प्रकाश 13:6 - डोटेली नयाँ करार

⁶ राक्षसले परमेश्वरलाइ सराप दिन लाग्यो, उनरो नाउँको बिरुद्दमि निन्दा अर्यो, रे उनरा बासस्थान रे स्वर्गमि बस्स्या सबको मान्सनका बिरुद्दमि बोल्यो।

प्रकाश 13:6 Referans Kwoze

प्रकाश 12:12

तबइकिलाइ तमन याँ स्वर्गमि रन्या सब रमाउ। तर धर्ति रे समुद्रमी रन्या तमन भयानक समस्यामि छौ! आफ्नो समय छोटो छ भणि था पाइबर सैतान ठुलो क्रोध सित तमरा वाँ तलतिर आउन्ना छ।”

हिब्रु 9:24

तबइकिलाइ ख्रीष्ट मान्सनले बनाया तइ महापबित्र ठाउँमि गएइन, जो सत्य कुरणीको नक्‍कल मान्तर हो। तर उन त सक्कलि ठाउँ स्वर्गमि गया, ताकि उन हामरो फाइदाकी निउति परमेश्वरकका अगाडी जान सकुन।

मत्ती 15:19

क्याकि ह्रदय बठेइ परमेश्वरको बिरुद्द खराब बिचार, परस्त्रीगमन, व्यभिचार, हत्या, चोरी, झुटो गवाही रे निन्दा बाइर निकलन्छ।

मत्ती 12:34

तमन बिखालु स्यापका छाउना जसाइ छौ! तमन आफइ दुष्ट छौ निकी कुरणी काँ बठेइ बोल्ल सकन्छौ? क्याकि जी हृदयमि भरियाको छ, तेइ मुख बठेइ बोलिन्या हो।

प्रकाश 21:3

पइ मइले परमेश्वरको सिंहासन बठेइ ठुलो आवाजले बोल्या सुण्या, “सुण, आब बठेइ परमेश्वरको बासस्थानमी मानब जाति बस्स्या हुन। उन तिननसित बस्स्या हुन। परमेश्वर आफइले तिननलाइ आफ्नाइ मान्सनकि जसेरि स्वीकार अद्द्या हुन रे उन तिननसित बस्स्या हुन रे उन तिनरा परमेश्वर हुन्या हुन।

प्रकाश 18:20

तमन जो स्वर्गमि बसन्छौ, तइका इन्साफमि रमा! हे परमेश्वरका पबित्र मान्सन, छान्या शिष्या रे अगमबक्तान, तमनमि अर्या अन्यायका निउति परमेश्वरले बेबिलोनलाइ उइले अर्या सब कुरणीकी निउति दोषि ठहराया छ।”

प्रकाश 11:12

तइ पछा तिनन दुइ मान्सले स्वर्ग बठेइ एक बक्तालाइ सुण्यो जइले तिननलाइ ठुलो आवाजमी बोलाइबर भण्यो, “याँ मल्तिर आस।” तिनरा सत्तुरले तक्दा तक्दाइ तिन बादलमि स्वर्गतिर गया।

प्रकाश 7:9

यइ पछा मइले ताँ इति ठुलो मान्सको भिड धेक्या कि कसइ मान्सले लगइ तिनरो गण्न सक्दइन थ्यो। तिनन संसारमी हरेक जाति, कुल, मान्सन रे भासा बठेइ आयाथ्या, तिनन सिंहासन रे थुमाका अगाडी कल्लिया। तिननले सेता लत्ता लायाथ्यो, रे हरेक मान्सले आफ्ना हातमि खजुरका हाँङा समाया थ्यो। त्यो सम्मानको चिन्ह थ्यो।

प्रकाश 5:13

पइ स्वर्गमि, पृथ्बीमि, पृथ्बी तल्तिर, समुद्र रे ताँ भएका हरेक प्राणिले इसो भण्नारया मइले सुण्या, “हाम सिंहासनमि बस्या ब्यक्तिको प्रसंसा अरउ। आस थुमालाइ प्रसंसा अरउ। रे हाम उनलाइ सदासर्वदा आदर अरउ क्याकि उन सबहइ सक्तिशाली छन।”

प्रकाश 4:4

चौबिस सिहासनले तइ सिहासनलाइ घेरया थ्यो रे मुन्टामि सुनका मुकुट रे सेता लत्ता लाया चौबिस जाना अगुवान तिन सिंहासनमि बस्या मइले धेक्या।

प्रकाश 4:1

यिन सब घटना भइ सक्या पछा म, यूहन्नाले धेक्या कि स्वर्गमि एक ढोका खुल्या थ्यो। तब मइले आजी तेइ आवाज सुण्या जो तुरहिको आवाज जसो मसित बोल्लाथ्यो। तइले मलाइ भण्यो: “याँ मल्तिर आ, रे आब यइ पछा जो कुरणी हुनु पणन्छ त्यो म तुलाइ धेकाउन्या हु।”

हिब्रु 9:2

यो पाल पशुको छाला बठेइ बनाइया थ्यो। तइ पालका बिचमि, तिननले पर्दा झुण्डेइबर दुइ कोठा बनायाथ्यो। पहिलो कोठामी सात शाखा भया सामदान थ्यो। ताँ एक टेबल थ्यो जइमि परमेश्वरलाइ चढाइया रोटा थ्या। यइ कोठालाइ पबित्रस्थान भणिन्थ्यो।

रोमी 3:13

तिनरा बोली खुला चिहान बठेइ आउन्या गन्ध जसो ननिको छ। तिनरा जिबड़ा झुटले भरिया छ। तिनरा सब्द स्यापका बीस जसा छन जइले हानि रे मृत्यु ल्याउन्छ।

कलस्सी 2:9

क्याकि ख्रीष्ट मान्स भइबर आउन्ज्या, उन पूर्ण रुपमि परमेश्वर थ्या।

कलस्सी 1:19

क्याकि परमेश्वरको आफइले निर्णय अर्यो कि उनरा चेलोमी पुरा स्वभाव होउ।

यूहन्नाले लेख्या सुसमाचार 1:14

बचन एक मान्स भया रे उन अनुग्रह रे सत्यले पुरा भइबर हामरा बिचमि बास अद्दाहान। हामले उनरो महिमा धेक्या, जो महिमा परमेश्वर बठेइ आया एकइ चेलोको महिमा जसोथ्यो।

प्रकाश 7:15

तबइकिलाइ, तिनन परमेश्वरका सिंहासनका अगाडी कल्लिनाहान, रे तिनन पुरा समय परमेश्वरका घरमि उनरो सेवा अद्दाहान रे सिंहासनमि विराजमान हुनु हुन्याले उनरो हेरचाह अददाहान क्याकि उन तिननसित ताँ हुनाहान।

प्रकाश 15:5

यिन कुरणी पछा मइले हेर्या, रे स्वर्गमि मन्दिर खुल्या थ्यो जो तइ पबित्र पाल जसो छ।