मर्कुस 12:37 - डोटेली नयाँ करार

³⁷ यइ अनुछेदमि राजा दाउद आफइले लगइ खीष्टलाइ प्रभु भण्नाहान, “तम काँ बठेइ राजा दाउदका बंसज भया?” पइ ताँ को सारा भिडले उनरो बचन खुसीसित सुण्यो।

डोटेलि

³⁷ जबइ दाउद आफुइ लइ उनुलाइ ‘प्रभु’ भन्‍नाहान्‌ भन्‍या कसेरि उनु दाउदका सन्‍तान भया?” पइ ताँ भया ठुला भिडले इसुको बचन खुसिसित सुनिरइथ्‍या।

मर्कुस 12:37 Referans Kwoze

प्रकाश 22:16

म येशूले मेरा दुतलाइ यिन कुरणी तमरा वाँ भण्नाइ पठाया छु, जो परमेश्वरका मण्डलिका समुहमी छन। म राजा दाउदको सन्तान हु। म उइ हु जो तारा जसो छ, जो परभातइ धेकिन्छ।

याकुब 2:5

मेरा प्यारा भाइन हो, ध्यान दिय! परमेश्वरले संसारका नजरमि गरिबलाइ बिश्वासमि धनि बनाया छ, रे उनरा राज्यका हकदार हुनलाइ लगइ प्रतिज्ञा अर्याछ, जो उनलाइ प्रेम अद्द्या सबलाइ दिन्या हुन।

१ तिमोथी 3:16

पक्‍कालगइ हाम भणन सक्दाउ कि, परमेश्वरले प्रकट अर्या शिक्षा पुरा रुपमि सत्य छ, ख्रीष्ट एक मान्स भया, उन पबित्र आत्मा बठेइ परमेश्वरका चेलो साबित भया, स्वर्गदुतले उनलाइ धेक्यो। मान्सनले उनरा बारेमि जाति-जातिमी प्रचार अर्यो। संसार भरिका सब मान्सनले बिश्वास अर्यो। परमेश्वरले उनलाइ स्वर्गमि उठाइबर लैया।

रोमी 9:5

तिननसित नाउँ चल्या पुर्खा छन, येशू ख्रीष्ट मान्सनका रुपमि तिनरा जातिका हुन। परमेश्वर, जइले सबमि सासन अददाहान उनलाइ सदाइ प्रसंसा होइरउ। आमिन।

यूहन्नाले लेख्या सुसमाचार 12:9

यहुदि मान्सनको एक ठुलो भिडले उन ताँइ छन भण्न्या था पायो रे येशूको खातिरमि मान्तर होइन, तर उनले मर्या बठेइ जिउनो पाड्या लाजरसलाइ लगइ हेद्दाउ भणि तिनन आइरइथ्या।

लूका 21:38

उनरो बचन सुण्नाइलाइ सब मान्स परभातइ मन्दिरमि आउँथ्या।

लूका 19:48

तिननले उनलाइ माद्द्या केइ उपाय पायइन, क्याकि सब मान्स उनरा कुरणीमि मगन थ्या।

मत्ती 21:46

तिननले येशूलाइ पक्कोड्ड खोजाथ्या। तर तिनन मान्सनले बिरोध अददाहान भणि डरायाथ्या, क्याकी मान्सनले येशूलाइ अगमबक्ता हुन भणि माणन्थ्या।

मत्ती 11:25

तइ बेला येशूले भण्यो, “हे पिता, अग्गास रे धर्तिका प्रभु, म तमलाइ धन्यबाद दिनउ, क्याकि तमले यिन कुरणी बुद्दिमान रे समजदार मान्सन बठेइ गोप्य राख्या, तर साधारण मान्सनलाइ प्रकट अर्या।

मत्ती 11:5

कि अन्धा धेक्दाहान, लङडा हिट्टाहान, कोणी सुद्द हुनाहान, टोल्या सुण्नाहान, मर्या जिउना हुनाहान, गरिबलाइ सुसमाचार सुणाइन्छ।

मत्ती 1:23

“हेर, एक कुमारिकन्या गर्भ बोक्देइ हो, रे तइले एक बालक जन्माउनेइ हो, रे उनरो नाउँ इम्मानुएल राखिन्या हो, जइको अर्थ हो, परमेश्वर हामसित।”

मत्ती 21:45

जब यहुदि मुख्य पुजारि रे फरिसि मान्सनको समुहले तिनरा काहानि सुण्यो तब तिनराइ बारेमि तिन भणिएका हुन भणबर बुज्यो।