प्रकाश 20:4 - डोटेली नयाँ करार

⁴ रे तइ पछा मइले केइ सिंहासन धेक्या, जइमि तिनन बसिरइथ्या जइको मुन्टो काटिया थ्यो क्याकि तिननले येशूका सन्देश रे परमेश्वरको बचनको घोषणा अर्याथ्या। यिन मान्सनले तइ राक्षसको रे तइका मुर्तिको आराधना अर्या थेइन, रे तिननले आफ्ना चानामि अथवा हातमि तइ राक्षसको छाप स्वीकार अरेइन। तिनन आजी जिउना भया रे सिंहासनमि बस्या। परमेश्वरले तिननलाइ सासन अद्द्या अधिकार दियो रे तिननले ख्रीष्टसित एक हजार बर्षकि निउति सासन अर्यो।

प्रकाश 20:4 Referans Kwoze

मत्ती 19:28

येशूले तिननलाइ भण्यो, “साँच्चि, म तमनलाइ भण्नउ, तम जो मेरा पछा लागिरइछौ, नयाँ सृष्टिमि जब म, मान्सको चेलो आफ्ना महिमाको सिंहासनमि बसलो, तब तम लगइ बार सिंहासनमि बस्या हौ, रे इस्राएल देशका बार कुलमी इन्साफ अद्द्या हौ।

प्रकाश 6:9

जब थुमाले पाँचौ मोहोर तोड्यो, मइले बेदिका तल्तिर तिनरा आत्मालाइ धेक्या जो मरिया थ्या क्याकि तिनन परमेश्वरका बचन रे तिननले पाया सन्देश सित बिश्वासयोग्य थ्या।

प्रकाश 3:21

जइ मान्सनले दुष्ट सक्तिलाइ परास्त अरन्छ, तिनन मसित मेरा सिंहासनमि बस्या हुन जसेरि मइले जित्या रे मेरा पितासित उनरा सिंहासनमि बस्या।

२ तिमोथी 2:12

यदि हामले उनरी निउति दुःख भोग्या भण्या हाम उनसित राजाकि जसेरि सासन अद्दया हु। तर यदि हामले उनलाइ जाण्नाउ भणबर इन्कार अर्या भण्या उनले लगइ भण्या हुन कि हाम उनरा होइन।

लूका 22:30

कि मेरा राज्यमि तमन मेरा टेबलमि खान्या रे पिन्या लगइ हउ, रे इस्राएल देशका बारइ कुलको न्याय अरिबर सिंहासनमि बस्या हौ।

प्रकाश 22:5

ताँ कभइ रात हुन्या आथिन, रे सहरका मान्सनलाइ तिननलाइ बत्ति कि घामको उजालो चाइनइन, क्याकि परमेश्वर आफइ तिननमि चम्किन्या। तिनन राजा जसाइ सदाइ भरि राज्य अद्दया हुन।

प्रकाश 12:11

तिननले थुमाको रगत रे आफना साक्षिका बचनका कारणले तइलाइ जित्या हुन, रे तिननले आफना ज्यानको बरता प्रेम राखेइन रे तिनन मद्द डरायन बरु तिननले येशूलाइ इन्कार अर्यो।

प्रकाश 1:9

म यूहन्ना, तमरो साथी बिश्वासि, हाम सब येशू ख्रीष्टको राज्यका भाग हौ, रे हाम सबइ दुःख कष्ट भोग्दाउ रे येशूका लाग्दा धीरजी भइबर सनु पणन्छ। परमेश्वरको बचन रे येशू ख्रीष्टको गवाहिका खातिर म पत्मोस भण्न्या टापुमि थ्या।

रोमी 8:17

रे सन्तान हु भण्या उत्तराधिकारी लगइ हु, परमेश्वरका उत्तराधिकारी रे ख्रीष्टसित सज्जि उत्तराधिकारी हु। यदि हाम अइल येशूकी जसेरि दु:ख भोग्दाछौ भण्या हाम उनरो महिमामि लगइ सहभागी हुन्या हु।

प्रकाश 15:2

तब मइले समुद्र जसो धेकिन्या चिज धेक्या जो काँसा जसो चम्किन्नाथ्यो रे आगोसित लगइ मिसाया थ्यो। मइले तिन मान्सनलाइ लगइ धेक्या जइलाइ त्यो जनावरले परास्त अरेइन। तिननले तइ पसु रे तइको मुर्तिलाइ पुजा अर्या थेइन, रे पशुको नामको चिनह्न लाया थेइन। ताँ तिनन सिसाका समुद्रका किनारमी कल्लिया थ्या रे सबइले त्यो बीणालाइ समायो जो परमेश्वरले तिननलाइ दियाथ्यो।

प्रकाश 14:11

तिननलाइ सताउन्या आगा बठेइ धुकाँ सदाइकि निउति अग्गासमी उड्डया हो। तिनन मान्सन जइले पसु रे मुर्तिलाइ आराधना अददाहान जो तइ पसु जसो धेकिन्छ, रे जइले पशुका नाउको चिन्ह लिनाहान, तिननलाइ पिडा बठेइ दिन रात कभइ राहात हुनइन।”

प्रकाश 11:7

दुइ साक्षिले परमेश्वरको सन्देश प्रचार अरिसक्या पछा अतल कुण्ड बठेइ निकल्या यो राक्षस तिनन दुइ मान्ससित लड्डया हो, तिननलाइ जितिबर माद्द्या हो।

यूहन्नाले लेख्या सुसमाचार 14:19

आब केइ समय पछा संसारले मलाइ कभइ धेक्द्या आथिन, तर तमन मलाइ धेकन्छौ। क्याकि म आजी जिउनो हुन्या हु, रे तबइकिलाइ तमन लगइ जिउना हुन्या हौ।

प्रकाश 17:8

तुइले धेक्या तइ राक्षस एक समय जिउनो थ्यो, तर आब जिउनो आथिन, यो अतल कुण्ड बठेइ त्यो बाइर आउन्यावालो छ, रे परमेश्वरले तइलाइ पूरारुपमी नास अद्द्या हुन। संसारमी बस्स्या तिन मान्सन जइका नाउँ परमेश्वरले संसारको सृष्टि हुनाहइ पइल्ली तइ किताबमी लेख्या आथिन जइमि अनन्त जीवन पाया मान्सनको नाउ लेखिया छ। तिनन सब तइ राक्षसलाइ धेकिबर अचम्म पड्डया हुन। यो एक बेर जिउनो थ्यो आब यो बच्या आथिन, तर आजी यो फिर्ता आउन्या हो।”

प्रकाश 11:15

पइ सातौ स्वर्गदुतले आफ्नो तुरहि बजायो। मइले स्वर्ग बठेइ इसो भण्नार्या ठुलो आवाज सुण्या, “संसारमी राज अद्द्या आब कोइलगइ छइन। केवल हामरा प्रभु, परमेश्वर रे उनरा चुनिया, ख्रीष्ट। रे उन सदासर्वदा राज्य अद्द्या हुन।”

प्रकाश 11:11

साडे तीन दिन पछा परमेश्वरले तिननमि जीवन दियो। रे तिनन कल्लिया रे तिनन सब जइले तिननलाइ आजी जिउना भया धेक्यो, तिनन डराया।

प्रकाश 11:3

म मेरा दुइ जाना साक्षि पठाउन्या हु जो मेरो सत्य सन्देश घोषणा अददाहान। तिननले भाङराका लत्ता लाउन्या हुन रे मेरो सत्य सन्देश तिनन एक हजार दुइ सय साठी दिनमि प्रचार अद्दया हुन।”

रोमी 11:15

क्याकि जब इस्राएलका मान्सनले परमेश्वरलाइ इन्कार अर्यो यो संसारकी निउति मिलापको कारण भयो, तिननले ख्रीष्टलाइ मसिहका रुपमि स्वीकार अददु एक मान्सले मृत्यु बठेइ जीवन पाया जसो हो।

लूका 1:17

यूहन्ना एक इसो मान्स हुन्या हो जइसित एलिया अगमबक्ताको आत्मा रे सक्ति हुन्या हो, उनले प्रभुको बाटो तयार अद्दया हुन। उनले बाको मन चेला-चेली तिर फर्काउनाइलाइ रे अनाज्ञाकारी मान्सन धर्मि मान्सका बुद्दिमान बाटामि लाग्द बनाउन्या हुन, रे प्रभुकीलाइ एक योग्य प्रजा तयार अद्दया हुन।”

मर्कुस 9:11

रे शिष्याले येशूलाइ सोध्यो, “कि मोशाको कानुन सिकाउन्यावालाले एलिया आउनहइ पइल्ली ख्रीष्ट आउनु पणन्छ भणबर भण्या कुरणी सत्य हो?”

मर्कुस 6:27

राजा हेरोदले उतन्जेइ झेलको एक जाना सिपाइलाइ पठाइबर यूहन्नाको मुन्टो काटीबर उनरा वाँ ल्याउन्या आदेस अर्यो,

मर्कुस 6:16

तर जब राजा हेरोदले यो सुण्यो तब उइले भण्यो, “उन बप्तिस्मा-दिन्या यूहन्ना हुन रे उन मर्या बठेइ जिउना होइरइछन, जइको मुन्टो मइले काट्ट लायाथ्या।”

मत्ती 24:10

रे भौत जाना ममि बिश्वास अद्द छाड्या हुन, रे एकले अर्खालाइ बिश्वासघात रे घृणा अद्दया हुन।

लूका 14:14

रे तुइले आशिस पाउन्या हइ, क्याकि तिननले तेरो गुण फर्काउन सक्दाइन्न। तर जब धर्मिजन मर्या बठेइ जिउना हुनाहान परमेश्वरले तुइले यइको प्रतिफल दिन्या हुन।”

प्रकाश 1:2

यूहन्नाले आफले धेक्या सब कुरणी लेख्यो, अथवा यो परमेश्वर बठेइ आया खबर हो रे येशू ख्रीष्टले भण्या सब कुरणी हो।

प्रकाश 2:26

जइ मान्सनले दुष्ट सक्तिलाइ परास्त अरन्छ रे मेरा आज्ञालाइ आखिर सम्म पालन अरन्छ, म तिननलाइ जाति-जातिमी सासन अद्द्या अधिकार दिन्या हु।

प्रकाश 4:4

चौबिस सिहासनले तइ सिहासनलाइ घेरया थ्यो रे मुन्टामि सुनका मुकुट रे सेता लत्ता लाया चौबिस जाना अगुवान तिन सिंहासनमि बस्या मइले धेक्या।

प्रकाश 7:3

“हामले हामरा परमेश्वरका दासका चानामि मोहर नलाउन्ज्या धर्ति, समुद्र वाँ रुखलाइ केइ हानि जन अर।”