फिलिप्पी 1:7 - डोटेली नयाँ करार

⁷ तमन सबकिलाइ मइले इस्याँ सुच्चु ठीक छ, क्याकि म तमन सबलाइ भौत प्रेम अद्दउ, क्याकि म याँ कैदमी छु रे सुसमाचारको रक्षा रे यइलाइ सत्य साबित अद्दाइ दुएइ काममी तमन मसित परमेश्वरको अनुग्रहमी सहभागी भयाछौ।

फिलिप्पी 1:7 Referans Kwoze

२ कोरिन्थी 7:3

तमनलाइ दोषि ठहर्याउनलाइ मइले यो भण्या होइन। क्याकि मइले अगाडीइ भणि दिया छु हामले पुरा हृदयले तमनलाइ याँ सम्म प्रेम अददाउ, कि हाम मर्या लगइ, बाच्या लगइ हाम अलग हुन्या आथिन।

फिलिप्पी 1:5

तमनले येशू ख्रीष्टको बारेमि सुसमाचारमि बिश्वास अर्या दिन बठेइ आज सम्म येशू ख्रीष्टको बारेमि सुसमाचार फइलाउनाकिलाइ मेरो सहकर्मी भयाछौ।

२ तिमोथी 2:9

क्याकि म यो सुसमाचार प्रचार अद्दउ, म एक अपराधी जसेइ दुःख भोग्दाछु, याँ सम्मकि म झेलमि छु, तर परमेश्वरको बचन फइलाउनाइ बठेइ केइले लगइ रोक्द सक्दइन।

कलस्सी 4:18

म पावल, यो चिठ्ठीको भाग तमनलाइ अबिबादन अददाइ आफनाइ हातले लेख्दाछु। याद अर कि म झेलमि छु रे मेरा निउति प्रार्थना अर। परमेश्वर तमन प्रति अनुग्रही होउन। आमेन।

फिलिप्पी 4:14

पइलगइ तमनले मलाइ भेटी दिबर मेरा दु:खमी सहभागी भया हुनाले धन्यबाद।

एफिसी 6:20

परमेश्वरले मलाइ यो सुसमाचार प्रचार अददाइ पठाया छ, रे अइल म याँ झेलमि परमेश्वरको राजदुतका रुपमि त्यो काम अददाछु। प्रार्थना अर कि, जसेरि मइले बोल्लु पड्या हो, तसेरि म साहससित सुसमाचार प्रचार अद्द सकु।

एफिसी 3:1

तबइकिलाइ म, पावल तमनकीलाइ प्रार्थना अद्दउ। मइले तमन, गैर-यहुदिलाइ सुसमाचार प्रचार अर्या रे येशू ख्रीष्टकी निउति काम अर्या हुनाले म झेलमि छु।

प्रेरित 20:23

तर इति मान्तर जाण्नउ, कि हरेक सहरमि झेलको द:ख रे कष्ट ममि पडि आउन्या हो भण्न्या पबित्र आत्माले मलाइ भण्या छ।

१ यूहन्ना 3:14

हाम जाण्नाउ कि हाम त मृत्युका सक्तिका अधिनमी आथिन, तर आब हामसित परमेश्वर बठेइ अनन्त जीवन छ। क्याकि हाम और बिश्वासि भाइनलाइ प्रेम अद्दाउ। जइले और बिश्वासि भाइनलाइ प्रेम अद्दइन त्यो आजी लगइ मृत्युका अधिनमी हुन्छ।

२ पत्रुस 1:13

मलाइ था छ कि म जिउनो हुनज्या तमनसित प्राय तिन कुरणिका बारेमि बोलिराख्दु ठीक छ, ताकि तमनले तिन कुरणी बिस्सद्या होनु।

१ पत्रुस 4:13

यइका बारेमि खुशी हौ, क्याकि तमन ख्रीष्टले भोग्या कष्टमी सहभागी भयाछौ। तबइकिलाइ जब ख्रीष्ट सबइ मान्सनलाइ आफ्नो महिमा प्रकट अददाइ आजी आउन्याहुन, तब तमरो आनन्द साचि ठुलो हुन्या हो।

हिब्रु 3:1

तबइकिलाइ परमेश्वरले स्वर्गमि उनसित सहभागी हुनाइलाइ बोलाया बिश्वासि भाइन हो, येशूमि मन ला, जो हामरा निउति परमेश्वरका राजदुत रे यहुदि प्रधान पुजारि छन।

२ तिमोथी 1:8

तबइकिलाइ हामरा प्रभुको बारेमि और मान्सनलाइ भण्नाइलाइ लाज जन माणउ, न त लाज माण्न्नु पणन्छ कि उनरो सेवा अर्या हुनाले म झेलमि छु। बरु तुइले परमेश्वरको सक्तिलाइ प्रयोग अददु पणन्छ रे सुसमाचारका निउति मेरो दु:खमी मसित सहभागी हो।

१ थेसलोनिकि 5:5

क्याकि तमन सब मान्सनले ज्योति रन्या रे दिनका मान्सनकि जसेरि असल ब्यबहार अर रे ठीक काम अर। हाम बिश्वासिन तिनन अन्धकारकामि बस्सया मान्सन रे यइ दुष्ट संसारका होइन जइले दुष्ट काम रे पाप अरन्छ।

कलस्सी 4:3

हामरा निउति लगइ प्रार्थना अर, ताकि ख्रीष्टको त्यो रहस्य प्रचार अद्दाइलाइ परमेश्वरले हामलाइ मौका दिउन, म आब झेलमि छु क्याकि मइले यो सनदेस प्रचार अर्याथ्या।

एफिसी 4:1

तबइकिलाइ मइले प्रभुको सेवा अर्या हुनाले म झेलमि छु तमनलाइ बिन्ति अद्दउ, कि परमेश्वरले तमनलाइ आफ्नो सन्तान हुनाइलाइ बोलाया त्यो बोलावट अनसार आफ्नो जीवन बिता।

गलाती 5:6

क्याकि जब हाम येशू ख्रीष्टमी बिश्वास अददाउ तब खतना भया लगइ नभया लगइ यइले केइ फरक पड्डइन। तर हामले ख्रीष्टमी बिश्वास अददु रे परमेश्वरलाइ रे और मान्सनलाइ प्रेम अददु मुख्य कुरणी हो।

२ कोरिन्थी 3:2

तमन आफइ सबलाइ परमेश्वरकि निउति अर्या मेरो कामलाइ सिफारिस अद्द्या पत्र जसाइ हौ, जो हामरो हृदयमि लेखिया छ, रे हामले तमरा बिचमि अर्या असल काम सब मान्सनले चिन्न रे पड्ड सक्दाहान।

१ कोरिन्थी 13:7

तिनन प्रेममि सबइ कुरणी सहनाहान, तिनन कभइ बिश्वास अद्द छाड्डाइन, तिनन सदाइ आसा अद्दाहान सबइ कुरणी सनाहान, तिनन असजि रे कष्टमी धैर्य रनाहान।

१ कोरिन्थी 9:23

म ख्रीष्टका बारेमि सुसमाचार प्रचार अददाइ यिन सब थोक अद्दउ ताकि, म सुसमाचारमि प्रतिज्ञा अर्या आशिषमी सहभागी हुन सकु।

प्रेरित 21:33

रोमी सेनापति नजिकै आइबर पावललाइ पकड्यो रे उनलाइ दुइ साङलाले बाद भणि आज्ञा दियो। पइ मान्सनलाइ सोध्यो, “यो को हो? रे यइले कि अर्याछ?”

१ पत्रुस 5:1

म तमन ताँका मण्डलिका अगुवानलाइ लगइ केइ भणन्न चाहानउ क्याकि म लगइ तमन जसोइ एक अगुवा हु। म आफइले ख्रीष्टले भौत समय अगाडी पाया कष्ट धेक्या छु। जब उन आजी फर्कि आउन्याहुन, म लगइ उनरो महिमामि साजेदार हुन्या हु। आब म तमनलाइ आग्रह अद्दउ,

फिलिप्पी 1:12

बिश्वासि भाइन हो, तमनलाइ यो था होस भण्न्या म चाहनउ कि ममि आइलाग्या कुरणीले वास्तवमि सुसमाचार फइलाउनाइ सहयोग भया छ।

फिलिप्पी 1:13

याँ सम्मकि सम्राटका महलमिका चौकीदार सिपाइ रे बाकि जम्माइ मान्सनलाइ यो था भया छ, कि मइले ख्रीष्टको सेवा अर्या हुनाले झेलमि छु।

फिलिप्पी 1:14

म अइल झेलमि भया हुनाले भौत बिश्वासिन भाइन प्रभुमि साहसि भया छन रे साहससित परमेश्वरको बचन प्रचार अद्द सक्द्या भया छन।

फिलिप्पी 2:22

तर तमनलाइ था छ कि तिमोथीले आफलाइ कसेरी बिश्वासयोग्य धेकायो। जसेरि एक चेलाले आफना बा सित मिलिबर काम अरन्छ, तसेरि तिमोथीले सुसमाचार प्रचार अद्द्या काममी मसित मिहिनत अर्यो।

फिलिप्पी 4:3

म तमलाइ सोद्दउ, सिसिगुस, जसो तमरो नाउँ छ, बिश्वासयोग्य सहकर्मी, म तमनलाइ यो बिन्ति लगइ अद्दउ कि यिन दुइ स्वानी मान्सनलाइ मेलमिलापमि बसाइलाइ सहयोग अर, क्याकि यिनले मसित सुसमाचार फइलाउन्या काममी, कष्टमी रे मेरा और सहकर्मी सित मिहिनेत अरिराइछ, जइको नाउँ तइ किताबमी लेखिरइछ जइमि अनन्त जीवन पाया मान्सनको नाउ लेखिया छ।

फिलिप्पी 4:15

फिलिप्पी सहरका मान्सन, तमन आफइ लगइ जाणन्छौ कि तमनकीलाइ सुसमाचारको प्रचार अर्या दिन बठेइ जब म माकेडोनिया प्रदेस गया, तब तमन बाहेक और कोइ मण्डलिले मलाइ भेटी दिबर सहयोग अरेइन।

फिलेमोन 1:13

सुसमाचार प्रचार अर्या हुनाले म झेलमि भया बेला उइलाइ आफसित मलाइ सहयोग अद्दाइलाइ राख्द चाहानथ्या। उइले तमरा सट्टामी याँ मेरो सहयोग अद्द सकन्थ्यो, क्याकि मलाइ था छ कि तम मलाइ सहयोग अद्द चाहान्छौ।