रोमी 1:14 - डोटेली नयाँ करार

¹⁴ सभ्य जाति होउन अथवा असभ्य जाति, बुद्दिमान होउन अथवा निर्बुद्दि, सब मान्सनलाइ सुसमाचार सुणाउनाइ म रिणी छु।

रोमी 1:14 Referans Kwoze

कलस्सी 3:11

तबइकिलाइ ग्रीक अथवा यहुदि, खतना अर्या अथवा खतना नअर्या, बिदेशी अथवा असभ्य मान्सन, नौकर अथवा स्वतन्त्र मान्सनका बिचमि फरक हुन्या आथिन। उन ख्रीष्ट हुन, जो सबहइ महत्वपूर्ण छन, रे उन तमन हरेकमि रनाहान।

प्रेरित 9:15

तर प्रभुले तिनलाइ भण्यो, “जा, क्याकि गैर-यहुदि, राजा रे इस्राएल देशका मान्सनका अगाडी मेरा बारेमि प्रचार अद्दाइ मइले शाउललाइ छान्या हु।

प्रेरित 22:21

“तब प्रभुले मलाइ भण्यो, ‘जा, क्याकि म तुलाइ गैर-यहुदि मान्सनका वाँ दुर-दुर सम्म पठाउन्या हु।’”

रोमी 12:16

एक-अर्खासित मिलिबर बस, घमण्ड जन अर, तर नम्र मान्सनसित संगत अर। आफना नजरमि बुद्दिमान जन होउ।

२ कोरिन्थी 11:19

तमन आफइ इति बुद्दिमान भइबर खुसीसित मुर्खलाइ सन्छौ।

रोमी 16:19

सबलाइ था छ कि तमन प्रभुप्रति आज्ञाकारी छौ, तबइकिलाइ म तमरा लाग्दा आनन्द अद्दउ। तर म चाहानउ, कि तमन असल कुरणी जाण्नाइ बुद्दिमान हौ, तर खराब कुरणी अददाइ निर्दोष हौ।

रोमी 13:8

तमन एक मान्तर कुरणिका रिणि छौ जो तमनले तिद्दु पणन्छ, रे त्यो एक-अर्खालाइ प्रेम अद्दु हो। क्याकि आफना पडउसिलाइ प्रेम अद्द्याले परमेश्वरको कानुन पुरा अर्या हुन्छ।

रोमी 8:12

तबइकिलाइ बिश्वासि भाइन हो, हामले परमेश्वरका आत्माले भण्या अनसार अददु पणन्छ, तर यो हामरो पापी स्वभाबले खोज्या होइन।

रोमी 1:22

बुद्दिमान छु भण्न्या दाबि अर्या लगइ तिनन मुर्खइ भया,

तितस 3:3

क्याकि हाम लगइ बिश्वासि हुनाहइ पइल्ली मुर्ख, परमेश्वरको आज्ञा नमाणन्या, रे मान्सनले हामलाइ धोकामी पाड्या थ्यो, रे हरेक किसिमका दुष्ट काम अद्द्या इच्छाले नियंत्रित अर्या हुनाले, हाम नौकर जसाइथ्या, हाम यिसो अददु निको माणन्थ्या, रे हामले आफ्नो जीवन दुष्ट काममी रे औरकि रिस माणिबर बिताया, हरेकले हामलाइ घृणा अरन्थ्या रे हाम तिननलाइ घृणा अरन्थ्या।

२ तिमोथी 2:10

तबइकिलाइ म सब दुःख तिनरा फाइदाकिलाइ भोग्दउ जइलाइ परमेश्वरले चुन्या छन, ताकि तिननले लगइ येशू ख्रीष्टमी बिश्वास अद्द सकुन रे मुक्ति पाउन सकुन, रे त्यो आदर पाउन जो सदाइकिलाइ हुन्छ।

२ कोरिन्थी 10:12

आफनी बडुवाँइ आफइले अद्द्या कसइ कसइ मान्ससित हाम आफइलाइ एकै दर्जामि राख्द चाहानाइन, अथवा आफइलाइ तिननसित दाँज्ज हाम साहस अद्दाइन। तर तिनन आफले-आफइलाइ एक अर्खासित तुलना अरिबर तिनन समज नभया हुनाहान।

१ कोरिन्थी 14:16

नतित तमनले आत्मामी परमेश्वरको प्रसंसा अरन्ज्या बुज्ज नसक्द्या बाइरका मान्सले तमरा धन्यबादका प्रार्थना पछा “आमेन” कसेरी भणलो? जबकि तमनले कि भण्या उइले बुज्जइन।

१ कोरिन्थी 14:11

तर यदि हामले और मान्सनले बोल्लारया भासा बुजेइन भण्या, तिन बोल्या मान्सन हामरि निउति बिदेशी जसा हुन्या हुन, रे हाम तिनरा निउति बिदेशी जसो हुन्या हौ।

१ कोरिन्थी 3:18

आफइलाइ धोका दिन छाड। यदि तमन यइ संसारका नजरमि आफलाइ बुद्दिमान सम्जन्छौ भण्या, तमनले यइ संसारका नजरमि आफलाइ मुर्ख बनाउनु पणन्छ, ताकि तमन परमेश्वरका नजरमि साच्ची बुद्दिमान बन्न सक।

१ कोरिन्थी 2:13

तबइकिलाइ हाम यिन कुरणी और मान्सनलाइ भण्नाउ, जो कुरणी हाम प्रचार अद्दाउ, तिन कुरणी मान्सनकि बुद्दिले सिकाएका होइन। तर पबित्र आत्माले सिकाया अनसार बोल्लाउ, रे पबित्र आत्माका सब्द प्रयोग अरिबर हाम आत्मिक सत्यता भण्नाउ।

रोमी 11:25

बिश्वासि भाइन हो, म तमन गैर-यहुदि घमण्डि भया चाहानइन। तबइकिलाइ म इस्राएल देशका मान्सनलाइ कि भयो भणन्या कुरणीको रहस्य ब्याख्या अद्दया हु। इस्राएल देशका केइ मान्सन हटि भया छन, रे तिनन तब सम्म हटि हुन्या हुन जबसम्म परमेश्वरमि आउन्या तमन गैर-यहुदि मान्सनको संख्या पुरा हुनइन।

प्रेरित 28:4

ताँका मान्सनले पावलका हातमि स्याप झुन्निया धेकिबर आपसमी भण्न पस्या, “यो मान्स पक्‍कालगइ ज्यानमारा हुनु पणन्छ। यो समुद्र बठेइ बाँचिबर त निकल्यो तर हामरि न्याय देबिका हात बठेइ निकल्ल सकेइन।”

प्रेरित 28:2

ताँका मान्सनले हामलाइ निको सत्कार अर्यो। पानी पड्या रे जाडि भया हुनाले तिननले आगो बालिबर हाम सबलाइ स्वागत अर्यो।

लूका 10:21

तसइ बेला येशू पबित्र आत्मामी खुशी भया, रे भण्यो, “हे पिता, अग्गास रे धर्तिका परमप्रभु, म तमलाइ धन्यबाद दिनउ, क्याकि तमले यिन कुरणी बुद्दिमान रे समजदार बठेइ गोप्य राखिबर बालकलाइ धेकाया। क्याकि, पिता, तमलाइ यइ निको लाग्यो।”

मत्ती 11:25

तइ बेला येशूले भण्यो, “हे पिता, अग्गास रे धर्तिका प्रभु, म तमलाइ धन्यबाद दिनउ, क्याकि तमले यिन कुरणी बुद्दिमान रे समजदार मान्सन बठेइ गोप्य राख्या, तर साधारण मान्सनलाइ प्रकट अर्या।