मत्ती 6:2 - डोटेली नयाँ करार

² तसेरि जब तमन दान दिन्छौ, तब धेकाउनाइलाइ बिगुल जन बजा, जसो कपटिले यहुदि सभाघरमी रे सडकमि मान्स बठेइ प्रसंसा पाउनाइ अद्दाहन। साँच्चि, म तमनलाइ भण्नउ, तिननले मान्सन बठेइ महिमा पाइ सक्या छन।

मत्ती 6:2 Referans Kwoze

मत्ती 6:5

“जब तु प्रार्थना अरन्छइ तब कपटि मान्स जसो जन होइ, क्याकि तिनन यहुदि सभाघरमी रे सडकका कुना-कुनामि मान्सनले धेकुन रे तिननलाइ महिमा अरुन भणि कलिबर प्रार्थना अद्दया मन अद्दाहन। साँच्चि म तमनलाइ भण्नउ, तिननले आफ्नो पुरा इनाम पाइ सक्या छन, त्यो भण्या मान्सनको प्रसंसा हो।

मत्ती 6:16

“जब तम बर्त बसन्छौ, तब कपटि अनार जन धेका। क्याकि मान्सनलाइ बर्त बस्या धेकाउनाइलाइ तिनन आफना मुख अनारा बनाउनाहान। साँच्चि म तमनलाइ भण्नउ, तिननले मान्सन बठेइ प्रसंसा पाइ सक्या छ।

यूहन्नाले लेख्या सुसमाचार 5:41

“म मान्स बठेइ महिमाको आस अद्दैन,

हिब्रु 13:16

भलाइ अद्द रे आफसित भया कुरणी आवश्यकतामि पण्यालाइ बाँडचुड अद्द जनबिसर, क्याकि यिसाइ बलिमि परमेश्वर भौत खुशी हुनाहान।

लूका 20:46

“लामा लत्ता लाइबर इथउथ हिट्या, रे बजारमि मान खोज्या, रे मोशाको कानुन सिकाउन्यावाला धेकि होशियार रया, तिनन मान्सनलाइ धेकाउनाइलाइ सार्वजनिक ठाउँमि लामा रे महंगो लत्ता लाउनाइ मन पणउनाहान, रे मान्सनले बजारमि मान दिइबर अबिबादन अरेको मन पणउनाहान। तिननले यहुदि सभाघरमी मुख्य ठाउँ रे भोजमि आदरको ठाउँ बस्साइलाइ मन पडाउनाहान।

यूहन्नाले लेख्या सुसमाचार 7:18

जइले आफनाइ तिर बठेइ बोलन्छ, उइले आफनोइ सम्मान खोजन्छ, तर जइले आफलाइ पठाउन्याको सम्मान खोजन्छ, त्यो इमानदार हो, रे उइमि छल हुनइन।

१ पत्रुस 4:11

उदाहरणकि निउति, यदि तमनसित प्रचार अद्द्या बरदान छ भण्या, तमनले परमेश्वरको बचन प्रचार अददु पणन्छ। यदि तमनसित और मान्सनलाइ सहयोग अद्द्या बरदान छ भण्या, तइलाइ परमेश्वरले दिया ताकत बठेइ अर। तब येशू ख्रीष्टको सक्ति बठेइ तमनले परमेश्वरलाइ महिमा हुन्या हो। सबइ महिमा रे सक्ति सदासर्वदा उनरोइ हो! आमेन।

एफिसी 4:28

चोरी अद्द्याले आब जन चोरउ। बरु उइले आफना हातले इमान्दारिसित काम अरउ, ताकि उइसित गरिब मान्सनलाइ दिनाइ केइ हुन सकउ।

गलाती 2:10

तिननले हामलाइ यो मान्तर बिन्ति अर्यो कि हामले यरुशलेम सहरमि भया गरिब बिश्वासिनलाइ सहयोग अददु पणन्छ। रे इसोइ म अद्द चाहान्थ्या।

प्रेरित 10:4

पइ जब तिनले डिठ लाइबर तक्यो पइ तिन डराया रे कर्नेलियसले भण्यो, “प्रभु भण।” उनले तिनलाइ भण्यो, “तेरा प्रार्थना रे गरिबलाइ दिया दान सम्जनाका निउति परमेश्वरका वाँ पुग्या छन।

१ तिमोथी 6:18

तिननलाइ निका काम अद्दाइलाइ, रे खाचोमी भयालाइ उदारतासित दिनाइ, रे बिना करकाप आफसित भया चिज बाणनाइ निउति भण।

रोमी 12:8

उत्साह दिन्याले उत्साह दिन्या काममी, दान दिन्या बरदान भयाले उद्दार-चित्तले दान दिन्या काममी, अगुवा हुन्या बरदान भयाले गम्भीर भइबर अगुवाइ अद्द्या काममी, दयाको काम अद्द्याले खुसीसित तइ काम अरउ।

प्रेरित 24:17

आब केइ बर्ष पछा मेरा मान्सनलाइ उपहार दिनाइ, जो गरिब छन रे परमेश्वरलाइ बलिदान चडाउनाइ म यरुशलेम सहरमि आयाथ्या।

प्रेरित 10:31

रे भण्यो, ‘कर्नेलियस परमेश्वरले तेरो प्रार्थना सुण्या छ, रे तुइले गरिबलाइ दिया दानको सम्जना होइरइछ।

प्रेरित 10:2

जो परमेश्वरको आराधना अरन्थ्या रे तिनरा सब परिबारले परमेश्वरको डर माणन्थ्या, तिनले गरिब मान्सनलाइ भौत दान दिन्थ्या रे सदाइ परमेश्वरसित प्रार्थनामि अरिरन्थ्या।

प्रेरित 9:36

योप्पा गाउँमी तबिता, अथवा डोरकास भणनेइ एक शिष्य थिन जइको अर्थ हरिणि हो। प्रभु येशूमि बिश्वास अद्देइ एक स्वानी थिइ। त्यो निका काम अद्द रे गरिबलाइ सायता दिनाइमि लागिरन्थि।

यूहन्नाले लेख्या सुसमाचार 13:29

क्याकि यहूदा इस्करियोतसित पैसा थैली भया हुनाले येशूले तइलाइ काजबारका निउति हामलाइ केइ खाँचो छ कि तिन चिज किन्नाइ अथवा उइले गरिबलाइ केइ देउ भणबर भण्या हो कि भणि कत्तिले सोच्यो।

यूहन्नाले लेख्या सुसमाचार 5:44

तमन ममि बिश्वास अद्द सक्दानु, क्याकि तमन एक-अर्खा बठेइ प्रसंसा लिन्छौ, रे तमन एक मान्तर परमेश्वरको प्रसंसा पाउनाइलाइ कोशिस अद्दान।

लूका 6:42

तम आफना आँखामी भया मुणो धेक्दानु भण्या, आफना भाइलाइ ‘ए भाइ, तेरा आँखामी भया झाड मलाइ निकाल्ल दे’ भणबर तम कसेरी भण्न्न सकन्छौ? ए कपटि, पइल्ली आफना आँखा हइ मुणो निकाल, रे तब तुइले भाइको आँखामी भया झाड निकाल्लाइलाइ नीकेरि धेक्द सक्द्याहइ।”

मर्कुस 12:39

तिननले यहुदि सभाघरमी मुख्य ठाउँ रे भोजमि आदरको ठाउँमि बस्साइ मन पडाउनाहान।

फिलेमोन 1:7

मेरा बिश्वासिन हो, तमरो और प्रतिको प्रेम बठेइ मइले भौत आनन्द रे हौसला पाइराइछु, क्याकि तमन बठेइ पबित्र जनका हृदय आजी उत्साहित भया छन।

१ थेसलोनिकि 2:6

हाम मान्सन बठेइ आदर खोज्जाइन, न त तमन बठेइ न और कसइ बठेइ। पइलगइ हाम ख्रीष्टका छान्या शिष्या भया हुनाले हामले तमनलाइ हाम प्रति खास मान्सनकि जसेरि ब्यबहार गराउन सकनथ्या, तर हामले तसो कभइ अरेइन। तमन बठेइ सहयोग पाउनु हामरो अधिकार थ्यो।

प्रेरित 11:29

तब सब शिष्याले आ-आफ्नो क्षमता अनसार यहुदिया जिल्लामि बस्या बिश्वासि भाइनलाइ सायता अद्द्या बिचार अर्यो।

लूका 13:15

तर प्रभु येशूले जबाफ दियो, “कपटि हो! तमनमि हइ कइले बिश्राम दिनमि गोठ रे तबेला बठेइ आफना बल्ल कि गधा फुकाइबर पानी ख्वाउन लइनानु?

लूका 12:56

ए कपटि हो! तमन अग्गास रे पृथ्बीका लक्षण भणिदिन सकन्छौ, तर यो बर्तमान समयमि परमेश्वरले कि अददाहान भणि यइको ब्याख्या अद्द जाण्नानु।”

लूका 12:33

तमरो सम्पत्ति बेचिबर दान दिय। आफना निउति नचिरिन्या थैला बना। स्वर्गमि कभइ नास नहुन्या धन जम्मा अर। जाँ चोर आउनाइन रे किडा लगइ लाग्दाइन।

लूका 11:43

तमन फरिसि मान्सन भयानक समस्यामि पड्डया हौ! क्याकि तमन यहुदि सभाघरमी मुख्य ठाउँ रे मान्सनले बजारमि मान दिइबर अबिबादन अर्या मन पडाउन्छौ।

लूका 11:41

तर भितरका चिज दानका रुपमि दिय, रे तेरो निउति सब कुरणी सुद्द हुन्या हो।

लूका 6:24

“तमनलाइ भयानक दण्ड छ, तमन जो धनि छौ! क्याकि तमनले पइल्ली आफ्नो सुख पाइसक्या छौ।

मर्कुस 7:6

तिननलाइ येशूले इसेरि जबाफ दियो, “यशैया अगमबक्ताले भौत पइल्ली तमरो कपटिपनका बारेमि लेख्या ठीक हो।” जसो लेखिया छ: “तम मान्सन आफना सब्दले त आदर अरन्छौ, रे तमरो ह्रदय म बठेइ भौत टाडा छ।

मत्ती 24:51

मालिकले तइलाइ कडा दण्ड दिन्या हुन, रे तइलाइ कपटीका बिचइनि खिद्दिन्या हुन, जाँ मान्स रुन्या हुन रे दारा किट्या हुन।

मत्ती 23:6

भोजभत्यारमि तिनन आदरको ठाउँ रे यहुदि सभाघरमी मुख्य ठाउँ मन पणउनाहान,

मत्ती 22:18

तर येशूले तिनरो धुर्तता था पाइबर भण्यो, कपटि हो, तमन मलाइ क्यालाइ जाचन्छौ?

मत्ती 16:3

परभातइ भणन्छौ, ‘अग्गास रातो रे बादलले ढाकिरइछ, आज हुरि बतास आउन्या रइछ।’ तमन अग्गासको अवस्था हेरिबर दिन कसो हुन्छ छुट्याउन जाँणन्छौ, तर अइल हुन्नारया चिन्हको अर्थ खोल्ल सक्दानु,

मत्ती 15:7

यशैया अगमबक्ताले भौत पइल्ली तमरो कपटिपनका बारेमि लेख्या ठीक हो।

मत्ती 7:5

ए कपटि! पइल्ली आफना ठुला गल्ती सुधार, तब तमन नानो गल्ती भया भाइलाइ सुधाद्द सकन्छौ।

मत्ती 5:18

क्याकि म साँच्चि तमनलाइ भण्नउ, जबसम्म अग्गासा रे धर्ति टलिबर जानइन, तब सम्म सब कुरणी पुरा नभइ कसइ किसिमले परमेश्वरको कानुन बठेइ एक मान्तर कि एक थोपलो लगइ हराउन्या होइन।

मत्ती 6:3

तर जब तमन गरिब मान्सनलाइ दान दिन्छौ, त्यो और मान्सनलाइ था जन हौ।

मत्ती 23:5

तर तिनन आफना जम्माइ काम मान्सलाइ धेकाउनाइ अद्दाहान। तबइकिलाइ तिननले आफ्ना चाना रे नाडिमि पबित्र सास्त्रका बचन भया ठुला प्रार्थनाका बट्टा बाद्दाहान, रे आफना लत्ताका छेउ लामा बनाउनाहान।

१ कोरिन्थी 13:3

यदि मइले सारा सम्पति गरिबलाइ बाडी दिया, रे या सम्मकि मेरो शरीर जलाउनाइलाइ दिया, तर ममि प्रेम आथिन भण्या, मलाइ केइलगइ फाइदा आथिन।