रोमी 15:1 - डोटेली नयाँ करार

¹ यदि हामरो बिश्वास बलियो छ भण्या, हाम जाण्न सक्दाउ कि यिन कुरणीले केइ फरक पड्डइन, तर हाम आफइलाइ मान्तर खुशी पाड्डाइ तसो अद्द सक्दाइन। हामले तिन मान्सनलाइ सहयोग अददु पणन्छ जो बिश्वासमि कमजोर छन।

रोमी 15:1 Referans Kwoze

१ थेसलोनिकि 5:14

बिश्वासि भाइन हो हाम तमनलाइ बिन्ति अददाउ कि अल्छीलाइ चेतावनी दिय, डराउन्यालाइ उत्साह दिय, कमजोरलाइ मद्दत अर। सबसित सहनशील होउ।

रोमी 14:1

बिश्वासमि कमजोर मान्सनलाइ उनरा मान्यताका बारेमि बिना संका स्वीकार अर, तर तिनरो बिश्वास तमरो भण्ना फरक छ भण्या तिनरो न्याय जन अर।

१ कोरिन्थी 9:22

जब म बिश्वासमि कमजोर भया मान्सनसित हुनउ, तिनरि जसेरि ब्यबहार म अद्दउ, तकि म तिननलाइ ख्रीष्टमी ल्याउनाइ सहयोग अद्द सकु म सब किसिमले केइ मान्सनलाइ बचाउन सकु भणबर सबइका निउति म सब थोक बन्या।

१ यूहन्ना 2:14

तमन जो बा जसा छौ, म तमनलाइ लेख्दाछु, क्याकि पइल्ली बठेइ हुन्या येशू ख्रीष्टलाइ तमन जाणन्छौ। जबान, म तमनलाइ लेख्दाछु, क्याकि तमन बिश्वासमि बलिया छौ रे परमेश्वरको बचन तमनमि रन्छ रे तमनले सैतानलाइ जित्या छौ।

२ तिमोथी 2:1

तबइकिलाइ तिमोथी जो मेरो चेलो जसोइ छइ, परमेश्वरले येशू ख्रीष्ट बठेइ दिया अनुग्रहमी लगातार बलियो होउ।

रोमी 4:20

परमेश्वरको करारको बारेमि उनलाइ केइ कुरणी लगइ हलाउन सकेइन, तर आफ्नो बिश्वासमि बलिया होइबर उनले परमेश्वरलाइ महिमा दियो।

एफिसी 6:10

छाड्डीबार, प्रभुको अपार सक्तिले आत्मामी बलिया होउ।

२ कोरिन्थी 12:10

तबइकिलाइ ख्रीष्टका खातिर कमजोरीमी, बदनाममि, कठीनाइमी, सतावोटमि, आपतमी, म सन्तुष्ट रनउ। क्याकि जब म कमजोर छु तब म ख्रीष्टको सक्ति बठेइ बलियो हुनउ।

१ कोरिन्थी 4:10

हामले ख्रीष्टका बारेमि प्रचार अर्या हुनाले मान्सनले हामलाइ मुर्ख माणन्नाहान, तर तमन गल्तिले इसो सोचन्छौ कि ख्रीष्टमी तमन बुद्दिमान छौ! भौत मान्सनले हामसित अधिकार नभया सोच्चाहान। तर तमन घमण्डसित भणन्छौ, कि तमनसित परमेश्वरले दियाको सक्ति छ। मान्सनले हामरो आदर अद्दइन, तर तमरो आदर अददाहान।

रोमी 14:2

कसइले सब चिज खानु पणन्छ भणि बिश्वास अरन्छ, तर बिश्वासमि कमजोर हुन्याले सागपात मान्तरइ खान्छ।

फिलिप्पी 2:4

तमन हरेकले आफ्नो मान्तर फाइदा जन खोजउ, तर औरको फाइदा लगइ हेर।