मर्कुस 9:47 - डोटेली नयाँ करार

⁴⁷ यदि तमरो आँखा पाप अद्दया परीक्षामि पणन्छ भण्या तइलाइ निकलिबर खितदिय। एक आँखो नभइबर स्वर्गमि जानाइ असजि लाग्द सकन्छ तर दुइ आँखा भइबर नरकमि खितिनु भौत ननिको हो।

डोटेलि

⁴⁷ रे तमरा आँखाले तमलाइ पाप अद्‍द लाउन्‍छ भन्‍या तइलाइ निकालिबर फालिदिय। क्‍यालाइकि दुइ आँखा भइबर नरकमि जानु भन्‍ना त एकइ आँखो भइबर परमेस्‍वरका राज्‍यमि पस्‍सु तमरि निउति असलइ हुन्‍या छ।

मर्कुस 9:47 Referans Kwoze

मत्ती 18:9

पाप अद्द लाउन्या कारणलाइ निकलिबर खितदिय! तइका जडाइ बठेइ खितदिय, जसेरि तेरा आँखाले तुलाइ पाप अद्द लाउछ भण्या तइलाइ निकलिबर खितदिय। दुइ आँखा सित नरका आगामी फालिनु भण्ना बरु कानो होइबर जीवन भितर पस्सु तेरा निउति असल हुन्छ।”

मर्कुस 9:43

यदि तमरो हात पाप अद्दाइ परीक्षामि पणन्छ भण्या तइलाइ काटीबर खितदिय। दुइ हात भइबर नरकमि जाना भण्न्ना, त एक हात भइबर स्वर्गमि जानु तमलाइ भौत निको हो।

मत्ती 5:22

तर म तमनलाइ भण्नउ कि जइले लगइ कसइसित रिस अरन्छ, तिननले पंचायतमि दण्ड पाउन्या हुन, रे जइले कसइलाइ काम नलाग्द्या भणन्छ, तिननले यहुदि महासभामि दण्ड पाउन्या हुन। तर जइले कसइलाइ तु मुर्ख भणन्छ, तिननले नरकका आगामी दण्ड पाउन्या हुन।

गलाती 4:15

तइ बेला तमन भौत खुशी थ्या! आब त्यो खुशी काँ गयो? म साच्ची यो भण्न सक्दउ, कि तमनले मेरी निउति सब कुरणी अर्या याँ सम्मकि सम्भब भया भयले तमनले आफना आँखा लगइ निकालिबर मलाइ दिनेइथ्या।

लूका 14:26

“जो मान्सन मेरा वाँ आउनाहान तिनन तब सम्म मेरा शिष्या हुन सक्दाइनन, जबसम्म तिननले मलाइ आफना बा, इजा, स्वानी, चेलाचेली रे दाइ-भाइ, दिदि-बइनीलाइ रे आफनाइ प्राण हइ बड्ता प्रेम अद्दाइन्न।

मर्कुस 9:46

नरकमि सबको शरीर खान्या किरा कभइ मद्दाइन रे आगो कभइ निभ्दइन।

यूहन्नाले लेख्या सुसमाचार 3:3

येशूले तइलाइ भण्यो, “साँच्चि, म तुलाइ भण्नउ, कोइ नयाँ अरिबर जन्मनइन भण्या उइले परमेश्वरको राज्यको अनुभव अद्द सक्दइन”।

यूहन्नाले लेख्या सुसमाचार 3:5

येशूले भण्यो, “साँच्चि, म तमनलाइ भण्नउ, कोइ पानी रे आत्मा बठेइ जन्मनइन भण्या तइले कभइ लगइ परमेश्वरको राज्यमि पस्स पाउन्या होइन।