प्रकाश 13:5 - डोटेली नयाँ करार

⁵ तइ राक्षसलाइ उइका अधिकारका बारेमि घमण्ड अद्द्या रे परमेश्वरको बिरुद्दमि निन्दा अद्द्या अनुमति दियो। परमेश्वरले तइलाइ बयालिस महिना सम्म यो अधिकार चलाउन्या अनुमति दियो।

प्रकाश 13:5 Referans Kwoze

प्रकाश 12:6

त्यो आइमाइ चाइ उजाड ठाउँमि भागि जाँ परमेश्वरले तइकि निउति ठाउँ राख्याथ्यो, ताकि ताँ तइको स्याहार एक हजार दुइ सय साठी दिन सम्म होउ।

प्रकाश 12:14

तर तइ आइमाइलाइ तइ स्यापका वाँ बठेइ उजाड ठाउँमि उडिबर जानाइ ठुला बाजका दुइ पख्यार दिइया। त्यो उजाड़ स्थानमि साडे तीन बर्ष सम्म तइ आइमाइको स्याहार सुसार अद्दाइ तयार अरियाथ्यो।

२ थेसलोनिकि 2:4

तइले परमेश्वर रे सब झुटा देबता रे और जइलाइ लगइ मान्सनले आराधना अददाहान, तिनन सब भण्ना आफइलाइ ठुलो माणन्छ। याँ सम्मकि त्यो खराब मान्स परमेश्वरका मन्दिरमि बसन्छ रे आफइलाइ परमेश्वर हु भणि सबलाइ भणन्छ।

प्रकाश 13:7

राक्षसलाइ परमेश्वरका पबित्र मान्ससित लडाइ अद्दाइ रे जित्ताइ अनुमति दियो। संसारमी हरेक कुल, मान्सन, भासा रे जातिमी तइलाइ अधिकार दिइयो।

प्रकाश 11:7

दुइ साक्षिले परमेश्वरको सन्देश प्रचार अरिसक्या पछा अतल कुण्ड बठेइ निकल्या यो राक्षस तिनन दुइ मान्ससित लड्डया हो, तिननलाइ जितिबर माद्द्या हो।

२ थेसलोनिकि 2:3

मान्सनले तमनलाइ प्रभुको फर्कि आउन्या दिनका बारेमि भण्या कुरणीमि कभइ बिश्वास जन अर। क्याकि प्रभु येशू फर्कि आउना हइ पइल्ली इसो समय हुन्या हो जब भौत मान्सनले परमेश्वरको बिरुद्दमि बिद्रोह अद्या हुन, रे त्यो दुष्ट मान्स धेकिन्या हो जइलाइ परमेश्वरले पक्‍का नरकमि नासअद्या हुन।

२ थेसलोनिकि 2:8

तइ पछा त्यो खराब मान्स धेकिन्या हो। तर जब प्रभु येशू फर्कि आउन्याहुन, उनले त्यो खराब मान्सलाइ आफ्ना आदेसले रे उनले तइलाइ आफ्ना महिमाले पूरारुपमी सक्तिहिन बनाउन्या हुन, त्यो महिमा जो उनले आफ फर्कि आउन्ज्या धेकाउन्या हुन।