मर्कुस 3:5 - डोटेली नयाँ करार

⁵ उनले वलतिर पलतिर सब ठाउँ हेर्यो उन रिसाया रे उदास भया क्याकि उन सब सहमत भयइन रे तइ मान्सलाइ भण्यो, “तेरो हात सिदा अर।” तइ लुलो मान्सले येशूतिर आफ्नो हात लइय्यो रे त्यो निको भयो।

डोटेलि

⁵ तिनरा ह्रिदयको कठोरतामि दुःखि भइ भउतइ रिसाइबर उनुले तिनुलाइ हेर्‍यो, रे तइ मान्‍सलाइ भुन्‍यो, “तेरो हात पसार” तइले हात पसार्‍यो रे तइको हात निको भयो।

मर्कुस 3:5 Referans Kwoze

लूका 6:10

तइ पछा उनले वलतिर पलतिर सब ठाउँ हेरिबर तइ मान्सलाइ भण्यो, “तेरो हात सिदा अर।” तइले तसोइ अर्यो, रे तइको हात निको भयो।

एफिसी 4:18

क्याकि तिननले बुज्ज सक्या आथिन रे तिनरा जिद्द रे अज्ञानताका लाग्दा परमेश्वरले दिन्या जीवन तिननमि आथिन।

रोमी 11:25

बिश्वासि भाइन हो, म तमन गैर-यहुदि घमण्डि भया चाहानइन। तबइकिलाइ म इस्राएल देशका मान्सनलाइ कि भयो भणन्या कुरणीको रहस्य ब्याख्या अद्दया हु। इस्राएल देशका केइ मान्सन हटि भया छन, रे तिनन तब सम्म हटि हुन्या हुन जबसम्म परमेश्वरमि आउन्या तमन गैर-यहुदि मान्सनको संख्या पुरा हुनइन।

मत्ती 12:13

तब येशूले तइ हात सुक्या मान्सलाइ भण्यो, “तेरो हात सिदा अर।” तइले हात सिदा अर्यो रे तइको अर्खो हातइ जसेरि त्यो हात लगइ उतन्जेइ निको भयो

प्रकाश 6:16

तिननले पाहाड रे पखानलाइ भण्यो, “हाममि झड रे सिंहासनमि विराजमान भया बठेइ रे थुमाका क्रोध बठेइ हामलाइ लूका रे सिंहासनमि बस्या मान्सले हामलाइ धेक्द जन सकुन।

हिब्रु 5:9

उन पुरा सिद्द बनाइया पछा उनरो आज्ञापालन अद्द्या मान्सनकि निउति उन अनन्त मुक्तिको मुल भया।

हिब्रु 3:17

चालिस बर्ष सम्म परमेश्वर तिन मान्सनसित रिसाया, जइले पाप अर्याथ्यो रे उजाड ठाउँमि मरिबर गया।

एफिसी 4:30

रे तमनका जिउन्या तरिकाले परमेश्वरको पबित्र आत्मालाइ दु:खी जन बना। परमेश्वरले यो धेकाउनाइ पबित्र आत्मा दिया छ कि तमन उनरा हौ रे एक दिन उनलाइ पूरारुपमी छुटकारा दिन्या हुन।

एफिसी 4:26

जब तमन क्रोध अरन्छौ तब तमरो क्रोधलाइ पाप अद्द जन दिय। पक्‍का हो कि रात पड्डाहइ पइल्ली तमरो क्रोध बन्द होउ।

२ कोरिन्थी 3:14

तर तिनरा मन कठोर भयाथ्या, क्याकि आजका दिन सम्म पुरानो करार पड्न्ज्या त्यो घुम्टो रइरन्छ, त्यो घुम्टो ख्रीष्टमी बिश्वास अर्या बठेइ मान्तर हटाइन्छ।

यूहन्नाले लेख्या सुसमाचार 9:7

पइ उनले तइलाइ भण्यो, “जा, सिलोआमको (जइको अर्थ पठाइया) तालइनि गइबर पखालेइ।” तइले गइबर पखाल्यो, रे धेक्द्या होइबर फर्क्यो।

लूका 17:14

उनले तिननलाइ धेकिबर भण्यो, “यरुशलेम सहरमि भया मन्दिरमि जा रे यहुदि पुजारिले जाचुन कि तु निको भयाछइ।” बाटामि जाना जानाइ तिनन निका होइय्या।

लूका 13:15

तर प्रभु येशूले जबाफ दियो, “कपटि हो! तमनमि हइ कइले बिश्राम दिनमि गोठ रे तबेला बठेइ आफना बल्ल कि गधा फुकाइबर पानी ख्वाउन लइनानु?

हिब्रु 3:10

तबइकिलाइ तइ पुस्तासित म भौत रिसाया, रे भण्या, ‘तिननले मलाइ अस्वीकार अर्या छन, तिननले मइले दिया काम अददाइ इन्कार अर्या छन।’

मर्कुस 3:4

येशूले तिननलाइ भण्यो, “परमेश्वरले हामलाइ बिश्राम दिनमि कि अद्द्या आज्ञा दिया छन, मान्सनलाइ भलो अद्दु कि खराबी अद्दु? उनले हामलाइ कि आज्ञा दिया छन, कसइको प्राण बचाउनु कि माद्दु?” रे तिन सब चुप लागिरया।