प्रकाश 3:8 - डोटेली नयाँ करार

⁸ मलाइ था छ तम कसा काम अर्न्छौ। मलाइ था छ कि तमनसित थोक्काइ सक्ति छ, पइलगइ मइले तमनलाइ भण्या कुरणी तमनले पालन अर्या छौ। तमनले ममि लगातार बिश्वास अर्या छौ। तबइकिलाइ मइले तमरा निउति एक ढोका खोल्या छु जइलाइ कसइले बन्द अद्द सक्दइन।

प्रकाश 3:8 Referans Kwoze

१ कोरिन्थी 16:9

क्याकि याँ लगइ भौत मान्सन छन जो परमेश्वरको बचन सुणन चहानाहान, रे मइले याँ बस्सुको ठुलो महत्व छ। जबकि याँ लगइ परमेश्वरका सतुर भौत छन।

कलस्सी 4:3

हामरा निउति लगइ प्रार्थना अर, ताकि ख्रीष्टको त्यो रहस्य प्रचार अद्दाइलाइ परमेश्वरले हामलाइ मौका दिउन, म आब झेलमि छु क्याकि मइले यो सनदेस प्रचार अर्याथ्या।

प्रकाश 3:7

येशूले मलाइ इसो लगइ भण्यो, “फिलाडेल्फिया सहरका मण्डलिका स्वर्गदुतलाइ यो सन्देश लेख: म उइ हुँ जो पबित्र रे जो सत्य छ, जइसित राजा दाउदको चाबि छ, जब म तइ चाबिले ढोका खोल्लउ, कसइले लगइ तइलाइ बन्द अद्द सक्दइन रे जब मइले चाबिले बन्द अद्दउ कसइले खोल्ल सक्दइन। जी म तमनलाइ भणनउ उइलाइ सुण:

२ कोरिन्थी 2:12

ख्रीष्टको सुसमाचार प्रचार अद्दाइ त्रोआस सहरमि पुगन्ज्या परमेश्वरले मलाइ सुसमाचार प्रचार अद्द्या ठुलो मौका दियाथ्यो।

प्रेरित 14:27

तिनन एन्टिओखिया सहरमि पुग्या पछा, तिननले मण्डलिका सब मान्सनलाइ बोलायो। परमेश्वरले तिनन बठेइ कसा कसा काम अर्यो रे उनले गैर-यहुदि मान्सनलाइ लगइ येशू ख्रीष्टमी बिश्वास अद्द्यामि गवाही बनायो, भणबर सब मान्सनलाइ भण्यो।

फिलिप्पी 4:13

मलाइ सक्ति दिन्या ख्रीष्ट बठेइ म सब कुरणी अद्द सक्दउ।

लूका 12:9

तर जइले मलाइ मान्सका साम्ने अस्वीकार अरन्छ, तइलाइ म मान्सको चेलोले परमेश्वरका स्वर्गदुतका अगाडी लगइ अस्वीकार अद्द्या हु।

प्रकाश 2:13

मलाइ था छ कि तमन तइ सहरमि बसन्छौ जाँ सैतानले सासन अरन्छ। पइलगइ तमनले ममि बिश्वास अददाछौ। मलाइ यो लगइ था छ कि एन्टिपासलाइ कि भयाथ्यो जइले बिश्वासयोग्यसित मेरा बारेमि मान्सनलाइ भण्यो। तिननले एन्टिपासलाइ सैतानले सासन अद्द्या ठाउँमि मार्या बेला लगइ तमन मसित इमानदार भइरया।

यूहन्नाले लेख्या सुसमाचार 17:6

संसार बठेइ जो मान्सन तमले मलाइ दिया, तिननलाइ तमरो नाउँ मइले चिनाइ दिइराइछु। तिन तमरा थ्या, रे तमले तिन मलाइ दिया, रे तिननले तमरो शिक्षा पालना अर्या छ।

प्रकाश 3:15

मलाइ था छ तम कसा काम अर्न्छौ तमरा लक्षण पानी जसो छ जो न त तातो छ न ठण्न। म चाहनउ कि यदि तमन मलाइ पछ्याउन्छौ भण्या, साच्ची पछ्या, यदि होइन भण्या जन पछ्या।

प्रकाश 22:7

“हेर, म छटाइ आउन्ना छु। यइ किताबमी लेखिया अगमबाणी पालन अद्द्या धन्यका हुन।”

प्रकाश 3:10

कष्ट भोगन्ज्या धिरज राख्द्या मेरो सन्देशकिलाइ तमनले पालन अर्या, तबइकिलाइ म तमनलाइ सुरक्षित राख्दउ। यो परिक्षणको समय यइ संसारका सब मान्सनमि आउन्या हो।

१ तिमोथी 5:8

तर यदि कोइ आफ्नोइ नातेदारको रे बिसेस अरिबर आफनाइ परिवारको हेरचाह अद्दइन भण्या त तइले प्रस्ट धेकाउन्छ कि तइले ख्रीष्टमी बिश्वास अद्दइन रे बिश्वास नअद्दया भण्नालगइ खराब हुन्छ।

२ तिमोथी 4:7

युद्दमि असल सिपाइकि जसेरि जइले कभइ लडाइ लड्ड छाड्डइन, मइले, लगइ ख्रीष्टकिलाइ कडा मेहनत अददु कभइ छाड्डइन, येशू ख्रीष्टले मलाइ अददाइ दिया काम पुरा अरिसक्या छु, म अन्तिम सम्म बिश्वासयोग्य होइरइछु।

प्रकाश 3:1

येशूले मलाइ इसो लगइ भण्यो, “सार्डिस सहरका मण्डलिका स्वर्गदुतलाइ यो सन्देश लेख: म उइ हुँ जइले मेरा हातमि सात तारा समाया छु रे जइले परमेश्वरका सात आत्मालाइ बाहिर पठाउनाहान। मलाइ था छ तम कसा काम अर्न्छौ। तमन ममि बिश्वासयोग्य बिश्वासिन जसो धेकिन्छ तर साच्ची तमन आब मलाइ पछ्याउन।

प्रकाश 2:2

मलाइ था छ तम कसा काम अर्न्छौ, तम कसेरी मेहनत अर्न्छौ रे कभइ हार माणनानु। मलाइ था छ कि तम दुष्ट मान्सनका झुटा शिक्षालाइ सनानु। तमले तसा मान्सलाइ परिक्षा अर्या जइले आफ छान्या शिष्या हुँ भण्नाहान तर साच्ची तिनन होइन, रे तमले पत्ता लाया कि तिनन झुटा छन।

यहूदा 1:4

म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।

यूहन्नाले लेख्या सुसमाचार 15:20

मइले तमनलाइ भण्या कुरणी याद राख, ‘नौकर आफना मालिक भण्ना ठुलो हुनइन।’ तिननले मलाइ सतायो भण्या तमनलाइ लगइ सताउन्या हुन। तिननले मेरो शिक्षा पालन अर्यो भण्या तमरो शिक्षा लगइ पालन अद्द्या हुन।