रोमी 1:11 - डोटेली नयाँ करार

¹¹ क्याकि म तमनलाइ भिट्टाइ भौत इच्छा अद्दउ ताकि म तमनलाइ केइ आत्मिक आशिस दिन सकु जइले तमरो बिश्वास बलियो होउ।

रोमी 1:11 Referans Kwoze

२ पत्रुस 1:12

पइलगइ तमनलाइ यिन कुरणी था भइ सक्या छन, रे मान्सनले तमनलाइ सिकाया सत्य शिक्षामि बलियो भयाछौ, म तिन कुरणिका बारेमि याद दिलाइ राख्द्या हु।

रोमी 16:25

आब उनलाइ, जइले तमनलाइ प्रचार अर्या येशू ख्रीष्टका बारेमिको सुसमाचार अनसार बिश्वासमि बलियो बनाउन सक्दाहान, तइ रहस्यको प्रकाश अनसार, जो युग-युग बठेइ गोप्य रइरइथ्यो,

२ थेसलोनिकि 3:3

तर प्रभु त बिश्वासयोग्य छन। उनले तमनलाइ आत्मिक रुपमि बलिया बनाउन्या हुन रे सुरक्षा अद्या हुन, ताकि सैतानले तमनलाइ हानीअद्या आथिन।

रोमी 15:29

रे म जाण्नउ, म तमरा वाँ आउन्या हु रे ख्रीष्ट बठेइ पाया भौत आशिस तमनसित बाणन्या हु।

१ पत्रुस 5:12

सिलासका सहयोगले मइले यो छोटो पत्र तमनलाइ लेखिबर पठाया छु। ख्रीष्टमी म उइलाइ बिश्वासयोग्य भाइ सम्झनउ। मेरो चिठ्ठी लेख्दुको उद्देश्य तमनलाइ उत्साह दिनु रे निश्चित अददु हो कि तमनले अनुभव अददार्या तमरा निउति परमेश्वरको अनुग्रह हो। यइ अनुग्रहमी दृढ होइबर खडा होउ।

१ पत्रुस 5:10

परमेश्वर, जो पूरारुपमी अनुग्रहकारि छन हामरो ख्रीष्ट सितको सम्बन्धका लाग्दा आफ्नो अनन्त महिमामि हामलाइ साजेदार हुनाइ बोलाया छ। तमनले केइ बेर सम्म कष्ट भोग्या पछा, परमेश्वरले तमनलाइ असल बनाउन्या हुन ताकि तमनमि केइ गल्ती जन होउ रे उनले तमरो हृदयलाइ बलियो बनाउन्या हुन रे दृढ हुनाइलाइ उनमी बिश्वास अद्दया बनाउन्या हुन।

२ थेसलोनिकि 2:17

रे म प्रार्थना अद्दउ कि तिननले तमरो हृदय उत्साहले भरिउन ताकि तमन असल कुरणी अद्द रे बोल्लाइ सदाइ बलियो हुन सक।

प्रेरित 19:6

जब पावलले तिननमि हात राख्यो, तब पबित्र आत्मा तिननमि आया, रे तिननले फरक फरक भासा बोल्या रे भविष्यवाणी अर्यो।

प्रेरित 16:5

यिसेरी मण्डलिका मान्सन बिश्वासमि बलिया हुनाइ रे संख्यामि दिन दिनै बड्डाइ गया।

१ थेसलोनिकि 3:13

हाम प्रार्थना अददाउ कि हामरा प्रभु येशूले तमरा हृदय बलियो बनाउन ताकि तमन परमेश्वर हमरा पिताको उपस्थितिमि पबित्र रे निष्खोट हुन सक जब हामरा प्रभु येशू आफ्ना मान्ससित फर्किबर आउन्याहुन।

१ थेसलोनिकि 3:2

रे तमनलाइ बिश्वासमि स्थिर अराउनाइ रे उत्साह दिनाइ, परमेश्वरमि ख्रीष्टका सुसमाचारको सेवक हामरा सहकर्मी भाइ तिमोथीलाइ हामले तमरा वाँ पठाया।

फिलिप्पी 4:1

तबइकिलाइ मेरा प्यारा भाइन, म तमनलाइ भौत प्रेम अद्दउ, रे तमनलाइ भेट्या भौत इच्छा छ, तमन मेरा आनन्द रे मुकुट हउ। मेरा प्यारा, मइले तमनलाइ भण्या अनसार प्रभुमि तमरो बिश्वास बालियो होइरउ।

फिलिप्पी 2:26

क्याकि उनले तमन सबलाइ भेट्या भौत इच्छा अर्या छन, रे उन भौत चिन्तित होइरइछ, क्याकि तमनले उनरा बिरामिका हालत सुण्या थ्या।

फिलिप्पी 1:8

क्याकि परमेश्वर मेरा साक्षि छन कि कसेरी म येशू ख्रीष्टको प्रेमले तमन सबलाइ भेट्टया इच्छा अद्दउ।

२ कोरिन्थी 9:14

रे तिननले तमरि निउति भौत प्रेमसित प्रार्थना अद्दा छन, क्याकि परमेश्वरको असिम अनुग्रह तमनमि छ।

२ कोरिन्थी 1:21

परमेश्वरइले हामलाइ तमनसित ख्रीष्टमी बलिया बनाया छ, रे हामलाइ आफ्ना निउति अलग अर्याछ।

रोमी 15:32

रे परमेश्वरको इच्छा आनन्दसित तमरा वाँ आइबर तमन सितको संगति बठेइ म आजी उत्साहित हुन सकु।

रोमी 15:23

तर आब यरुशलेम सहर बठेइ इल्लुरिकन क्षेत्रका सब ठाउँमि येशू ख्रीष्टका बारेमि नसुण्या मान्सनलाइ मइले सुसमाचार प्रचार अद्द्या मेरो काम सक्या छु। रे भौत बर्ष बठेइ तमरा वाँ आउन्या उत्कट इच्छा छ।

प्रेरित 19:21

यिन कुरणी भइ सक्या पछा पावल माकेडोनिया प्रदेस रे अखैया प्रदेशका बिश्वासीसित भेट्यो रे तइ पछा यरुशलेम सहरमि जान्या फैसला अर्यो। तिनले भण्यो, “यरुशलेम सहरमि पुग्या पछा म रोम सहरमि जानुइ पणन्छ।”

हिब्रु 13:9

हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।

२ कोरिन्थी 11:4

हामले येशूको बारेमि भण्या, रे तमनले हामरो सुसमाचार ग्रहण अरिबर पबित्र आत्मा पाया। तर तमन अर्खा येशूका बारेमि केइ मान्सनलाइ भणन दिन्छौ। आब तमन अर्खा आत्मा रे अर्खो सुसमाचार ग्रहण अददाइलाइ तयार छौ, तमनले गल्तिले पुरा हृदयले त्यो ग्रहण अर्या।

रोमी 1:12

मेरो भणाइको अर्थ यो हो कि म तमनलाइ बलिया हुनाइलाइ सहयोग अद्द्या हु, रे तमनले मलाइ बलिया हुनाइलाइ सहयोग अद्द्या हउ। तमन बलिया हुन्या हउ क्याकि तमनलाइ था छ कि मइले कसेरी बिश्वास अर्या, रे म बलियो हुन्या हु क्याकि मलाइ था छ कि तमनले कसेरी बिश्वास अर्या।

२ कोरिन्थी 1:15

तमनले हामलाइ बुज्न्छौ भणन्या कुरणीमि म पक्‍का भया हुनाले म तमनलाइ पइल्ली बेर भेट्टाइ खोज्जाथ्या, ताकि तमनलाइ दुइ बेर भेट्टाइ आया आशिस तमनलाइ हुन सकउ।