फिलिप्पी 1:6 - डोटेली नयाँ करार

⁶ यो निश्चय छ कि परमेश्वरले तमनमि जो असल काम सुरु अर्या छन, उनइले येशू ख्रीष्ट फर्कि आउन्या दिनमि त्यो काम पुरा अद्दया हुन।

फिलिप्पी 1:6 Referans Kwoze

फिलिप्पी 2:13

क्याकि परमेश्वरले तमनमि काम अद्दा छन, रे उनइले तमनलाइ उनलाइ खुशी पाड्डया काम अद्दाइलाइ इच्छा रे सक्ति दिन्या हुन।

एफिसी 4:12

उनले मान्सलाइ यिन योग्यता दियो, ताकि तिननले परमेश्वरका जनलाइ उनरो काम अददाइ रे बलिया हुनाइ रे ख्रीष्टका शरीरका रुपमि परिपक्व हुनाइ तयार अरुन।

१ पत्रुस 5:10

परमेश्वर, जो पूरारुपमी अनुग्रहकारि छन हामरो ख्रीष्ट सितको सम्बन्धका लाग्दा आफ्नो अनन्त महिमामि हामलाइ साजेदार हुनाइ बोलाया छ। तमनले केइ बेर सम्म कष्ट भोग्या पछा, परमेश्वरले तमनलाइ असल बनाउन्या हुन ताकि तमनमि केइ गल्ती जन होउ रे उनले तमरो हृदयलाइ बलियो बनाउन्या हुन रे दृढ हुनाइलाइ उनमी बिश्वास अद्दया बनाउन्या हुन।

१ कोरिन्थी 1:8

हामरा प्रभु येशू ख्रीष्ट फर्कि आउन्या दिनमि तमन दोस रहित होउ भणबर परमेश्वरले तमनलाइ अन्त सम्म बिश्वासमि बालियो बनाउन्या हुन।

२ थेसलोनिकि 1:11

तबइकिलाइ हाम तमन सबका निउति निरन्तर प्रार्थना लगइ अद्दाउ, कि परमेश्वरले जसो जीवन जिउनाइलाइ तमनलाइ बोलायो तसोइ जीवन जिउनाइलाइ उनले तमनलाइ योग्य बनाउन्या हुन।, रे तमनले येशू ख्रीष्टमी बिश्वास अर्या हुनाले उनरो सक्ति बठेइ उनले तमनलाइ हरेक असल काम पुरा अददाइ सक्ति दिउन।

हिब्रु 10:35

तबइकिलाइ तमरो बिश्वासलाइ जन छाड, ताकि तमनले परमेश्वर बठेइ ठुलो इनाम पाउन सक।

यूहन्नाले लेख्या सुसमाचार 6:29

येशूले जबाफ दियो रे भण्यो, “परमेश्वरको काम यइ हो कि तमन ममि बिश्वास अर जइलाइ उनले पठाइराइछ”।

फिलिप्पी 1:10

ताकि जो काम अददु असल छ त्यो काम तमनले छान्न सक, रे जब येशू ख्रीष्ट फर्कि आउन्याहुन तइ दिनकि निउति तमन सुद्द रे दोस रहित रन सक।

हिब्रु 12:2

हामरा बिश्वास सुरु अद्द्या रे सिद्द अद्द्या येशूलाइ हाम हेरिराख्दाउ, जइले भविष्यमी पाइन्या आनन्दकी निउति अपमानलाइ केइ जसो नमाणिबर क्रुसको कष्ट भोग्यो, रे अइल उन परमेश्वरको सिंहासनको दाइन तिर उच्च सम्मानका ठाउँमि विराजमान छन।

१ थेसलोनिकि 1:3

जब हाम पिता परमेश्वरलाइ प्रार्थना अददाउ, हाम प्रभु येशू ख्रीष्टमी तमनले बिश्वासका लाग्दा अर्या काम, तमनले बिश्वासिलाइ प्रेम अर्या हुनाले सहयोग अद्दाइलाइ अर्या तमरो कडा परिश्रम, तमनले प्रभु येशू ख्रीष्टको फर्कि आउन्या आसा अर्या हुनाले सतावटमी तमरो धैर्यलाइ निरन्तर सम्झनाउ।

फिलेमोन 1:21

म तुलाइ यो चिठ्ठी लेख्दाछु, क्याकि मइले तुलाइ बिन्ति अर्या कुरणी तुइले अद्दया हइ भणबर म पक्‍का छु। रे मलाइ था छ कि मइले बिन्ति अर्या भण्ना झिक बडता अद्द्या हइ।

फिलिप्पी 1:29

क्याकि परमेश्वरले तमनलाइ ख्रीष्टमी बिश्वास अद्द्या मात्र होइन तर उनमी बिश्वास अर्या हुनाले दुःख सनाइकीलाइ निको मौका दिया छन।

२ थेसलोनिकि 3:4

हामले तमनलाइ जी कुरणी अद्दाइलाइ भण्या थ्या तमन तसोइ अद्दाछौ रे लगातार अद्दया होउ भण्न्या हामले तमनका बारेमि प्रभुमि भरोसा राख्याछौ।

कलस्सी 2:12

जब तमरो बप्तिस्मा भयो, यइले धेकाउछ कि तमरो पापमय स्वभाव गाणिया जसेरि ख्रीष्ट गाणिया थ्या, रे तमन नयाँ स्वभावमि उठ्या जसेरि ख्रीष्ट मर्या बठेइ उठ्या। यो भयो क्याकि तमन यो बिश्वास अरन्छौ कि परमेश्वरले आफ्नो सक्ति बठेइ ख्रीष्टलाइ मर्या बठेइ जिउना बनायो।

२ कोरिन्थी 7:16

म रमाउनउ, क्याकि तमनमि मेरो पुरा भरोसा छ।

प्रेरित 11:18

यिन कुरणी सुण्या पछा यहुदि बिश्वासि चुप रया, रे यिसो भण्नाइ तिननले परमेश्वरको महिमा अर्यो, “आब त परमेश्वरले गैर-यहुदिलाइ लगइ अनन्त जीवनका निउति पाप अद्द छाडिबर येशूतिर फर्क भण्या छ।”

प्रेरित 16:14

पइ थिआटीरा सहर बस्सेइ, बैजनि रङ भया लत्ताको ब्यापार अद्देइ लिडिया नाउँकि परमेश्वरको आराधना अद्देइ एक स्वानिले हामरा बचन सुण्यो। पावलले बोल्या कुरणी मन लाइबर सुणुन भणबर प्रभुले तइको मन खोलि दीयाथ्यो।

गलाती 5:10

तर म प्रभुमि बिश्वास अद्दाछु कि उनले तमनलाइ झुटा शिक्षामि बिश्वास अद्दा बठेइ रोक्दया हुन। तर तमनलाइ अलमलयाउन्या जो भया लगइ, तइले परमेश्वर बठेइ दण्ड पाउन्या हो।

२ पत्रुस 3:10

तर ख्रीष्ट पक्‍का फर्कि आउन्याहुन। उन चोरकि जसेरि अचानक फर्कि आउन्याहुन। तइ बेला अग्गासमी ठुलो आवाज हुन्या हो, रे अग्गास हराउन्या हो। अग्गासमी भया सुर्य, चन्दमा रे तारा आगाले पुरा रुपमि नास हुन्या हो। तइ दिन, मान्सनले पृथ्वीमि अर्या सब काम तिनरा न्याय अददाइ निउति परमेश्वरले प्रकट अद्दया हुन।

२ कोरिन्थी 9:4

यदि माकेडोनिया प्रदेसका कोइ बिश्वासिन मसित आया रे तमनसित पैसा तयार भया भेटेइन भण्या तमरा लाग्दा हाम लाजमि पड्डया हौ, रे तमरि लगइ झिक लाज हुनेइहो, क्याकि हामले तमनमि ठुलो भरोसा राख्याथ्या।

२ कोरिन्थी 2:3

रे मइले जो कुरणी लेख्या त्यो येइ हेतुले लेख्या, कि म आउन्ज्या जइ मान्सन बठेइ मइले आनन्द पाउनु पड्ड्या थ्यो तिनन बठेइ म दु:खित जन हु। क्याकि मेरो आनन्द तमन सबको आनन्द हुन्छ भण्या मलाइ तमन सबका बारेमि भरोसा थ्यो।

२ कोरिन्थी 1:15

तमनले हामलाइ बुज्न्छौ भणन्या कुरणीमि म पक्‍का भया हुनाले म तमनलाइ पइल्ली बेर भेट्टाइ खोज्जाथ्या, ताकि तमनलाइ दुइ बेर भेट्टाइ आया आशिस तमनलाइ हुन सकउ।

फिलिप्पी 2:12

मेरा प्यारा भाइन, म तमनसित हुन्ज्या तमनले सदाइ आज्ञापालन अर्या छौ। अइल म तमन बठेइ टाडा छु, तमन झिक बड्ता आज्ञाकारी हुनु पणन्छ। तमन हरेकले डराइबर रे कामीबर त्यो काम अददु पणन्छ जो और मान्सकीलाइ ठीक छ, जइलाइ परमेश्वरले बचाया छ।

फिलिप्पी 2:16

अनन्त जीवन दिन्या बचन प्रचार अर ताकि मेरो परिश्रम, रे मिहिनेत खाली गएइन भणबर ख्रीष्ट फर्कि आउन्या दिनमि म गर्व अद्द सकु।