प्रकाश 6:12 - डोटेली नयाँ करार

¹² रे मइले थुमालाइ छैठौं मोहोर तोड्यो धेक्या, ताँ एक ठुलो भुइँचालो आयो। सुर्य भाङरा जसो कालो भयो, रे पन्युकि जुन रगत जसि रात भइ।

प्रकाश 6:12 Referans Kwoze

मत्ती 24:29

तइ दिनमि, भयानक दु:खको समय साकिया पछा सुर्या रे जुन दुएइ उजालो दिन छाड्या हुन, रे अग्गास हइ तारा झड्या हुन रे अग्गासको सक्ति हल्लीन्या हुन।

प्रकाश 16:18

तब बिजुलि चम्क्यो, चिड्को पड्यो, मेग आयो रे डर लाग्द्या भुइँचालो गयो, इति भयंकर भुइँचालो कि धर्तीमि मान्स भया बठेइ यिसो कभइ गया थेइन।

प्रकाश 11:13

तसइ बेला एक ठुलो भुइँचालो यरुशलेम सहरमि गयो रे सहरको दस हिस्सा ढल्यो। भुइँचालामि सात हजार मान्स मर्या। और बाँच्या मान्स डराया रे स्वर्गका परमेश्वरलाइ महिमा दियो।

प्रकाश 8:5

पइ स्वर्गदुतले धुपौरो समाइबर बेदिका मल्तिर बठेइ बल्लार्या कोइलाले तइलाइ भर्यो रे धर्तीमि खित्दियो। पइ गर्जन, आवाज, बिजुलिका चमक निकल्या रे भुइँचालो गयो।

मत्ती 24:7

क्याकि एक जातिका मान्स अर्खा जातिका मान्सलाइ हमला अद्या हुन, रे एक राज्यका मान्स अर्खा राज्यका मान्सका बिरोधमी लड्या हुन। रे भौत ठाउँमि भुइँचालो जान्या हो, रे अनिकाल पड्या हो।

मर्कुस 15:33

रे बार बजे बठेइ लगभग तीन बजे सम्म देस भरि अन्धकार भयो।

मत्ती 28:2

ठुलो भुइँचालो गयो, क्याकि परमप्रभुका एक स्वर्गदुत स्वर्ग बठेइ तल्तिर ओल्या, रे आइबर ढुङो हटाइबर तइमि बस्या।

मत्ती 27:54

जब सुबेदार रे उनसित येशूलाइ पहरा दिन्यावालनले भुइँचालो रे ताँ भाएका घटना धेक्यो तब भौत डराइबर इसो भण्यो साँच्चि यिन त परमेश्वरका चेलो रइछन।

मत्ती 27:45

आब बार बजे बठेइ लगभग तीन बजे सम्म देस भरि अन्धकार भयो।

मत्ती 11:21

तमन भयानक समस्यामि छौ! तम मान्सनलाइ जो खोराजिन सहरमि बसन्छौ! तमन भयानक समस्यामि छौ! तम मान्सन जो बेथसेदा गाउँमी बसन्छौ! यदि तमनमि धेकाया अचम्मका काम टुरोस रे सिदोन सहरमि धेकाया भयले, ताँका मान्सनले पइल्ली भाङरा लाइबर छार घस्सेइ थ्या, यो धेकाउनाइ कि तिनन पाप अद्द छाडिबर परमेश्वरतिर फर्किया छन!

प्रकाश 8:12

चौथा स्वर्गदुतले आफ्नो तुरहि बजायो, रे सुर्यको एक तिहाइ भागमि प्रहार अरियो, रे चन्द्रमाको एक तिहाइ भागमि रे ताराको एक तिहाइ भागमि प्रहार भयो रे जइका लाग्दा दिनको एक तिहाइ भागमि सुर्य चम्किएन, रे चन्द्र रे तारा रातको एक तिहाइकि निउति चम्किएन।

प्रकाश 16:8

चौथा स्वर्गदुतले कटौरामि भया चिज सुर्यका मथिमि खणेयो, सुर्यलाइ और तातो हुन्या अनुमति दियो रे इसइले मान्सन चरम रे डर लाग्दो गर्मिले जलाइया थ्यो।