मर्कुस 8:34 - डोटेली नयाँ करार

³⁴ तब येशूले आफना शिष्याका संङइनि भिडलाइ आफना वाँ बोलाइबर तिननलाइ भण्यो, “कोइ मान्स मेरो शिष्य बन्ना चाहन्छ भण्या तइले आफ्नो सब इच्छा त्यागउ। रे आफ्नो क्रुस उठाइबर शिष्य हुनाइलाइ मेरा पछा लागउ।

डोटेलि

³⁴ तबइ इसुले आफना सिस्‍या रे ताँ भया मान्‍सलाइ बोलाइबर भुन्‍यो, “हेर, कोइ मेरो सिस्या हुन्‌ चाहान्‍छ भन्‍या उइले आफुइलाइ इन्‍कार अरउ, रे आफनो क्रुस बोकिबर मेरा पाछा लागउ।

मर्कुस 8:34 Referans Kwoze

मत्ती 10:38

जो दुःख सइबर शिष्य हुनाइलाइ मेरा पछा लाग्दइन, त्यो मेरा शिष्य हुना लायकको हुनइन।

यूहन्नाले लेख्या सुसमाचार 10:27

जसेरि भेडाले आफ्नो असल गोठालोको सोर पछेण्नाहान, तसेरि मेरो मान्सन मेरा कुरणी ध्यानले सुण्नाहान। म तिननलाइ पछेण्नउ रे तिनन शिष्या हुनाइलाइ मेरा पछा लाग्दया हुन।

गलाती 5:24

रे जो मान्सन उद्दारकर्ता येशू ख्रीष्टका हुन तिननले उत्कट चाहाना रे इच्छासितको पापमय स्वभाबलाइ छाड्या छन, अथवा तिनरा पापमय स्वभाव क्रुसमि मार्या छन।

गलाती 2:20

यो इसो हो कि ख्रीष्ट क्रुसमि मर्या, रे म लगइ मर्या। म आब जिउन्या होइन, तर ख्रीष्ट ममि जिउनाहान। रे जो जीवन म अइल जिउनाछु त्यो म परमेश्वरका चेलोमी बिश्वास अरिबर जिउनउ, जइले मलाइ भौत प्रेम अर्यो यिति सम्मकि उनले आफ्नो जीवन मेरा निउति दियो।

१ यूहन्ना 3:16

प्रेम कि हो भणि इसइ बठेइ जाण्नाउ कि येशू ख्रीष्टले हामरा निउति आफ्नो प्राण दियो, तबइकिलाइ हामले लगइ आफना और बिश्वासि भाइनका निउति आफ्नो प्राण दिनु पणन्छ।

मत्ती 16:24

तब येशूले आफना शिष्यालाइ भण्यो, “कोइ मेरा पछा आउन्या मन अरन्छ भण्या, उइले आफलाइ इन्कार अरउ रे आफ्नो क्रुस उठाइबर शिष्य हुनाइलाइ मेरा पछा लागउ।”

फिलिप्पी 3:10

म ख्रीष्टलाइ जण्न रे अनुभव अद्द चाहानउ। रे उनलाइ मर्या बठेइ जिउना बनाउन्या सक्ति अनुभव अद्द चाहानउ, रे उनरो मराइमि उन जसा भइबर उनरा दु:खमी सहभागी हुन सकु।

रोमी 8:17

रे सन्तान हु भण्या उत्तराधिकारी लगइ हु, परमेश्वरका उत्तराधिकारी रे ख्रीष्टसित सज्जि उत्तराधिकारी हु। यदि हाम अइल येशूकी जसेरि दु:ख भोग्दाछौ भण्या हाम उनरो महिमामि लगइ सहभागी हुन्या हु।

लूका 9:23

तब उनले सबलाइ भण्यो, “यदि कोइ मेरा पछा आउन्या मन अरन्छ भण्या तइले आफलाइ इन्कार अरउ, रे दिन दिनै आफ्नो क्रुस बोकिबर शिष्या हुनाइलाइ मेरा पछा लागउ।

कलस्सी 3:5

तबइकिलाइ तमरो पापी स्वभाव सित जोडीया ननिका काम: सब किसिमका व्यभिचार, अशुद्द्ता कामुकता खराब इच्छा रे लोप अद्द छाड। यो मुर्तिपुजा अर्या जसोइ हो।

फिलिप्पी 3:7

तर जति सब चिज मेरा निउति फाइदाको थ्या, तिन सब चिज मइले आब ख्रीष्ट सितका सम्बन्धका लाग्दा हानि जसाइ माण्या।

१ पत्रुस 4:1

तबइकिलाइ ख्रीष्टले आफ्नो सरीरमि हुनज्या दुःख भोग्यो, रे तमन लगइ उनरो जसो बिचार राखिबर दुःख भोग्दाइ तयार हुनु पणन्छ। क्याकि यदि तमन ख्रीष्टको निउति दुःख भोग्दाइ इच्छा अर्नछौ भण्या, तमनले पाप अद्द छाड्डया निर्णय अर्या छौ।

गलाती 6:14

मेरा बारेमि भणन्या हो भण्या, म हामरा प्रभु येशू ख्रीष्टको क्रुसमि मर्या कुरणी बाहेक और केइ कुरणीमि कभइ घमण्ड अद्द चाहानइन। क्याकि उनरो मृत्यु बठेइ म संसारका इच्छाको अधिनमी आथिन, रे आब ममि यइ संसारको कोइ सक्तिले सासन अद्द्या आथिन।

१ कोरिन्थी 15:31

बिश्वासि भाइन हो, हरेक दिन म मद्दया खतरामी छु। यो कुरणी लगइ सत्य हो, जसेरि म हामरा प्रभु येशूमि तमरा बारेमि घमण्ड अद्दया कुरणी सत्य हो।

रोमी 6:6

क्याकि हाम जाण्नाउ कि हामरो पुरानो पापमय स्वभाव येशू ख्रीष्टसित क्रुसमि टाँङियो, ताकि हामरो सरीरमि भया पापमय स्वभाव नास होउ, रे आब बठेइ हाम पापका अधिनमी जन हु।

लूका 14:33

तबइकिलाइ तमनमि हइ जइले आफसित भया सब चिज छाडइन, त्यो मेरो शिष्या हुन सक्दैन।”

२ पत्रुस 1:14

क्याकि म जाण्नउ कि म छटाइ मद्द्या हु, क्याकि हामरा प्रभु येशू ख्रीष्टले मलाइ स्पष्ट रुपमि त्यो धेकाइदिया छ।

१ पत्रुस 4:13

यइका बारेमि खुशी हौ, क्याकि तमन ख्रीष्टले भोग्या कष्टमी सहभागी भयाछौ। तबइकिलाइ जब ख्रीष्ट सबइ मान्सनलाइ आफ्नो महिमा प्रकट अददाइ आजी आउन्याहुन, तब तमरो आनन्द साचि ठुलो हुन्या हो।

तितस 2:12

यइ अनुग्रह बठेइ परमेश्वरले हामलाइ सिकाउनाहान कि तसो ब्यबहार जन अर जइले उनलाइ खुशी बनाउनइन, रे तिन कुरणीको लोप जन अर जो पाउन्या इच्छा अबिश्वासीन अद्दाहान। हाम यइ संसारमी रनज्या समजदारि रे परमेश्वरलाइ खुशी बनाउन्या ब्यबहार अर जइले परमेश्वरलाइ आदर अर्या धेकाउन्छ।

कलस्सी 1:24

क्याकि मइले तमनलाइ सुसमाचार प्रचार अर्या हुनाले म अइल तमरा निउति कष्ट भोग्दाछु, रे म आफनाइ इच्छाले ख्रीष्टको तर्फ बठेइ यिन कष्ट भोग्दाछु, ताकि मण्डलिलाइ सहयोग अद्द सकु, जो उनरो शरीर जसाइ हुन।

प्रेरित 14:22

रे शिष्याले हरेक गाउँका मान्सनको मनलाइ बनाउनाइ बिश्वासमि रइरनु पणन्छ भणि साहास दियो, रे भौत दुख कष्ट सइबर हामले परमेश्वरको राज्यमि पस्सु पणन्छ भणबर सिकायो।

लूका 18:22

यो सुण्या पछा येशूले तइलाइ भण्यो, “तुलाइ आजी एक कुरणी कमी छ। तुसित भया तेरा जी-जति लगइ छन बेच रे गरिबलाइ पैसा दिदे। यदि तु इसो अरन्छै भण्या तुइलाइ स्वर्गमि धन मिल्या छ। रे मेरा शिष्य हुनाइलाइ मेरा पछा लाग।”

लूका 13:24

“परमेश्वरको राज्यमि साँणा ढोका बठेइ पस्सु असजि छ, क्याकि म तमनलाइ भण्नउ, भौत मान्सन पस्स खोज्जयाहुन, तर पस्स सक्द्या आथिन्न।

मत्ती 27:32

जाना जानाइ तिननले सिमोन नामको कुरेनि सहरको मान्स गाउँ बठेइ यरुशलेम सहरमि जान्नारया भेट्यो रे उइलाइ क्रुस उठाइबर तइ ठाउ सम्म लइजानाइ कर अर्यो।

प्रकाश 2:10

तमनले पाउन्या पिडा बठेइ जनडरा। सैतानले तमन मध्ये केइ जानालाइ मान्सन बठेइ पकोडन्छ रे तमरो जाँच अददाइलाइ तमनलाइ झेलमि पठाउनछ। तमले दस दिनकि निउति ठुलो समस्या अनुभव अद्द्या हौ। तर ममि बिश्वास अर्या हुनाले तमलाइ मारिया लगइ तमन कभइ हरेस जन खा, क्याकि म तमनलाइ अनन्त जीवन दिन्या हु, त्यो तमरो जितको पुरुस्कार हो।

हिब्रु 13:13

तबइकिलाइ हाम लगइ सिबिर बाइर उनरा वाँ जानाउ, रे जसेरि उनले अनादर सहयो तसेरि हाम लगइ अनादर सहउ।

२ थेसलोनिकि 3:11

क्याकि हाम सुण्नाउ कि तमन मध्ये कतिले अल्छी जीवन बिताउन्नाछन। तिनन आफ केइ काम अद्दाइन्न तर और मान्सनलाइ हस्तक्षेप अददाहान रे तिननलाइ काम अद्दा बठेइ रोक्दाहान।

१ कोरिन्थी 9:19

यइको मतलब यो हो कि तिननले मलाइ पैसा तिर्या हुनाले म मान्सनको आज्ञापालन अददाइ बाद्य आथिन, तर म सबको दास भया छु, ताकि म तिननलाइ ख्रीष्टमी ल्याउन सकु।

१ कोरिन्थी 8:13

तबइकिलाइ यदि मुर्तिलाइ चडाया खान्या कुरणी खाया हुनाले और बिश्वासिलाइ तिनरो बिश्वास छाड्डया कारण हुन्छ भण्या, म कभइ तसा किसिमको खाना खान्या होइन, ताकि म और बिश्वासिलाइ तिनरो बिश्वास छाड्डया कारण जनहु।

यूहन्नाले लेख्या सुसमाचार 19:17

तब रोमी सिपाइले येशूलाइ पकडयो। तिननले उनलाइ आफ्नो क्रुस उठाइबर यरुशलेम सहर बठेइ बाइर खप्परे भण्न्या ठाउँमि लैजानाइकिलाइ भण्यो, जइलाइ हिब्रु भासामि गलगथा भणिन्छ।

लूका 20:45

मान्सनले सुण्ना सुण्नाइ उनले आफना शिष्यालाइ भण्यो,

मर्कुस 10:21

येशूले तइलाइ प्रेमले हेर्यो, रे तइलाइ भण्यो, “तुइले आजी एक कुरणी अददु पडद्या छ। जा, रे तेरा जी-जति लगइ छन बेच रे गरिबलाइ पैसा दिदे। यदि तु इसो अरन्छै भण्या तुइलाइ स्वर्गमि धन मिल्या छ। रे मेरा शिष्य हुनाइलाइ मेरा पछा लाग।”

मर्कुस 7:14

पइ येशूले जम्माइ मान्सनलाइ आफना वाँ बोलाइबर उनले तिननलाइ भण्यो, “तमन हरेकले मेरी कुरणी सुण रे बुज।