मत्ती 9:29 - डोटेली नयाँ करार

²⁹ तब उनले तिनरा आँखा छोइबर भण्यो, “मइले तमलाइ निको बनाउना छु क्याकि तमले मलाइ बिश्वास अर्या छौ।”

मत्ती 9:29 Referans Kwoze

मत्ती 15:28

तब येशूले तइलाइ जबाफ दियो, “ए नारी, तेरो बिश्वास ठुलो रइछ। तुइले मन अर्या जसो तुलाइ होइजाउ।” तइकि चेली तसइ बेला निकी होइगइ।

मर्कुस 10:52

येशूले तइलाइ भण्यो, “मइले तुलाइ निको बनाउना छु क्याकि तुइले मलाइ बिश्वास अर्या छइ। तु आफना घर जा। उइले उतन्जेइ धेक्द सक्द्या भयो रे उ और मान्सनसित गयो जो येशूका पछा-पछा लागीरइथ्या।”

मत्ती 9:22

फनक्‍क फर्किबर हेरनज्या येशूले तइ स्वानी धेक्यो, रे भण्यो, “चेली, साहस अर, तेरा बिश्वासले तुलाइ निको बनाइराइछ।” त्यो स्वानी तसइ बेला निकी होइगइ।

मत्ती 8:13

येशूले कप्तानलाइ भण्यो, “घर जा, जसो तुइले बिश्वास अरिराइछइ, तसोइ तुकिलाइ होइजाउ।” रे त्यो नौकर तसइ बेला निको होइय्यो।

मत्ती 20:34

येशूले दया माणिबर तिनरा आँखा छोइदियो रे उतन्जेइ बठेइ तिनन धेक्द सक्द्या भया रे तिनन उनरा पछा लाग्या।

मत्ती 9:28

जब येशू उनरा घर पस्या, तइ पछा तिन अन्धा उनरा वाँ आया। येशूले तिननलाइ भण्यो, “म निको अद्द सक्दउ भणि कि तमन बिश्वास अरन्छौ?” तिननले उनलाइ भण्यो, “ज्यू, प्रभु। हाम बिश्वास अद्दउ कि तमले हामलाइ निको अद्द सकन्छौ।”