मत्ती 6:7 - डोटेली नयाँ करार

⁷ जब तमन प्रार्थना अरन्छौ गैर-यहुदि मान्सनकि जसेरि उनइ सब्द बेर-बेरि जनदोहर्या। क्याकि उनइ सब्द बेर-बेरि दोहर्याबर तिनरो सुणाइ हुन्छ भण्न्या तिनन बिचार अद्दाहान।

मत्ती 6:7 Referans Kwoze

मत्ती 26:44

तबइकिलाइ उनले तिननलाइ आजी छाडदियो रे गइबर आजी उनइ कुरणी दोहरेइबर तीन बेर प्रार्थना अर्यो।

मत्ती 6:32

क्याकि गैर-यहुदि मान्सन जइले परमेश्वरको आज्ञापालन अद्दाइन तिननले यिन सब चिज खोज्जाहन, रे तमरा स्वर्गमि हुन्या पिताले तमनलाइ यिन सब चिजको खाँचो छ भणि जाण्नाहान, तबइकिलाइ चिन्ता जन अर।

प्रेरित 19:34

तर उनलाइ यहुदि मान्स, बिश्वासि मान्सनकि जसेरि मुर्तिपुजा अद्दाइन, सब जनाले एकइ आवाजमी लगभग दुइ घन्टा जति, “एफिसस बासिकि देबी आर्तेमिस महान हुन” भणबर कला हाल्यो।

मत्ती 26:42

आजी दोसर्या गइबर उइ कुरणी भणबर प्रार्थना अद्द लाग्या। मेरा पिता, मइले यो नपिइ नहुन्या भयले तमरोइ इच्छा पुरा होउ।

मत्ती 26:39

येशू थोक्काइ उथ जाइबर भैयाइनि घुडा टेकिबर आफ्नो मुख जमिनमी घोप्टिबर परमेश्वरसित प्रार्थना अद्द पस्या, “अब्बा, मेरो पिता यदि यो तमरा योजनामि सम्भब भया बर, मलाइ तइ दु:ख बठेइ बचाइ दिय जो मेरा वाँ आउन्ना छ। तमनकीलाइ सब कुरणी सम्भब छ। यइ दु:खलाइ आउन जन दिय। रे तम तसोइ अर जो तम चाहन्छौ, यो नइ कि जो म चाहानौ।”

मत्ती 18:17

यदि तइले तिनरि कुरणी लगइ सुण्न इन्कार अर्यो भण्या मण्डलिलाइ भण, यदि मण्डलिको कुरणी लगइ सुण्न इन्कार अर्यो भण्या तइलाइ गैर-यहुदि रे कर उठाउन्या जसोइ ब्यबहार अर।