मर्कुस 9:2 - डोटेली नयाँ करार

² छ दिन पछा येशूले पत्रुस, याकुब रे यूहन्नालाइ एक उच्चा पहाड तिर एकान्तमी लइयइबर गया रे, उनरा साम्नेमि येशूको रुप बदलियो।

डोटेलि

² तइका छइ दिनपाछा इसुले पत्‍रुस, याकुब रे युहन्‍नालाइ आफुसित लइजाइबर एक उच्‍चा डाँणामि गया। ताँ उनु मात्‍तरइ थ्‍या, रे सिस्‍याले हेद्‍दाहेद्‍दाइ इसुको अनार बद्‍लियो।

मर्कुस 9:2 Referans Kwoze

मर्कुस 5:37

रे उनले पत्रुस, याकुब, रे याकुबका भाइ यूहन्ना रे याइरस बाहेक भिडका और कसइ मान्सनलाइ लगइ आफना पछा आउन दियइन।

मर्कुस 14:33

येशूले पत्रुस, यूहन्ना रे याकुबलाइ आफसित बगैचाको पलतिर लइय्या रे येशू भौत ब्याकुल रे बिचलित हुन पस्या।

२ कोरिन्थी 13:1

पबित्र सास्त्रमि इसेरि लेखिया छ, “सब दोस दुइ या तीन साचि गवाही बठेइ साबित अरिनु पणन्छ” जब म दोसरा बेरका भेटमि ताँ थ्या, मइले पापमय काम अद्द्यालाइ पइल्ली चेताउनी दिसक्या थ्या। पइल्लिका चिठ्ठीमि तमनलाइ चेताउनी दिया जसेरि आजी म तमनलाइ रे औरलाइ लगइ चेताउनी दिनउ। आब म तेसरी बेर तमरा वाँ आउन्यावालो छु, यदि तिननले आजी लगइ पाप अद्द छाड्या आथिन भण्या कोइलगइ दण्ड बठेइ उम्कन सक्द्या आथिन।

प्रकाश 20:11

रे मइले एक ठुलो सेतो सिंहासन, रे तइमि बसिर्यालाइ धेक्या। धर्ति रे अग्गास उनरा उपस्थिति बठेइ भागिबर गया, रे कसइले धर्ति रे अग्गासलाइ आजी धेकेइन।

मर्कुस 16:12

तइ दिन पछा, येशू आफ्ना दुइ शिष्या शिष्याका वाँ धेकिया, जब उन यरुशलेम सहर बठेइ आफ्नो गाउँ जन्नाथ्या, पइ शिष्याले येशूलाइ छिट्टाइ चिन्न सकेन, क्याकि येशू पइल्ली हइ फरक धेकि रइथ्या।

फिलिप्पी 3:21

उनले जइ सक्तिको प्रभाबले सब कुरणीलाइ उनरो अधिनमी ल्याउन सक्दाहान, तसइ सक्तिले हामरा भौतिक शरीरलाइ आफ्नो महिमाको सरीरमि बदल दिनाहान।

रोमी 12:2

यइ संसारका मान्सन जसा जन हो, तर परमेश्वरले तमनलाइ तमरो सोच्च्या तरिका बदलिबर तमनलाइ नयाँ मान्समि बदल्ल दिय। तब तमनले परमेश्वरको असल, ग्रहणयोग्य रे सिद्द इच्छा कि हो, त्यो बुज्जया हौ।

यूहन्नाले लेख्या सुसमाचार 1:14

बचन एक मान्स भया रे उन अनुग्रह रे सत्यले पुरा भइबर हामरा बिचमि बास अद्दाहान। हामले उनरो महिमा धेक्या, जो महिमा परमेश्वर बठेइ आया एकइ चेलोको महिमा जसोथ्यो।

लूका 6:12

तइ पछा येशू डाङामि उकल्या रे प्रार्थना अद्दाइलाइ गया, रे परमेश्वरसित प्रार्थना अद्दाइ पुराइ रात बितायो।

मत्ती 14:13

जब येशूले यो सुण्यो, उन नामि चढबर एक अलगै एकान्त ठाउँमि गया। यो सुणिबर भिडले गाउँ बठेइ हिटिबर उनलाइ पछ्यायो।