मर्कुस 12:15 - डोटेली नयाँ करार

¹⁵ कि हामले कर तिद्दु पण्न्छ कि नइ?” येशूले तिनरो कपटिपन था पाइबर तिननलाइ भण्यो, “तमन मलाइ गलत कुरणी भणबर क्याइ फसाउन्या कोशिस अद्दाछौ? एक चाँदिको सिक्‍कालेइबर मलाइ धेका।”

डोटेलि

¹⁵ इसुले तिनुको कपटिपन था पाइबर तिनुलाइ भुन्‍यो, “तमु क्‍यालाइ मेरो जाँच अरन्‍छउ? मुइलाइ एक चाँदिको सिक्‍का लेइबर दिय।”

मर्कुस 12:15 Referans Kwoze

प्रकाश 2:23

म तइका शिक्षालाइ पछ्याउन्या लाइ माद्द्या हु। रे सब मण्डलिले था पाउन्या छन कि म उइ हु जइले सबका बिचार रे आसयलाइ जाँच अरन्छ, रे म तमन हरेकलाइ तमनले अर्या काम अन्सार सबलाइ प्रतिफल दिन्या हु।

हिब्रु 4:13

परमेश्वरका दृष्टिमि कोइ मान्स लुक्या आथिन। रे उनइ हुन, जसलाइ हामले जीवन भरि अर्या सब कामको लेखा दिनु पड्डया हो। उनरा अगाडी सब कुरणी स्पष्ट रे खुला छन।

१ कोरिन्थी 10:9

हामले ख्रीष्टको परिक्षा अद्दु पड्डइन, जसेरि तिननमि हइ कतिले अर्यो, रे स्याप बठेइ मर्या।

प्रेरित 5:9

तर पत्रुसले तइलाइ भण्यो, “तमले परमेश्वरका आत्माको परिक्षा अद्दाइ कसेरी मिलिबर सल्लाह अर्या? हेर, तेरा बैकान गाडड्यावाला ढोकालाइ छन रे तिननले तुलाइ बोकिबर बाइर लैजान्या हुन।”

यूहन्नाले लेख्या सुसमाचार 21:17

उनले तेसर्या आजी भण्यो, “हे सिमोन यूहन्नाका चेला कि तु मलाइ प्रेम अरन्छै?” रे पत्रुसले दु:ख माण्यो, क्याकि येशूले उइलाइ तेसर्या सोध्यो। पइ उइले उनलाइ भण्यो, “प्रभु, तम सब कुरणी जाणन्छौ। म तमलाइ प्रेम अद्दउ भण्न्या तम जाणन्छौ।” येशूले भण्यो, “मेरा भेडाको हेरबिचार अरेइ।

लूका 20:23

तर उनले तिनरो कपट बुजिबर तिननलाइ भण्यो,

मर्कुस 10:2

फरिसि मान्सन येशूका वाँ आइबर उनलाइ परिक्षा अद्दाइ सोध्यो, “कि मोशाको कानुन अन्सार कोइ मान्सले आफनी स्वानी सित छोडपत्र दिनाइलाइ अनुमति छ?”

मत्ती 22:18

तर येशूले तिनरो धुर्तता था पाइबर भण्यो, कपटि हो, तमन मलाइ क्यालाइ जाचन्छौ?

मत्ती 20:2

मान्सनसित एक दिनको द्याणी तोकिबर उइले तिननलाइ आफना अंगुरको बारीमि पठायो।

मर्कुस 12:14

तिननले आइबर उनलाइ भण्यो, “गुरुज्यू, हाम जाण्नाउ, तम सदाइ इमानदार हौ, रे और तमलाइ कि सोच्चाहान भणबर कसइकि डर माणनानु। क्याकि तम सबसित एकनासको ब्यबहार अरन्छौ रे तम परमेश्वरको बाटो ठिक रितिले सिकाउछौ। आब तम हामलाइ भण, कि मोशाको कानुनले सम्राट लाइ कर तिद्दाइ अनुमति दिन्छ कि दिनइन?

मर्कुस 12:16

तिननले एक चाँदिको सिक्‍का लेया। रे उनले तिननलाइ भण्यो, “मलाइ भण यइ सिक्‍कामि कइको चित्र रे नाउ छ?” तिननले उनलाइ भण्यो, “सम्राटको।”

यूहन्नाले लेख्या सुसमाचार 8:6

तर तिननले येशूको परिक्षा अरिबर दोस लाउनाइलाइ केइ कुरणी पाइन्छ कि भणबर सोध्या हो तर येशूले नसुण्या जसो अरिबर निउणिबर औलाले जमिनमी लेख्यो।