मर्कुस 14:65 - डोटेली नयाँ करार

⁶⁵ तइ पछा कोइ उनलाइ थुक्द लाग्या, कोइ मुक्‍कि हाण्न पस्या, रे तिननले उनरा आँखा बुजिबर भण्न लाग्या, “यदि तु अगमबक्ता हइ भण्या, भण कइले तुलाइ हाण्यो!” रे मन्दिरका चौकिदारनले उनलाइ समाइबर थप्पडी हाण्यो।

डोटेलि

⁶⁵ रे कसइ कसइले उनुलाइ थुक्‍द लाग्‍या, पइ उनरो मुख ढाकिबर थप्‍पड हान्‍नइ भुन्‍यो, “तु अगमबक्‍ता हइ भन्‍या तुइलाइ हान्‍न्‍या को हो? धइ भुन्‌ त” तइपाछा पाल्‍याले उनुलाइ आफना जिम्‍मामि लियो, रे तिनुले लइ मुट्‍किले हाण्‍यो।

मर्कुस 14:65 Referans Kwoze

प्रेरित 23:2

पावलका कुरणी सुणिबर यहुदि प्रधान पुजारि हननियाले तिनरा नजिक कलिन्या मान्सनलाइ पावलका गलामि थप्पडी हाण्न्या आज्ञा दियो।

यूहन्नाले लेख्या सुसमाचार 19:3

रे भण्यो, “यहुदि मान्सनका राजालाइ सलाम!” रे उनलाइ तिननले थप्पड लगइ हाण्यो।

यूहन्नाले लेख्या सुसमाचार 18:22

येशूले यिन कुरणी भण्न्या बेला नजिकै कल्लिया मन्दिरको एक चौकिदारमि हइ एकले इसो भणबर एक थप्पडी लाइदियो, “कि तु यहुदि प्रधान पुजारि लाइ इसेरि जबाफ दिन्छइ?”

मर्कुस 15:19

तिननले बेर बेरि निङालोले उनरा मुन्टामि हाण्नथ्या, रे उनरो अपमान अद्दाइलाइ भौत बेर थुक्यो, रे खिसि काट्टाइलाइ घुणा टेकिबर दण्डबत अद्द पस्या।

हिब्रु 12:2

हामरा बिश्वास सुरु अद्द्या रे सिद्द अद्द्या येशूलाइ हाम हेरिराख्दाउ, जइले भविष्यमी पाइन्या आनन्दकी निउति अपमानलाइ केइ जसो नमाणिबर क्रुसको कष्ट भोग्यो, रे अइल उन परमेश्वरको सिंहासनको दाइन तिर उच्च सम्मानका ठाउँमि विराजमान छन।

मर्कुस 10:34

रे तिननले मलाइ खिसि काट्ट्या हुन, रे मलाइ थुक्द्या हुन, मलाइ कोर्रा लाउन्या हुन, रे मलाइ मारिदिन्या हुन, तर तेसरा दिनमि म मर्या बठेइ जिउनो हुन्या हु।”

मत्ती 27:30

तब तिननले बेला बेलामि निङालोले उनरा मुन्टामि हाण्यो, रे उनरो अपमान अद्दाइलाइ भौत बेर थुक्यो।