मर्कुस 6:14 - डोटेली नयाँ करार

¹⁴ राजा हेरोदले येशूले अर्या कामको चर्चा सुण्यो, क्याकि भौत मान्स येशूका कामका बारेमि जण्न्थ्या रे और मान्स उनरो कामको चर्चा अद्दाथ्या। कोइ मान्सनले भण्नाथ्या, “यो बप्तिस्मा-दिन्या यूहन्ना हुनु पणन्छ जो मर्या बठेइ जिउना होइरइछन, तबइकिलाइ त यिनले यिसा अचम्मका काम अद्दा छन।”

डोटेलि

¹⁴ हेरोद राजाले इसुका बारेमि सुण्‍यो, क्‍यालाइकि चारइतिर उनरो नाउँचल्‍याथ्‍यो। कसइ कसइले भन्‍नथ्‍या, “बप्‍तिस्‍मा दिन्‍या युहन्‍ना मर्‍याबटहइ जिउना भयाछन्, तबइ त तिनुबटहइ यसा सक्‍तिका काम हुन्‍नाछन्‌।”

मर्कुस 6:14 Referans Kwoze

१ थेसलोनिकि 1:8

क्याकि तमन बठेइ परमेश्वरको बचन केवल माकेडोनिया प्रदेस रे अखैया प्रदेशमि मान्तर प्रचार अरियाको होइन, तर हरेक ठाउ जाँ हाम जानाउ, ताँ हामले परमेश्वरमि तमरो बिश्वासका बारेमि भण्या सुणनाउ। तबइकिलाइ हामले औरलाइ तमरा बिश्वासका बारेमि केइ भण्नु आवश्यक आथिन।

लूका 13:31

तसइ बेला कोइ-कोइ फरिसि मान्सन आइबर उनलाइ भण्यो, “याँ बठेइ निकलिबर जा, क्याकि राजा हेरोदले तमलाइ माद्द खोज्जा छ।”

लूका 3:1

रोमी सम्राट तिबेरिअसको सासन कालको पन्नराउ बर्षमि पन्तियस पिलातस यहुदिया जिल्लाका हाकिम थ्या। तइ बेला राजा हेरोद गालील जिल्लामि सासन अद्दाथ्या, तिनरा भाइ फिलिप इतुरिया रे त्राखोनितिसका क्षेत्रमी सासन अद्दाथ्या, रे लुसानियास अबिलेनेका क्षेत्रमी सासन अद्दाथ्या।

मर्कुस 8:28

तिननले उनलाइ भण्यो, “कोइ मान्सन भण्नाहान तम बप्तिस्मा दिन्या यूहन्ना हौ। और भण्नाहान तम एलिया अगमबक्ता हौ, और भण्नाहान कि तम अन्य अगमबक्तामिका एक जाना हौ।”

मर्कुस 1:45

तर कोडी मान्स तइ ठाउँ बठेइ गयो, रे येशूले निको अरेइ कुरणी सब मान्सलाइ भण्यो। इसो भया हुनाले येशू खुला रुपले मान्सका बिचमि जान पाएइन, रे गाउँका बाइर एकान्त ठाउँमि रया। पइलगइ मान्स सब जगा हइ उनरा वाँ आया।

मर्कुस 1:28

पइ पछा येशूले जो अर्याथ्यो तइका बारेमि तिननले और मान्सनलाइ भण्यो, रे छिट्टाइ गालील जिल्ला भरिका मान्सनले येशूको बारेमि सुण्यो।

मत्ती 9:31

तइ पछा तिनन निय्या, रे तइ ठाउँ भरि उनरो किर्ति फैलियो।

लूका 9:19

तिननले उनलाइ भण्यो, “कोइ मान्सन भण्नाहान तम बप्तिस्मा दिन्या यूहन्ना हउ। कसइले भण्नाहान तम एलिया अगमबक्ता हौ, रे कसइले भण्नाहान, पइल्लिका अगमबक्तामी हइ एक जाना आजी उठिरइछन।”

हिब्रु 2:4

रे परमेश्वरले लगइ अचम्मका काम, चिन्ह, भौत किसिमका अचम्मका काम रे मान्सनलाइ आफ्नो इच्छा अनसार पबित्र आत्मा बठेइ बरदान दिइबर यो सन्देश प्रमाणित अर्यो।

लूका 7:17

येशूका बारेमि यो चर्चा सारा यहुदिया जिल्ला रे वलतिर पल्तिरका सब जिल्लामि फैलियो।