मर्कुस 7:4 - डोटेली नयाँ करार

⁴ बजार बठेइ आया पछा उतन्ज्या सम्म खाना खानाइन थ्या जबसम्म आफ्ना हात बिसेस रितिले नीकेरि धुनाइनथ्या। रे तिनरा पुर्खाका और लगइ भौत रिति थ्या जइलाइ तिनन माण्नथ्या। जसेरि कटौरा, लोटा, पित्तलका खाना पकाउन्या भाँडाकुडा धुनथ्या।

डोटेलि

⁴ बजारबटहइ आया पाछा सुद्‍द नभइबर तिनु केइ खानाइनथ्‍या। रे अउरलइ भउतइ रितिथिति मानन्‍थ्‍या। जसइकि थालि, कटउरा, भाँणाकुणा, खाट लइ नचोख्‍याएइ चलाउनथ्‍या।

मर्कुस 7:4 Referans Kwoze

हिब्रु 9:10

क्याकि तिनन बाहिरि जीवनका नियममि मान्तर आधारित छन, अथवा खान्या, पिउन्या रे बिभिन्न बिधिका इसनान। परमेश्वरले मान्सनसित नयाँ करार बाद्या पछा मान्तर यो पुरा हुनु आवश्यक थ्यो।

मत्ती 23:25

“तमन भयानक समस्यामि छौ! तम मोशाको कानुन सिकाउन्यावाला, फरिसि मान्सनको समुह हो कपटि!, तमन उन कटौरा जसाइ छौ जो बाइर साप छ तर भितर मैलिया छ। तम आफलाइ और मान्सनका अगाडी धर्मि जसा धेकिन्या बनाउछौ तर तमरा हृदयमि भितर लोभ रे स्वार्थले भरिया हुन्छौ।

याकुब 4:8

परमेश्वरका नजिक जा रे उन तमनका नजिक आउन्याहुन। पापी हो! आफना जीवन बठेइ पाप हटा। दुइ मनका मान्सन हो! तमनका हृदय सुद्द पाण।

यूहन्नाले लेख्या सुसमाचार 2:6

आब यहुदि मान्सनको आफनोइ धार्मिक चलन अन्सार हात धुन्या रितिरिवाज थ्यो। इसो अद्दाइलाइ, तिननले ताँ ढुङाको छइ ठुला फोला राखिराइथ्यो, सब फोलामि लगभग एक सय लिटर अटाउन्थ्यो।

१ यूहन्ना 1:7

तर, जसेरि परमेश्वरले आफ्नो पबित्रता अनसार सदाइ ठीक काम अददाहान। तसेरि जब हाम परमेश्वरका ज्योतिले धेकाउन्या ठीक कुरणी अददाउ तब हामरो एक-अर्खासित संगति हुन्छ, रे उनरा पुत्र येशूका रगतले हामलाइ सब पाप बठेइ सुद्द पाणन्छ।

मत्ती 27:24

पइ पछा केइ सिप नलाग्या धेकिबर खैलाबैला मच्चिन्छ भण्न्या डरले पिलातस हाकिमले पानी ल्याइबर भिडका अगाडीतिर आफ्ना हात धोइबर भण्यो, “यो तमरो दोस हो! म येइ मान्सका रगत बठेइ निर्दोष छु”।

यूहन्नाले लेख्या सुसमाचार 3:25

तसइ बेला यूहन्नाका शिष्याको एक जाना यहुदि मान्ससित धार्मिक चलन अन्सार सुद्द हुन्या बारेमि बहस भयो।

मत्ती 23:26

अन्धा फरिसि मान्सनको समुह हो! तम पइल्ली लोभ रे स्वार्थि हुन छाड रे तमनले त्यो अद्द सकन्छौ जो पबित्र छ, रे जो एक कटौरा जसो हो जइको भित्तर रे बाइर धोया छ।”

मर्कुस 7:8

तमन मान्सका रिति माणनाइलाइ, परमेश्वरको आज्ञा माण्नु छाणन्छौ।”