फिलिप्पी 4:18 - डोटेली नयाँ करार

¹⁸ मइले जो पाउनु हो तइ भण्न्ना बड्ता पाइराइछु। मइले इपाफ्रोडिटस बठेइ तमनले पठाया उपहार पाया। तमनले पठाया उपहार मेरा निउति पुजारिले परमेश्वरलाइ चडाया मिठो बास आउन्या भेटी रे बलिदान जसोइ हो। जो परमेश्वरलाइ भौत खुशी पडद्या रे ग्रहणयोग्य छ।

फिलिप्पी 4:18 Referans Kwoze

हिब्रु 13:16

भलाइ अद्द रे आफसित भया कुरणी आवश्यकतामि पण्यालाइ बाँडचुड अद्द जनबिसर, क्याकि यिसाइ बलिमि परमेश्वर भौत खुशी हुनाहान।

फिलिप्पी 4:12

खाँचो पणन्ज्या लगइ, रे प्रसस्त हुन्ज्या लगइ, कसेरी जीवन बिताउनु पणन्छ, म जाण्नउ। जसाइ परिस्थितिमि लगइ, थोक्काइ खान्या चिज भया लगइ, प्रसस्त भया लगइ, मइले सन्तुष्ट भइबर जीवन बिताउन सिक्याछु।

२ कोरिन्थी 9:12

येइ सेवाको कामले परमेश्वरको मान्सको अभाब पुरा हुन्छ। इति मान्तर होइन, परमेश्वर प्रति भौत धन्यबादका भाबना उर्लिबर आउनाहान।

एफिसी 5:2

औरकिलाइ प्रेमले भरिपूर्ण जीवन बिता, ख्रीष्टको उदाहरण पछया, जइले तमनलाइ प्रेम अर्यो रे तमनका पापका निउति आफइलाइ बलिदानका रुपमि दियो। रे परमेश्वर भौत खुशी भया, क्याकि त्यो बलिदान उनलाइ बास आउन्या अत्तर जसोथ्यो।

२ थेसलोनिकि 1:3

बिश्वासि भाइन हो, हाम तमनका निउति परमेश्वरलाइ सदाइ धन्यबाद चडाउनाउ। यो अददु हामलाइ उचित छ क्याकि येशू ख्रीष्टमी तमरो बिश्वास झिक-झिक बड्डा छ, रे तमरो प्रेम एक-अर्खाकीलाइ झिक-झिक बड्डा छ।

रोमी 12:1

तबइकिलाइ बिश्वासि भाइन हो, हामरि निउति परमेश्वरको ठुलो कृपाका लाग्दा म तमनलाइ अनुरोध अद्दउ, कि तमन आफना जिवनलाइ पबित्र रे परमेश्वरलाइ ग्रहणयोग्य जिउनो बलिका रुपमि अर्पण अर। परमेश्वरलाइ आराधना अद्द्या सत्य तरिका तेइ हो।

प्रेरित 10:4

पइ जब तिनले डिठ लाइबर तक्यो पइ तिन डराया रे कर्नेलियसले भण्यो, “प्रभु भण।” उनले तिनलाइ भण्यो, “तेरा प्रार्थना रे गरिबलाइ दिया दान सम्जनाका निउति परमेश्वरका वाँ पुग्या छन।

२ कोरिन्थी 11:8

म और मण्डलिका सहयोगले तमरो सेवा सित्तैमि अद्द सक्या छु। यइलाइ लुट जन भण!