प्रकाश 18:2 - डोटेली नयाँ करार

^2-3 उइले सक्तिशाली आवाजमी बोलिबर इसो भण्यो, “बेबिलोनको त्यो प्रख्यात सहर आब हार्यो। क्याकि बेबिलोनको सहरले सबइ जातिलाइ दारु पिउन्या बनायो, जो मुर्तिपुजा हो। सारा पृथ्बीका राजाले बेबिलोनको सहरलाइ अश्‍लील काममी समाबेस अर्यो। पृथ्बीका व्यापारी महंगो चीजकी निउति तिन आइमाइका चाहानाले धनि भया छन। तर परमेश्वरले यइ निर्लज्ज बेश्यालाइ माद्द लाउन्या हुन। आज सबइ किसिमका भूत ताँ बससाइ जानाहान रे यो फोहर रे घृणित चडाका घोल बनाउन्या ठाउँ हुन्या हो।”

प्रकाश 18:2 Referans Kwoze

प्रकाश 14:8

ताँ एक अर्खो स्वर्गदुत लगइ थ्यो जइले पइलोलाइ अनुसरण अर्यो रे भण्यो, “आब यो नास भयो। बेबिलोन सहर भौत नास भयो। उइले सब मान्सनलाइ उनरा दारुले मात्तेइ दियो, जो भणनुको अर्थ हो कि उनले सारा मनस जातिलाइ भौत ननिको ब्यबहार अद्द सिकायो क्याकि उइले तिननलाइ मुर्तिपुजा अद्द सिकायो।”

प्रकाश 18:21

तब एक सक्तिशाली स्वर्गदुतले ठुला जितरा जसो एक ढुङो समायो, रे यिसो भणबर तइलाइ समुद्रइनि फाल्दियो, “यिसेरी महानगरी बेबिलोन जोरले फालिनेइ हो, रे त्यो आजी कभइ पाइनेइ होइन

प्रकाश 18:10

तिनन डराउनाहान कि तिनन लगइ सजायमि पकोडिन्या हुन। तबइकिलाइ तिनन टाडा कल्लिबर इसो भणन्या हुन, “हाइ! हाइ! तु महानगरी, तु सक्तिशाली बेबिलोन! अचानक परमेश्वरले तुलाइ नष्ट अर्याछ।”

प्रकाश 17:5

तइका चानाइनि एक नाउँ लेखिरइथ्यो: जइमि गोप्य अर्थ छ म सबइ बेश्याकि इजा हु रे संसारका सबइ घिनलाग्दो चीजकी इजा। म बेबिलोन ठुलो सहर हु

प्रकाश 16:19

बेबिलोनको महान सहर तीन टुक्रामि परिणत भयो रे जाति-जातिका सहर ध्वस्त भया। क्याकि परमेश्वरले तिन बेबीलोनका मान्सनको सजायका बिसयमि अर्या प्रतिज्ञालाइ पुरा अर्यो। परमेश्वरले तिन मान्सनलाइ भौत तितो पिन्या चिज पिउन लाउन्या, जइमि केइ मिसावट हुनइन, यइ भणाइको अर्थ उन तिननसित पूरारुपमी क्रोधित हुन्या हुन।

प्रकाश 16:13

तइ पछा मइले तीन भूत धेक्या जो भ्यागुता जसाइ धेकिनथ्या। एक अजिङ्गरको मुख बठेइ निकल्या थ्यो, एक पइलो राक्षसका मुख बठेइ, रे एक दोसरा राक्षसका मुख बठेइ लगइ, उ जइले एक झुटो सन्देश दियो।

प्रकाश 14:15

ठीक तसइ बेला एक अर्खो स्वर्गदुत स्वर्गमि भया मन्दिर बठेइ बाइर आया रे उनले बादलमि बस्स्या मान्सलाइ जबरजस्ती भण्यो, “पृथ्बीमि फसल कटनिको समय तयार छ, तमरि आँसी लिय रे कटनी अर।”

प्रकाश 10:3

तइ दुतले ठुला सोरले कला हाल्यो रे तइको आवाज सिंहको गर्जन जसोथ्यो। जब तिनले कला हाल्या सात आवाजले उनलाइ जबाफ दियो, जो गर्जनका आवाज जसोथ्यो।

प्रकाश 5:2

पइ एक बलबान स्वर्गदुतलाइ ठुला आवाजमी इसो भण्नारया मइले धेक्या, “यो किताब खोल्लया रे यइका मोहर तोड्डाइ योग्य को छ?”

प्रकाश 1:15

उनरा खुट्टा आगाकी भट्टीनि खारिबर टल्क्या काँसा जसा थ्या। जब उन बोल्या उनरो आवाज ठुलो झरना बठेइ आउन्या आवाज जसो सुणिन्थ्यो।

प्रकाश 11:8

तिनन दुइ साक्षिलाइ मार्या पछा, तिनरा लास ताँको ठुलो यरुशलेम सहरको सडकमि राखिया अवस्थामी छाडिन्या हो, जइ सहरको सांकेतिक रुपमि सदोम सहर रे मिश्र देस भणिन्छ। जाँ तिनरा प्रभु क्रुसमि टाङिया हुन।