प्रकाश 22:14 - डोटेली नयाँ करार

¹⁴ “थुमाका रगतमि आफना लत्ता धुन्या धन्यका हुन, क्याकि तिननलाइ सहरका ढोका बठेइ पस्स्या रे जीवनको रुखको फल खान्या अधिकार हुन्या हो।

प्रकाश 22:14 Referans Kwoze

प्रकाश 21:27

तर जी लगइ फोहोर भया अथवा खराब काम अद्द्या वाँ झुट बोल्लया, तिननलाइ पक्‍कालगइ प्रवेश अददाइ अनुमति थेइन। यइमि प्रवेश अद्द सक्द्या, तिन मान्सन हुन जइको नाउ थुमाका तइ किताबमी लेखिया छ, जइमि अनन्त जीवन पाया मान्सनको नाउ लेखिया छ।

१ यूहन्ना 5:3

परमेश्वरलाइ प्रेम अददु भण्याको उनरा आज्ञापालन अददु हो। रे उनरा आज्ञापालन अददाइ असजि आथिन।

प्रकाश 22:7

“हेर, म छटाइ आउन्ना छु। यइ किताबमी लेखिया अगमबाणी पालन अद्द्या धन्यका हुन।”

१ यूहन्ना 3:3

रे हरेक मान्स जइले यो आसा अरन्छ कि उ ख्रीष्ट जसो पाप बिनाको हुन्या हो उइले आफइलाइ पाप बठेइ दुर राख्दु पणन्छ।

यूहन्नाले लेख्या सुसमाचार 14:15

तमनले मलाइ प्रेम अरन्छौ भण्या मइले दिया आज्ञापालन अर।

प्रकाश 2:7

तम जो सुणनाछौ, तइ सुणा कुरणिका बारेमि ध्यानले सोच कि पबित्र आत्माले मण्डलिलाइ कि भण्नाहान। दुष्ट सक्तिलाइ परास्त अद्द्या मान्सनलाइ म उइ जीवन दिन्या रुख बठेइ फल खान्या अनुमति दिनउ, जो परमेश्वरको स्वर्गीय बगैंचामि उमरन्छ।”

१ कोरिन्थी 7:19

कसइ मान्सको खतना भया लगइ नभया लगइ यइले केइ फरक पड्डइन तर परमेश्वरको आज्ञापालन अददु मुख्य कुरणी हो।

प्रकाश 22:2

नदी तइ सहरका रोडका बिच बठेइ बगन्छ, रे पानीको दुएइ किनारमी जीवन दिन्या रुख धेक्द सकिन्छ। तइ प्रकारको रुखकी निउति, तइमि बाह्र प्रकारका फल छन, रे प्रत्येक महिना यो फरक प्रकारको हुन्छ, रे पात ओखदि हुन जइले जाति-जातिलाइ निको पाड्ड सक्न्छ।

यूहन्नाले लेख्या सुसमाचार 10:7

तबइकिलाइ येशूले आजी तिननलाइ भण्यो, “साँच्चि, म तमनलाइ भण्नउ, म तेइ भेडाको ढोका हु। जइ बठेइ भेडा भितर पस्साहान।

यूहन्नाले लेख्या सुसमाचार 10:9

म तेइ भेडाको ढोका हु, यदि कोइ मान्स म बठेइ भितर पस्यो भण्या परमेश्वरले तइलाइ बचाउन्या हुन, रे भितर बाइर आउन्या जान्या अरन्छ, रे खनाइ पाउछ।”

प्रकाश 7:14

पइ मइले तिनलाइ भण्या, “मलाइ था आथिन तर तमलाइ था छ।” रे तिनले मलाइ भण्यो, “तिन मान्सन हुन जइले ठुलो कष्ट भोग्या छन। तिननले थुमाका रगतमि आफना लत्ता धोयो रे तिनन सेता भया, यइको मतलब यो हो कि तिनरो पाप हटाइया छ।”

गलाती 5:6

क्याकि जब हाम येशू ख्रीष्टमी बिश्वास अददाउ तब खतना भया लगइ नभया लगइ यइले केइ फरक पड्डइन। तर हामले ख्रीष्टमी बिश्वास अददु रे परमेश्वरलाइ रे और मान्सनलाइ प्रेम अददु मुख्य कुरणी हो।

प्रकाश 21:12

तइ सहरका वलतिर पलतिर एक भौत ठुलो रे उच्चो पर्खाल थ्यो, रे तइमि बार ढोका थ्या। दारमि बार स्वर्गदुतले पहरा दिनथ्या। तिनन दारमि इस्राएल देशका बारै कुलका नाउँ लेखिरइथ्या।

१ कोरिन्थी 9:5

क्याकि और येशू ख्रीष्टको छान्या शिष्या रे प्रभुका भाइन रे पत्रुसले (केफास) आफ्ना स्वानिलाइ आफसित यात्रामि लइजानाहान, तबइकिलाइ हामलाइ लगइ यो अधिकार छ।

१ कोरिन्थी 8:9

तर होशियार हो, तमरो यो स्वतन्त्रता बिश्वासमि कमजोर भया मान्सनका निउति बिश्वास छाड्डया कारण जन हो।

यूहन्नाले लेख्या सुसमाचार 14:6

येशूले तइलाइ भण्यो, “म तेइ हु, जइमि बाटो, सत्य रे अनन्त जीवन छ। म बठेइ बाहेक कोइलगइ पिताका वाँ आउन सक्दैन।

यूहन्नाले लेख्या सुसमाचार 4:12

क्या तम हामरा पुर्खा याकुब भण्ना ठुला हउ? उनुइले हामलाइ यो इनार बनाइ दिया हो, उन आफइ, उनरा सन्तान रे उनरा गोरु बाकराले यइ इनारको पानी खाया हो।”