मर्कुस 4:16 - डोटेली नयाँ करार

¹⁶ केइ मान्सन ढुङगेनि जमिनमी बोइय्या बि जसाइ हुनाहान। उन तइ जसा हुनाहान जो बचन सुणनजेइ तइ खुसीसित झट्टइ स्वीकार अरन्छ।

डोटेलि

¹⁶ तसेरि ढुङा भया जमिनमि पण्‍या बि इनुइ हुन्, जइले बचन सुन्‍नाहान् तबइ खुसि होइबर तुरुन्‍तइ ग्रहण अद्‌दाहान्।

मर्कुस 4:16 Referans Kwoze

लूका 8:13

ढुङगेनि जमिनमी बोइएका बि, त्यो जसाइ हुनाहान जो बचन सुणन्जेइ त्यो खुसीसित बचन स्वीकार अरन्छ। तिननले आफ्नो हृदयमि तइका जडा बड्ड अनुमति दिनइन रे तिननले थोकाइ समयकीलाइ बिश्वास अद्दाहान। तर परिक्षाका बेलामि तिनरो पतन हुन्छ।

मर्कुस 6:20

क्याकि बप्तिस्मा दिन्या यूहन्ना एक धर्मि रे पबित्र मान्स भणि था पाइबर राजा हेरोद तइसित डराउथ्यो, रे तइलाइ रानी हेरोदियास बठेइ झेलमि सुरक्षित राखिराइथ्यो। जब राजा हेरोद बप्तिस्मा दिन्या यूहन्नाले बोल्या सुणन्थ्यो उ भौत बिचइन हुन्थ्या, रे लगइ खुसीसित सुणन्थयो।

यूहन्नाले लेख्या सुसमाचार 5:35

यूहन्ना बल्या रे चम्कन्या बत्ति जसोइथ्यो, रे तमन उइको प्रकासमि थोकाइ समय लगइ आनन्द मनाउनाइ राजि भया।

प्रेरित 8:13

सिमोन आफइले लगइ फिलिपका सन्देशमि बिश्वास अर्यो। तइले बप्तिस्मा लियो, रे त्यो फिलिपसित हिट्ट लाग्यो, चिन्ह रे ठुला-ठुला अचम्मका काम अर्या धेकिबर तइलाइ अचम्म लाग्यो।

प्रेरित 26:28

राजा अग्रिपासले पावललाइ भण्यो, “कि थोकाइ समय तु मलाइ ख्रीष्टियन बनाउन खोज्जाछइ?”

मत्ती 13:5

केइ बि ढुङगेनि जमिनमी पड्या जाँ बड्ता माटी थेइन, रे माटी नभया हुनाले तिन छटाइ उमर्या।

मर्कुस 4:15

जो बि बटाइनि बोइया छ तइको तुलना इसो मान्ससित अरिन्छ जो परमेश्वरको बचन सुणन्छ तब उतन्जेइ सैतान आउँछ, रे तइका ह्रदयमी बोया बचन तइले लैजान्छ।

मर्कुस 4:17

तिननले आफ्नो हृदयमि तइका जडा बड्डया अनुमति दिनाइन रे तिननले थोकाइ समयकीलाइ बिश्वास अद्दाहान। जसेरि तिनरा जीवनमी समस्या आउछ रे जब बचन स्वीकार अर्या कारणले केइ सतावट आउछ रे तिनन पछा हट्टाहान।