रोमी 1:18 - डोटेली नयाँ करार

¹⁸ परमेश्वरको क्रोध तिन मान्सनका सारा भक्तिहिन रे अधर्मि कामका बिरुद्द स्वर्ग बठेइ प्रकट होइरइछ, रे सत्यलाइ तिनले अर्या दुष्ट कामले बिरोध अरन्छ।

रोमी 1:18 Referans Kwoze

एफिसी 5:6

यिन मान्सन बठेइ मुर्ख जन बन जो यिन पाप अद्दाइ बाहाना बनाउन्या कोशिस अददाहान, क्याकि यिन कुरणिका लाग्दा परमेश्वरको क्रोध आज्ञा नमान्या मान्सनमि पणन्छ।

रोमी 1:32

यिसा काम अद्द्या मृत्युका योग्य हुनाहान भण्न्या परमेश्वरको धार्मिक-बिधान जाँण्ना जाँण्नाइ लगइ तिनन यिन काम मान्तर अद्दाइन्न, तर औरलाइ उत्साह दिन्या मान्सनसित लगइ पुरा सहमत हुनाहान।

कलस्सी 3:6

क्याकि जो मान्सनले तिन खराब कुरणी अरन्छ, परमेश्वरले तिननलाइ पक्‍का कडा दण्ड दिन्या हुन।

२ थेसलोनिकि 2:10

रे तइले तिननलाइ सब किसिमका खराब काम धोका दिनाइ प्रयोग अद्दया हो, जो परमेश्वर बठेइ नास हुनाइ छानिया छन। क्याकि तिननले येशू ख्रीष्टका बारेमिको सत्य सन्देसलाइ बिश्वास अद्द इन्कार अर्यो जइले तिनलाइ बचाउन सकनथ्या।

रोमी 6:13

आफना शरीरका अंगलाइ ननिका कामकीलाइ प्रयोग हुन जन दिय। तर आफइलाइ मर्या बठेइ जिउना भया सोचिबर आफ्नो जीवन परमेश्वरलाइ दिय, रे आफ्नो शरीरका अंगलाइ ठीक कुरणीकी निउति प्रयोग अर, रे पुरा रुपमि आफ्नो जीवन परमेश्वरलाइ दिय।

रोमी 5:9

कि हाम परमेश्वरसित धर्मि ठहरिया छु क्याकि ख्रीष्ट हामरि निउति मर्या रे हामरा पापकिलाइ आफ्नो रगत बगायो, तबइकिलाइ ख्रीष्टले पक्‍कालगइ परमेश्वरका क्रोध बठेइ हामलाइ बचाउन्या हुन।

रोमी 4:15

परमेश्वरले पुरा रुपमि कानुन नमाणन्यालाइ दण्ड दिनाहान, तर जाँ कानुन हुनइन ताँ अनआज्ञाकारिता लगइ हुनइन।

रोमी 1:28

रे तिननले परमेश्वरको पुरा ज्ञानलाइ स्वीकार अद्द उचित माणइन, क्याकि परमेश्वरले लगइ तिननलाइ त्यो सब अनुचित काम अददाइलाइ तिनरा कुबिचारमी छाडिदियो।

रोमी 2:3

तुइले यिसा काम अद्द्यालाइ दोस लाउछइ, रे आफइ लगइ तसइ काम अरन्छइ भण्या, कि परमेश्वरको न्याय बठेइ उम्कनउ भण्न्या तु सोचन्छइ?

रोमी 1:19

परमेश्वर कसा छन भणबर सब मान्सनलाइ प्रस्ट छ, क्याकि परमेश्वर आफइले तिननलाइ यो प्रस्ट पाण्या छन।

रोमी 5:6

क्याकि हाम निर्बल हुनज्या ख्रीष्ट दुष्ट मान्सनकिलाइ तोकिया समयमि मर्या।

रोमी 3:9

तसो भया कि हाम यहुदि मान्सन गैर-यहुदि मान्सन भण्ना असल छौ? अवश्य आथिन, क्याकि सब मान्स, यहुदि मान्सन रे गैर-यहुदि मान्सन दुएइ पापका सक्तिका अधिनमी छन भणि मइले दोस लाइसक्याछु।

२ थेसलोनिकि 2:6

अइल सम्म त्यो खराब मान्स धेकिया आथिन क्याकि केइ कुरणीले उइलाइ रोक्या छ। तमनलाइ पक्‍का याद छ कि तइलाइ रोक्द्या कि कुरणी हो। तबइकिलाइ जब परमेश्वरले तोक्या समय आउछ, त्यो खराब मान्स धेकिन्या हो।