प्रकाश 18:15 - डोटेली नयाँ करार

¹⁵ यिन समानका व्यापारी जइले तइ गाउँमी ब्यापार अरिबर धन कमाइराइथ्या, तइमि पडिआउन्या सास्तीका डरले दूरइ कलिबर यिसो भण्नाइ तिनन जोरले रुन्या हुन रे बिलाप अद्दया हुन,

प्रकाश 18:15 Referans Kwoze

प्रेरित 16:19

तर तइका मालिकले तिनरा कमाइको आसा टुट्या धेकिबर तइले पावल रे सिलासलाइ समाइबर सहरका चोक बठेइ हाकिमका वाँ तानिबर लइय्यो।

मर्कुस 11:17

पइ उन शिक्षामि भण्न लाग्या, “कि पबित्र सास्त्रमि यिसो लेखिया आथिन, मेरो मन्दिर गैर-यहुदि मान्सनका निउति प्रार्थनाको घर भणिन्या हो। तर तमले त यइलाइ डाकाको अड्डा बनाइराइछौ।”

प्रकाश 18:12

तिननले यिसा सामान: सुन, चाँदी, रत्न, मोति रे मलमलका लत्ता, बैजनि लत्ता, रेशम रे चम्कन्या राता रंङका लत्ता, रे सब किसिमका निको बास आउन्या काठ, हर एक किसिमका हस्ती-हाडका समान, रे हर एक महंगा काठका, काँसा, फलाम रे सिङ्गमरमरका पात्र,

प्रकाश 18:13

रे दालचिनि, मसला, बास आउन्या धुप, मुर्र, सेतो-धुप, मध्य, जैतुनको तेल, मसिनो धुलो, गउँ, गाइ-भैंसा, भेडा, घोडा, रथ, रे आब मान्सनले मान्सनलाइ दासका रुपमि किन्न रे बेच्च सक्दाइन।

प्रकाश 18:14

ब्यापारिले उइलाइ भणन्या हुन, “तमनले इच्छा अर्या सबइ कुरणी आब आथिन। तमले मन पणाया सबै मिठो सुगंधवाला चिज, तिन सबइ चिज जइले तमनले आफ्नो शरीरलाइ सुन्दर बनाउनथ्या, तिन सबइ हराया, तमनले आब कभइ तिन कुरणी पाउन्या होउनु।”

प्रकाश 18:19

पइ तिननले आफना-आफना मुन्टाइनि धुलो हालिबर रुनाइ रे बिलौना अद्दाइ यिसो भणबर कला हाल्ल पस्या, “हाइ! हाइ! त्यो महानगरी जाँ समुद्रमी जहाजका सबइ मालिक तइ सहरको सम्पत्तिका लाग्दा धनि भया। रे आब केवल एक घन्टामि यइमि भया सबइ कुरणी हराइसक्यो।