मर्कुस 4:14 - डोटेली नयाँ करार

¹⁴ यइ काहानि को अर्थ हो: खेतालाले बि बुन्छ, जो कसइले बचन प्रचार अर्या धेकाउछ।

डोटेलि

¹⁴ बि बुन्‍याले परमेस्‍वरको बचन बुन्‍छ।

मर्कुस 4:14 Referans Kwoze

प्रेरित 8:4

तर छरिया बिश्वासीले चारै तिर गइबर बचन प्रचार अर्यो।

मत्ती 13:19

जब कसइले राज्यका बारेमि बचन सुणन्छ रे तइलाइ बुज्जइन त्यो दुष्ट सैतान आउँछ, रे तइका ह्रदयमी जी बोया थ्यो तइ खोसीबर लैजान्छ। बटाइनि बोया बि तेइ हो।

लूका 8:11

“आब काहानिको अर्थ यो हो कि: बि चाइ परमेश्वरको बचन हो।

मत्ती 13:37

उनले शिष्यालाइ जबाफ दियो, “असल बि बुन्या मान्स भण्याको म, मान्सको चेलोलाइ जणाउछ।

मर्कुस 4:3

“सुण! हेर, एक जाना मान्स बि बुनाइ आफना खेतमी गयो।

मर्कुस 2:2

तइ पछा भौत मान्सन ताँ आया ठुलो भिड लागी रे घर जम्माइ मान्सले भरियो याँ सम्मकि घरका देली रे बाइर सब मान्सले भरिरइथ्यो रे येशूले उननलाइ परमेश्वरको बचन सुणाउनाथ्या।

लूका 1:2

तिननले ठीक तेइ कुरणी लेख्यो जो हामलाइ तिन मान्सनले भण्यो जो सुरु बठेइ येशूको सेबकाइको गवाही थ्या रे जो पछा गइबर परमेश्वरको बचनका सेवक बन्या।

मत्ती 13:3

येशूले भिडलाइ भौत कुरणी काहानिमि भण्यो। उनले भण्यो, “एक जानो मान्स बि बुनाइ आफना खेतमी गयो।

मर्कुस 4:13

पछा येशूले तिनलाइ भण्यो, “तम यइ काहानीको अर्थ बुज्जानु भण्या और काहानि को अर्थ लगइ बुज्जया होनु?

मर्कुस 4:15

जो बि बटाइनि बोइया छ तइको तुलना इसो मान्ससित अरिन्छ जो परमेश्वरको बचन सुणन्छ तब उतन्जेइ सैतान आउँछ, रे तइका ह्रदयमी बोया बचन तइले लैजान्छ।