या।

प्रेरित 1:8

तर पबित्र आत्मा आया पछा तमनले सक्ति पाउन्या हौ, रे तमन यरुशलेम सहर, सारा यहुदिया जिल्ला, सामरिया जिल्ला रे बाकि रया सब संसारका मान्सनलाइ मेरा बारेमि बताउन्या हौ।”

यूहन्नाले लेख्या सुसमाचार 4:48

येशूले तइलाइ भण्यो, “तमन चिन्ह रे अचम्मका काम नधेकइय्याँ सम्म कसइ रितले लगइ मलाइ ख्रीष्टको रुपमि बिश्वास अद्द्या होनु।”

मत्ती 12:28

तर यदि परमेश्वरका आत्मा बठेइ म भूत धपाउनौ भण्या परमेश्वरको राज्य तमनमि आइ सक्या छ।”

१ पत्रुस 1:12

तर परमेश्वरले तिन भबिष्यवक्तालाइ भण्यो कि तिनीनका सन्देश आफ्ना निउति होइन तर तमनकीलाइ हो। त्यो सन्देश येशू ख्रीष्टको बारेमि सुसमाचार हो, जो तमनले अइल सुणयाछौ। परमेश्वरले स्वर्ग बठेइ आफ्नो पबित्र आत्मा मान्सनले तमनलाइ सुसमाचार प्रचार अददाइ सहयोग अददाइ पठायो। यो सबइ इति अचम्मको छ कि स्वर्गदुत लगइ उत्सुक भइबर यिन कुरणी हेरिरइ छन।

कलस्सी 1:25

परमेश्वरले मलाइ उनरो सन्देश तमनलाइ पुरा रुपमि ब्याख्या अददाइ नियुक्त अर्याछ तबइकिलाइ म बिश्वासीनको दास बन्या छु।

रोमी 15:24

तबइकिलाइ म स्पेन देशमि जानज्या तमनलाइ भेट्ट्या आसा राख्दउ, रे तमनसित केइ समय सम्म संगतिको आनन्द लिया पछा, तमनले मलाइ स्पेन देशका मेरा यात्राकीलाइ मलाइ सहयोग अर्या म चाहानउ।

रोमी 15:13

म प्रार्थना अद्दउ कि आसा दिन्या परमेश्वरलाइ तमनले बिश्वास अर्या हुनाले तमनलाइ पुरा आनन्द रे सान्ति भरि दिउन, ताकि पबित्र आत्माको सक्तिले तमरो आसा बड्डइ जाउ।

रोमी 15:16

कि म गैर-यहुदि मान्सनकि निउति येशू ख्रीष्टको सेवक हुन सकु। मइले उनरो सुसमाचार प्रचार अरिबर परमेश्वरको पुजारि को काम अर्या, ताकि गैर-यहुदि मान्सनलाइ भेटिका रुपमि परमेश्वरले स्वीकार अद्द सकुन, जो भेटी पबित्र आत्माले पबित्र बनाया छन।

१ कोरिन्थी 2:4

मेरा शिक्षा रे प्रचार मान्सनको बुजाइ रे सिपालु सब्दमि आधारित थेइन, तर पबित्र आत्माले तमनलाइ सक्तिशाली रुपमि धेकायो कि मइले तमनलाइ भण्या सन्देश सत्य थ्यो।

१ थेसलोनिकि 1:5

क्याकि येशू ख्रीष्टको बारेमि हामरो सुसमाचार तमरा वाँ बलिमि मान्त्तर आएन तर पबित्र आत्माको सक्तिमि रे यो सत्य हो भणबर पुरा निश्चयता सित आया छ। तमन जाणन्छौ कि तमरा फाइदाकिलाइ तमनसित छनज्या हाम कसेरी बस्याथ्या।