प्रकाश 20:2 - डोटेली नयाँ करार

² तिनले तइ अजिङ्गर, त्यो पइलिको पुरानो स्याप, जो सैतान हो, तइलाइ पोकड्यो, पइ एक हजार वर्षका निउति बादिबर राख्यो।

प्रकाश 20:2 Referans Kwoze

२ पत्रुस 2:4

दुतले पाप अरन्ज्या परमेश्वरले तिननलाइ दण्ड दिना बठेइ रोकेइन तर तिननलाइ नरकमि खितिदियो जाँ न्यायका दिन सम्म पखदाइलाइ तिननलाइ अन्धकारमि साङलाले बादिबर राखिन्छ, रे न्यायका दिनमि तिननले पाउनु पड्डया दण्ड पाउन्या हुन।

प्रकाश 12:9

त्यो ठुलो अजिङ्गर तइका सबइ दुतसित धर्तीतिर खितियो। त्यो अजिङ्गर त्यो स्याप हो जो पइल्ली बठेइ छ जइलाइ सैतान भणिन्छ। यइ संसारका मान्सनलाइ भणकाउन्या यइ हो।

यहूदा 1:6

याद अर कि कसेरी प्रभुले तिन दुतलाइ सजाय दियो जइले आफ्नो अधिकारको ठीक प्रयोग अरेइन तर तिननले तिननलाइ दिया पद त्याग्यो। प्रभुले तइ महान दिनमि तिन दुतलाइ न्याय अददाइ निउति कसइले तोड्ड नसक्द्या साङलाले बाँधिबर अनन्त दण्डकि निउति अन्धकारको ठाउँमि राख्या छ।

यूहन्नाले लेख्या सुसमाचार 12:31

यो परमेश्वरले संसारको मान्सनको न्याय अद्द्या बेला हो। आब यो बेला हो जब मइले यइ संसारमी राज्य अद्द्या सैतानको सक्तिलाइ नास अद्द्या हु।

१ पत्रुस 5:8

आत्मा नियंत्रित होउ रे जागा रअ, क्याकि तमरो शत्रु सैतान मान्सनलाइ नष्ट अददाइ निउति चारै तिर घुम्दा छ। उ गर्जन्या सिंहकि जसेरि कइलाइ फेला पार्लो रे खाउँलो भणबर दाउ खोजबर घुम्दा छ।

हिब्रु 2:14

क्याकि परमेश्वरका चेलाचेली मासु रे रगतले बन्या मान्स हुन, रे येशू लगइ मान्स भया। क्याकि मान्सइ भइबर उन मद्द सक्देइथ्या, रे मृत्यु बठेइ उनले सैतानको सक्तिलाइ, नास अद्द सकन्थ्या जइसित मृत्युको सक्ति थ्यो।

रोमी 16:20

सान्ति दिन्या परमेश्वरले छट्टाइ सैतानलाइ नष्ट अद्दया हुन रे उइलाइ तमरा अधिनमी ल्याउन्या हुन। हामरा प्रभु येशू ख्रीष्टको अनुग्रह तमनसित होइरउ।

यूहन्नाले लेख्या सुसमाचार 16:11

रे उनले न्यायका बारेमि धेकाइ दिनाहान, क्याकि यइ संसारका सासक सैतानलाइ दण्ड आज्ञा भइ सक्या छ।

प्रकाश 13:2

मइले धेक्याको त्यो राक्षस चितुवा जसोथ्यो। तइका खुट्टा भालुका जसा थ्या रे तइको मुख सिंहको जसोथ्यो। तइ अजिङ्गरले आफ्नो सक्ति तइ राक्षसलाइ दियो रे उइलाइ सासन अद्द्या अधिकार दियो।

प्रकाश 12:17

जइका लाग्दा, त्यो अजिङ्गर आइमाइसित भौत रिसायो। तबइकिलाइ उनले तइ आइमाइका बंशका बिरुद्द युद्द घोषणा अर्यो। यिन बंस तिन मान्सन हुन जइले परमेश्वरका आज्ञापालन अददाहान रे येशूले सिकाया सत्य शिक्षालाइ साच्ची लगनशिल भइबर पछ्याउन्ना छन।

प्रकाश 12:15

तइ पछा आजी स्यापले आफ्नो मुख बठेइ आइमाइका तिर नदिकी जसेरि पानी निकाल्यो ताकि तइ बाढिले तइ आइमाइलाइ बगाइबर लइजाउ।

प्रकाश 12:13

जब तइ अजिङ्गरले आफ पृथ्बीमि खितिया धेक्यो तब तइले चेलो जन्माउनेइ तइ आइमाइलाइ खेद्यो।

मर्कुस 5:7

रे कला हालिबर बोल्यो, “हे येशू, महान परमेश्वरका चेला, तम मेरो काममी क्याकि समस्या अददाछौ? परमेश्वरको नाउँमि मसित बाचा अर कि तम हामलाइ दु:ख दिन्या होनु!”

मत्ती 8:29

तिनन यिसो भण्नाइ कला हालिबर बोल्या, “हे येशू, महान परमेश्वरको चेलो, तम मेरो काममी क्याकि समस्या अददाछौ? परमेश्वरको नाउँमि मसित बाचा अर कि तम हामलाइ दु:ख दिन्या आथिन!”

प्रकाश 13:4

सब मान्सनले अजिङ्गरको आराधना अरन्थ्या क्याकि तइले आफ्नो अधिकार राक्षसलाइ दियाथ्यो। तिननले तइ राक्षसको लगइ आराधना अर्यो, तिननले भण्यो “तइ राक्षस जतिको सक्तिशाली और कोइ आथिन। उइसित लड्ड कसइले लगइ सक्दइन।”

प्रकाश 9:11

तिनरो एक राजा छ जइले तिननमि सासन अददाछ, जो अतल कुण्डको दुत हो। हिब्रु भासामि तइको नाउँ एबाड्डोन रे ग्रीक भासामि तइको नाउँ अपोल्लियोन हो, जइको अर्थ उ जसले नष्ट पणन्छ।

मत्ती 19:29

पइ हरेक जइले मेरा शिष्य बन्नाइ निउति रे सुसमाचार प्रचारको खातिर, घर, कि दाइ-भाइ, कि दिदि-बैनि, कि इजा-बा, कि शिष्य चेली, कि जग्गा जमिन छाणन्छ, तइको सय गुणा पाउन्या हो रे अनन्त जीवनको अधिकारी हुन्या हो।

मर्कुस 4:15

जो बि बटाइनि बोइया छ तइको तुलना इसो मान्ससित अरिन्छ जो परमेश्वरको बचन सुणन्छ तब उतन्जेइ सैतान आउँछ, रे तइका ह्रदयमी बोया बचन तइले लैजान्छ।

प्रकाश 12:3

पइ अग्गासमी एक अर्खों चिन्ह धेकियो, एक ठुलो रातो अजिङ्गर धेकियो, जो सैतान हो। यइका सात मुन्टा थ्या रे हरेक मुन्टामि मुकुट थ्यो, रे तइका दस सिङ थ्या।

प्रकाश 12:4

तइका पुछडले अग्गास एक तिहाइ तारालाइ सोइरिबर पृथ्बीमि खिद्दियो। बालक जन्मन्जेइ तइका बालकलाइ निल्दिउ भणि त्यो अजिङ्गर बालक जन्माउन लागेइ आइमाइका अगाडी कलियो।

प्रकाश 20:7

एक हजार बर्ष भया पछा सैतान तइका कैद बठेइ छुटन्छ,

प्रकाश 20:10

तइ पछा तिननले सैतानलाइ गन्धकले बल्ल्या ठाउँमि खित्यो जइले तिन सबइ मान्सनलाइ धोका दियो। तसइ ठाउँमि हुन्या हो जाँ तिननले पइल्ली राक्षस रे झुटो अगमबक्तालाइ खित्याथ्यो। आगोले दिन रे रात तिन सबइलाइ सदासर्वदा यातना दिन्या हुन।