मर्कुस 8:22 - डोटेली नयाँ करार

²² तब येशू रे उनरा शिष्या बेथसेदा गाउँमी आया, रे मान्सले एक कानो मान्स उनरा वाँ लेइबर आया, रे तइलाइ छोइबर निको अरिदिय भणि उनसित बिन्ति अर्यो।

डोटेलि

²² इसु सिस्‍यासङइ बेथसेदा आया, रे मान्‍सले आखाँ नधेक्‍द्‍या एक जनालाइ उनरा वाँ लेइबर आया, रे यइलाइ छोइदिय भनिबर बिन्‍ति अर्‍यो।

मर्कुस 8:22 Referans Kwoze

मत्ती 11:21

तमन भयानक समस्यामि छौ! तम मान्सनलाइ जो खोराजिन सहरमि बसन्छौ! तमन भयानक समस्यामि छौ! तम मान्सन जो बेथसेदा गाउँमी बसन्छौ! यदि तमनमि धेकाया अचम्मका काम टुरोस रे सिदोन सहरमि धेकाया भयले, ताँका मान्सनले पइल्ली भाङरा लाइबर छार घस्सेइ थ्या, यो धेकाउनाइ कि तिनन पाप अद्द छाडिबर परमेश्वरतिर फर्किया छन!

मर्कुस 6:45

येशूले उतन्जेइ आफना शिष्यालाइ नामि चडिबर गालील समुद्रको पारि बेथसेदा गाउँमी जानाइकिलाइ भण्यो, रे आफ रोकिबर उनले भिडलाइ बिदा दियो।

लूका 10:13

“तमन भयानक समस्यामि छौ! तुलाइ, खोराजिन! तमन भयानक समस्यामि छौ! तुलाइ, बेथसेदा गाउँ! क्याकि तमनमि भया अचम्मका काम टुरोस रे सिदोन सहरमि अरिया भयले तिननले अगाडी बठेइ भाङरा लाइबर छारमि बसिबर पाप अद्द छाडिबर परमेश्वरतिर फर्की सक्द्याथ्या।

यूहन्नाले लेख्या सुसमाचार 12:21

तिनन गालील जिल्लाको बेथसेदा गाउँमी बस्या, फिलिपका वाँ आइबर यिसो भणि बिन्ति अर्यो, “हजुर, हाम येशूलाइ भिट्टाइ चाहनौ।”

यूहन्नाले लेख्या सुसमाचार 1:44

अन्द्रियास रे पत्रुस जसोइ फिलिप लगइ बेथसेदा गाउँको रइछ।

मर्कुस 2:3

तइ बेला ताँ चार जना भण्ना बड्ता मान्सन लुलो मान्ससित आया रे चार जानाले तइलाइ बोकिबर येशूका वाँ आया।

मत्ती 8:15

येशूले तिनरो हात छोयो, रे जरले तिनलाइ छाडि हाल्यो। तइ पछा तिनले तिननलाइ खानाइ दियो।

मत्ती 9:29

तब उनले तिनरा आँखा छोइबर भण्यो, “मइले तमलाइ निको बनाउना छु क्याकि तमले मलाइ बिश्वास अर्या छौ।”

मत्ती 8:3

उनले आफ्नो हात तानिबर तइलाइ छोइबर भण्यो, “म तुलाइ निको बनाउन चाहनउ।” उतन्जेइ तइको कोण निको भयो।

लूका 9:10

तइ पछा येशूका छान्या शिष्या फर्किबर तिननले अर्या सब काम येशूलाइ बयान अर्यो। उनले तिननलाइ सँङैनि लैजाइ बेथसेदा गाउँ बठेइ अलगै गया।

मत्ती 14:36

तिननले उनरा लत्ताका छेउ मान्तर छुन पाँउ भणि येशूलाइ बिन्ति अद्द पस्या, रे जतिले छोयो तिनन निका भया।

मर्कुस 3:10

येशूले भौत मान्सलाइ निको बनाया हुनाले ताँ रोग लाग्या सब मान्सन येशूलाइ छुनाइ भणबर घोचाघोच अद्दाथ्या।