प्रकाश 22:15 - डोटेली नयाँ करार

¹⁵ खराब काम अद्द्या, रे मन्त्रतन्त्र अद्द्या, व्यभिचारि, हत्यारा, मुर्ति पुज्ज्या रे झुट बोलल्या तिनन कभइ लगइ सहर पस्स सक्दाइन।”

प्रकाश 22:15 Referans Kwoze

प्रकाश 21:8

तर जइले ममि बिश्वास अद्दाइन, तिनन गंधकले बलल्या ठाउँमि सामेल हुन बाद्य हुन्या हुन, जो दोसरो मृत्यु हो। रे यइ परिणाम तिनरो हुन्या हो, जो मान्सनका अगाडी मलाइ चिन्न डराउनाहान, कुकर्म अददाहान, हत्यारा हुन, अनैतिक यौन सम्बन्ध राख्दाहान, जादु अददाहान, मुर्तिपुजा अददाहान वाँ झुट बोल्लाहान।”

फिलिप्पी 3:2

तिन मान्सन बठेइ होस अर्या जइले कुकुरका जसो ब्यबहार अददाहान, जइले ननिका काम अददाहान। तिन मान्सन बठेइ होस अर्या जइले भण्नाहान कि उद्दार पाउनाइलाइ खतना भया हुनु पणन्छ।

प्रकाश 21:27

तर जी लगइ फोहोर भया अथवा खराब काम अद्द्या वाँ झुट बोल्लया, तिननलाइ पक्‍कालगइ प्रवेश अददाइ अनुमति थेइन। यइमि प्रवेश अद्द सक्द्या, तिन मान्सन हुन जइको नाउ थुमाका तइ किताबमी लेखिया छ, जइमि अनन्त जीवन पाया मान्सनको नाउ लेखिया छ।

कलस्सी 3:6

क्याकि जो मान्सनले तिन खराब कुरणी अरन्छ, परमेश्वरले तिननलाइ पक्‍का कडा दण्ड दिन्या हुन।

प्रकाश 18:23

उइकी रात अनारो हुन्या हो, एक लगइ बत्ति नभया। ब्याउला रे ब्याउलि कोइलगइ खुशिको आवाज हुन्या आथिन। यो इसो हुन्या हो क्याकि उनरा व्यापारी जो संसारमी सबहइ महान थ्या, तिननले जादु-टोनाले जाति-जातिलाइ धोका दियो।

प्रेरित 8:11

तिनन तइलाइ माणन्थ्या, क्याकि भण्या भौत बेला बठेइ तइले आफना जादुगरिले मान्सनलाइ अचम्म पाड़िराइथ्यो।

मत्ती 8:12

तर राज्यका सन्तान जो इस्राएली थ्या बाइर अनाराइनि खितिन्या हुन। ताँ मान्स रुनाहान रे दाँत किट्टाहान।”

यूहन्नाले लेख्या सुसमाचार 8:46

तमनमि हइ कसइले मलाइ पापको आरोप लाउन्छौ? यदि म सत्य बोल्लउ भण्या तमन मलाइ क्याकि बिश्वास अद्दानौ?

मत्ती 7:6

तसो मान्सलाइ परमेश्वरको बचन जन सुणा, जइले सुण्न चाहानइन। यदि तमले इसो अर्या भण्या कुकुरका अगाडी पबित्र चिज खित्तु जसोइ हो, अथवा सुङरका अगाडी मोति खितिया जसोइ हो, जइले तइलाइ खुट्टाले चेप्द्या हुन रे जाइ लागद्या हुन।”

१ तिमोथी 1:10

व्यभिचारि, पुरुषगामि, तिन मान्सन जइले मान्सनलाइ दासका रुपमि बच्याहान, झुटि बोल्या, सत्य बोल्या कसम खाइबर लगइ झुटि बोल्या, रे सहि शिक्षाको बिरुद्द काम अद्द्या मान्सनकि निउति भणिया हो।