मर्कुस 4:38 - डोटेली नयाँ करार

³⁸ येशू आफ नाको पछाडिका भागमि एक सिरानी लाइबर सिरइथ्या। शिष्यले उनलाइ यिसो भण्नाइ बिउजायो, “गुरुज्यू, नाडुब्दा छ रे हाम लगइ डुब्दा छौ, कि तमलाइ फिक्री आथिन?”

डोटेलि

³⁸ तर इसु आफु भन्‍या नाउँका पछाणि भागमि एक सिरान लाइबर सिरइथ्‍या। सिस्‍याले इसुलाइ यसो भुन्‍नइ बिउजायो, “गुरु जि, हामु डुब्‍द लाग्‍या भन्‍न्‍या क्‍या तमलाइ मतलब आथिन्?”

मर्कुस 4:38 Referans Kwoze

१ पत्रुस 5:7

परमेश्वरलाइ आफ्न सब चिन्ता रे फिक्री भण, क्याकि उनले तमरो वास्ता अद्दाहान।

हिब्रु 4:15

क्याकि हामरा यहुदि प्रधान पुजारिले पक्‍कालगइ हामरो कमजोरीमी हामसित सहानुभुति धेकाउनाहान। रे हाम जसाइ येशू सब कुरणीमि परिक्षित भया, तर उनले केइ पाप अरेइन।

मत्ती 8:25

शिष्या आइबर उनलाइ यिसो भण्नाइ बिउजाउन पस्या, “प्रभु हामलाइ बचा! हाम डुब्दा छौ।”

लूका 8:24

तिनन नजिक आइबर उनलाइ यिसो भणबर बिउजायो, “गुरुज्यू, हाम डुब्दा छौ।” उनले उठीबर बतास रे हुरिलाइ हकाद्द पस्या, रे त्यो रोकियो रे सान्त होइय्यो।

हिब्रु 2:17

तबइकिलाइ हरेक कुरणीमि उन आफ्नाइ भाइन जसाइ बन्नु पड्यो, इसेरि उन परमेश्वरका दयालु रे भरपड्डया यहुदि प्रधान पुजारि बन्या। ताकि उनरो बलिदान बठेइ मान्सले आफना पाप बठेइ क्षमा पाउन सकुन।

यूहन्नाले लेख्या सुसमाचार 4:6

ताँ याकुबको कवा थ्यो। येशू यात्राले थग्या हुनाले तइ क्वालाइ बसिरइथ्या। तइबेला करीब: छाकलो होइरइथ्यो।

मत्ती 22:16

तिननले आफना शिष्यालाइ हेरोद राजालाइ साथ दिन्या मान्ससित उनरा वाँ पठायो। तिननले भण्यो, “गुरुज्यू, हाम जाण्नाउ, तम सदाइ इमानदार हौ, रे और तमलाइ कि सोच्चाहान भणबर कसइको डर माणनानु। क्याकि तम सबसित एकनासको ब्यबहार अरन्छौ रे तम परमेश्वरको बाटो साँच्चि रितिले सिकाउछौ।

मर्कुस 4:37

जब उन समुद्र पारि जन्नाथ्या, तइ पछा समुद्रमी बड्ताइ ठुलो हुरि बतास चल्यो, रे छालले नालाइ ढाग्द पस्यो याँ सम्मकि ना पानिले भरिबर डुब्द पस्यो।

मर्कुस 4:39

तब उन बिउज्या, रे बतासलाइ हकाद्द पस्या, रे समूद्दरका छाललाइ भण्यो, “सान्त होइजा! रोकिजा!” पइ समुद्रको बतास पुरा रोकियो रे सान्त भयो।