मर्कुस 16:17 - डोटेली नयाँ करार

¹⁷ जइले ममि बिश्वास अरन्छ, तिननले यिन अचम्मका काम प्रमाणका रुपमि अद्द्या हुन: तिनन मेरा नाउँमि भूतलाइ बाइर निकाल्या हुन, रे म तिननलाइ नयाँ भासा बोल्ल सिकाउन्या हु।

डोटेलि

¹⁷ बिस्‍वास अद्‍दायासित यिनु चिन्‍ह हुन्‍या छन्— मेरा नाउँमि तिनुले भुत धपाउन्‍या छन्, नयाँ भासा बोल्‍या छन्,

मर्कुस 16:17 Referans Kwoze

प्रेरित 5:16

यरुशलेम सहरका वलतिर पलतिर भया सहर बठेइ लगइ भौत मान्सनले बिमारी रे भूत लाग्या मान्सनलाइ येशू ख्रीष्टका छान्या शिष्याका वाँ लेइबर आउँथ्या रे तिन सब निका हुन्थ्या।

१ कोरिन्थी 12:28

ख्रीष्टको यो मण्डलिमि, परमेश्वरले हामलाइ फरक फरक किसिमका काम अददाइ दिया छ: पइलो, उनले केइ मान्सनलाइ येशू ख्रीष्टका छान्या शिष्या हुनाइ, दोसरो अगमबक्तान, जइले उनरो बचन बोलन्छ, तेसरो शिक्षक। तइ पछा उनले केइ मान्सनलाइ अचम्मका काम अद्द्या अधिकार दियो। तइ पछा उनले केइ मान्सनलाइ निको पाड्डया अधिकार दियो, केइ मान्सनलाइ उनले औरलाइ सहयोग अद्द्या बरदान दियो, कसइलाइ अगुवान हुन्या, रे कसइलाइ पबित्र आत्मा बठेइ फरक फरक भासा बोल्लया बरदान दिया छ।

१ कोरिन्थी 12:10

पबित्र आत्माले एक मान्सलाइ अचम्मका काम अद्द्या सक्ति दिनाहान भण्या, अर्खा मान्सलाइ परमेश्वरको सन्देश बोल्लया बरदान दिनाहान, रे अर्खा मान्सलाइ परमेश्वर बठेइको बरदान हो कि सैतान बठेइको हो भणबर छुट्टयाउन्या बरदान दिनाहान। उनले एक मान्सलाइ फरक फरक भासा बोल्लया बरदान दिनाहान भण्या, उनइले अर्खा मान्सलाइ तिन फरक फरक भासाका अर्थ खोलदिन्या बरदान दिनाहान।

प्रेरित 8:7

जब फिलिपले आज्ञा दियो, तब भौत जाना बठेइ भूत जोरले कला हालिबर निकल्ल पस्या, भौत जाना झाण्नो पड्या, बिमारी रे डुणा मान्सन लगइ निका भया।

लूका 10:17

तिन सत्तरि जाना शिष्या आनन्दसित फर्किबर आया रे यिसो भण्यो, “प्रभुज्यु, भूतले लगइ हामरि कुरणी माण्यो जब हामले भूतलाइ तमरा नाउँमि आज्ञा दिया!”

प्रेरित 10:46

क्याकि तिननले फरक फरक भासामि बोल्लार्या रे परमेश्वरको प्रसंसा अद्दार्या उननले सुण्यो। तब पत्रुसले जबाफ दियो,

यूहन्नाले लेख्या सुसमाचार 14:12

साँच्चि, म तमनलाइ भण्नउ, जइले मलाइ बिश्वास अरन्छ, तइले मइले अर्या काम लगइ अरन्छ, रे तिन भण्ना ठुला काम अरन्छ, क्याकि म पिताका वाँ जान्ना छु।

प्रेरित 19:6

जब पावलले तिननमि हात राख्यो, तब पबित्र आत्मा तिननमि आया, रे तिननले फरक फरक भासा बोल्या रे भविष्यवाणी अर्यो।

१ कोरिन्थी 14:2

क्याकि नसिक्या फरक फरक भासामि बोल्लयाले मान्सनसित होइन, तर परमेश्वरसित बोलन्छ। उइले भण्या कोइ बुज्जाइन, पबित्र आत्माको सक्ति बठेइ उ रहस्यका कुरणी बोलन्छ।

१ कोरिन्थी 12:30

सबलाइ रोग निको पड्डया, अथवा नसिक्या फरक फरक भासा बोल्लया, अथवा नसिक्या फरक फरक भासाको अर्थ खोल्लया बरदान मिल्या आथिन।

१ कोरिन्थी 13:1

यदि मइले मान्स रे स्वर्गदुतका भासामि बोल्या तर मइले औरलाइ प्रेम अरेइन भण्या, मेरी बोलिको केइ अर्थ हुनइन, यो हल्ला मचाउन्या घाँट रे झ्याँइ-झ्याँइ अद्द्या झ्यालि जसो मान्तर हुन्छ।

प्रेरित 16:18

तइले भौत दिन सम्म इसोइ अर्यो। तब पावलले दिक्‍क माणिबर फनक्‍क फर्किबर तइ भूत आत्मालाइ भण्यो, “येशू ख्रीष्टका नाउँमि म तुलाइ तइ बठेइ निकल्ल्या आज्ञा अद्दउ।” पइ त्यो भूत आत्मा तसइ बेला निकल्यो।

मर्कुस 9:38

यूहन्नाले येशूलाइ भण्यो, “हे गुरु जी, हामले इसो मान्सलाइ धेक्या जो तमरा नाउँमि भूत धपाउन्ना थ्यो, तर हामले उइलाइ इसो जन अरइ भण्या क्याकि उ हाम जसो शिष्य होइन।”

प्रेरित 2:33

तबइकिलाइ आब उन स्वर्गमि परमेश्वरको दाइन हाततिर सम्मानसित बस्या छन। रे पिताले जसो उनलाइ बाचा अर्याथ्यो, त्यो उनलाइ पबित्र आत्मा दियो, रे उनले त्यो पबित्र आत्मा हामलाइ दिया हो, जसोकि आज तमन धेक्दाछौ रे सुण्न्नाछौ।