प्रकाश 12:1 - डोटेली नयाँ करार

¹ पइ अग्गासमी एक अचम्मको चिन्ह धेकियो सुर्य पहिरेकी एक आइमाइ, जइका खुट्टाका तलमणी चन्द्रमी थ्यो, रे तइले बार ताराले बन्या मुकुट मुन्टामि लाइराइथ्यो।

प्रकाश 12:1 Referans Kwoze

लूका 21:25

सुर्या रे जुन रे ताराइमि चिन्ह धेकिन्या हो, रे समुन्द्रका गर्जन रे छालले संसारका जाति संकटमि पणि ब्याकुल हुन्या हो।

एफिसी 5:32

यो एक ठुलो रहस्य हो। यइ रहस्यमि मूल्यवान रे गमभीर शिक्षा छ, जो हाम याँ बुज्ज सकदाउ रे म भण्या यइलाइ ख्रीष्ट रे उनलाइ बिश्वासीसित तुलना अद्दउ।

मर्कुस 13:25

रे अग्गास हइ तारा झड्या हुन रे अग्गासका सक्ति हल्लीन्या हुन।

लूका 21:11

भौत ठाउँमि भुइँचालो जान्या छ, रे अनिकाल पड्या हो, भयंकर आतंक हुन्या हो, स्वर्ग बठेइ ठुला-ठुला चिन्ह हुन्या हुन।

प्रकाश 21:23

तइ सहरलाइ उजालो अराउनाइ सुर्य रे जुन चाइनइन। क्याकि आफइमी परमेश्वरको महिमा तइ सहरमि चम्किया छ, रे त्यो परमेश्वरको महिमा थुमा लगइ हुन जइले यइलाइ उज्यालो बनायो।

प्रकाश 15:1

तइ पछा मइले स्वर्गमि फरक चिन्ह धेक्या जो अचम्मको रे भौत डर लाग्दो थ्यो। ताँ सात बिभिन्न किसिमका बिपत्ति बोक्या सात स्वर्गदुत थ्या तिन बिपत्ति छाड्डीबारका हुन, क्याकि जब तिनन सकिनाहान तब परमेश्वरको रिस सकियो।

प्रकाश 12:3

पइ अग्गासमी एक अर्खों चिन्ह धेकियो, एक ठुलो रातो अजिङ्गर धेकियो, जो सैतान हो। यइका सात मुन्टा थ्या रे हरेक मुन्टामि मुकुट थ्यो, रे तइका दस सिङ थ्या।

प्रकाश 11:19

स्वर्गमि परमेश्वरको मन्दिर खोलियो रे उनरा मन्दिर भितर उनरा करारको सन्दुक धेकियो। बिजुलिका चमक धेकिया। मेग गर्जनको आवाज सुणियो। भुइँचालो गयो रे ठुला-ठुला अठ्ठा पड्या।

प्रेरित 2:19

मल्तिर अग्गासमी म अचम्मका काम रे तल्तिर पृथ्बीमि चिन्ह धेकाउन्या हुँ, अर्थात रगत, आगो रे धुकाँको बादल धेकाउन्या हु।

मत्ती 24:30

तब म, मान्सको चेलाको चिन्ह अग्गासमी धेका पड्डया हुन, रे धर्तिका सब जाति बिलाप अद्दया हुन, रे तिननले मान्सको चेलोलाइ अग्गासका बादलमि सक्ति रे ठुलो महिमासित आउन्नारया धेक्द्या हुन।

गलाती 6:14

मेरा बारेमि भणन्या हो भण्या, म हामरा प्रभु येशू ख्रीष्टको क्रुसमि मर्या कुरणी बाहेक और केइ कुरणीमि कभइ घमण्ड अद्द चाहानइन। क्याकि उनरो मृत्यु बठेइ म संसारका इच्छाको अधिनमी आथिन, रे आब ममि यइ संसारको कोइ सक्तिले सासन अद्द्या आथिन।

मत्ती 12:38

तब मोशाको कानुन सिकाउन्यावाला रे फरिसि मान्सनमि हइ कसइ कसइले उनलाइ भण्यो, “गुरुज्यू हाम तम बठेइ एक चमत्कारी चिन्ह हेद्द चाहानउ।”

प्रकाश 21:14

सहरका पर्खाल बार ठुला ढुंगामि बनायाथ्यो। हरेक ढुंगामि तिनन थुमाका बार छान्या शिष्याको नाउँ लेखिरइथ्या।

प्रकाश 1:20

आब म मेरा दाइना हातमिका सात ताराको अर्थ कि हो रे सात सुनका सामदानको अर्थ कि हो त्यो म भणन्या हु जो पइल्ली था थेइन। यइको अर्थ यो हो: सात ताराले तिन स्वर्गदुतलाइ जणाउन्छ जइले सात मण्डलिलाइ संरक्षित अरन्छ रे सात सामदानले सात मण्डलिलाइ जणाउन्छ।”

२ कोरिन्थी 11:2

परमेश्वरले तमनलाइ प्रेम रे हेरचाह अरेइ जसेरि म लगइ अद्दउ। तबइकिलाइ म बाचा अद्दउ कि ख्रीष्टलाइ तमरा एक मान्तर ब्याउलाका रुपमि दिनउ। रे तमनलाइ उनरो पबित्र ब्याउलीका रुपमि दिन चाहानउ।

रोमी 3:22

जब हामले येशू ख्रीष्टमी बिश्वास अर्या हामलाइ परमेश्वर बठेइ धर्मि बनाया छ। क्याकि परमेश्वरले सबसित सामान ब्यबहार अददाहान,

यूहन्नाले लेख्या सुसमाचार 3:29

ब्याउला ब्याउलिसित ब्या अरिहाल्न्छ, तर ब्याउलाका सँङइीन कल्लिबर हेद्दाहान रे सुण्नाहान रे भौत आनन्दित हुनाहान, तसेरि मेरो मन लगइ भौत आनन्दले भरिन्छ।

रोमी 13:14

तर तमरो कबच प्रभु येशू ख्रीष्ट होउन, रे पापी स्वभावको इच्छा पुरा अद्दया कुरणीमि ध्यान जन दिय।

गलाती 4:26

तर साराको तुलना स्वर्गमि भया यरुशलेमसित अद्द सकिन्छ। सारा अइल हामरि इजा जसि हुन। क्याकि उन नौकरनी थेइन, रे हाम मोशाको कानुन पालन अद्दा बठेइ स्वत्रन्त्र छौ।