प्रकाश 19:15 - डोटेली नयाँ करार

¹⁵ सवारको मुख बठेइ एक धारिलो तरबार आउछ जइलाइ उनले जाति-जातिलाइ हराउनाइलाइ प्रयोग अददाहान, रे उइले तिननलाइ फलामको डन्डाले सासन अद्द्या हुन। उन सर्वसक्तिमान परमेश्वरको भयानक क्रोधको अंगुरको रसको कुण्डमी अंगुरको रस थिचीबर निकाल्ल्या हुन।

प्रकाश 19:15 Referans Kwoze

प्रकाश 1:16

उनरा दाइन हातले सात तारा समाइराइन्थ्यो रे उनरा मुख बठेइ धारिलो दुइधारे तरबार निकल्याथ्यो। उनरो अनार उज्यालो थ्यो जसेरि छाकला सुर्य चम्किन्छ।

प्रकाश 2:27

मेरो बुबाले मलाइ दिया जसो म तिननलाइ सासन अद्द्या अधिकार दिन्या हु। तिनरा सासन फलाम जसो मजबुत हुन्या हो जो टुटइन, रे तिनरा शत्रु फुट्या माटिका भाँडा जसा नास हुन्या हुन।

२ थेसलोनिकि 2:8

तइ पछा त्यो खराब मान्स धेकिन्या हो। तर जब प्रभु येशू फर्कि आउन्याहुन, उनले त्यो खराब मान्सलाइ आफ्ना आदेसले रे उनले तइलाइ आफ्ना महिमाले पूरारुपमी सक्तिहिन बनाउन्या हुन, त्यो महिमा जो उनले आफ फर्कि आउन्ज्या धेकाउन्या हुन।

प्रकाश 19:21

तइ पछा, घोडामि बसिरया तइ मान्सले उइका मुख बठेइ निकल्या तरबारको प्रयोग अरिबर और सबइलाइ मार्यो। तब अग्गासका चडाले लासको मासु खायो जबसम्म तिनरि धो भइन।

प्रकाश 12:5

तइ आइमाइले जम्माइ जातिलाइ ल्वाखरका डन्डाले सासन अद्द्या एक चेलो जन्माइ। तइको बालक अजिङ्गर बठेइ खोसियो रे परमेश्वरका वाँ उठाइबर उनरा सिंहासनका वाँ लैइया।

प्रकाश 2:16

तबइकिलाइ पाप अद्द छाडिबर परमेश्वरतिर फर्क, यदि तमनले यिन ननिका काम अद्द छाड्यानु भण्या म तमरा वाँ छटाइ आउन्या हु रे तिनन झुटा शिक्षा दिन्या मान्सनको बिरोधमी म मेरा मुख बठेइ आउन्या तरबारले लड्डया हु।

प्रकाश 2:12

येशूले मलाइ इसो लगइ भण्यो, “पर्गामम सहरका मण्डलिका स्वर्गदुतलाइ यो सन्देश लेख: म उइ हुँ जइसित धारिलो दुइधारे तरबार छ। जी म तमनलाइ भणनउ उइलाइ सुण:

प्रकाश 14:10

परमेश्वर तिनन मान्सनलाइ भौत तितो पिन्या चिज पिउन लाउन्या हुन जइमि केइ मिसावट हुनइन भणाइको अर्थ उन तिननसित पूरारुपमी क्रोधित हुन्या हुन, तिनन मान्सनलाइ आगो रे गनधकमि सताइन्या हो। रे पबित्र स्वर्गदुतले थुमा सित हेद्द्या हुन जब परमेश्वरले तिननलाइ दण्ड दिन्या हुन।