मत्ती 4:17 - डोटेली नयाँ करार

¹⁷ तइ बेला बठेइ येशूले प्रचार अद्द रे यो भण्न लाग्या, “आफ्ना-आफना पाप अद्द छाडिबर परमेश्वरतिर फर्क, क्याकि स्वर्गको राज्य नजिक आइरइछ।”

मत्ती 4:17 Referans Kwoze

मत्ती 3:2

“आफ्ना-आफना पाप अद्द छाडिबर परमेश्वरतिर फर्क, क्याकि स्वर्गको राज्य नजिक आइरइछ।”

प्रेरित 2:38

पत्रुसले तिननलाइ भण्यो, “पाप अद्द छाडिबर परमेश्वरतिर फर्क, रे तमरा पाप क्षमाकि निउति येशू ख्रीष्टको नाउँमि तमन प्रत्येकले बप्तिस्मा लिय, रे तमनले पबित्र आत्माको बरदान पाउन्या हौ।

लूका 5:32

म तिनन मान्सनलाइ बोलाउन आया होइन जो आफलाइ धर्मि माणन्नाहान तर तिननलाइ जइले आफइलाइ पापी हु भणि माणन्नाहान, ताकि तिन पाप अद्द छाडिबर परमेश्वरमि फर्कन सकुन।”

लूका 24:47

रे यरुशलेम सहर बठेइ सुरु अरिबर सब जातिलाइ उनरा नाउँमि पाप अद्द छाडिबर परमेश्वरतिर फर्क्या रे पाप क्षमाको प्रचार हुनु पणन्छ।

प्रेरित 17:30

तबइकिलाइ परमेश्वरले मान्सनका नजाण्या बेलालाइ ध्यान दिएइन, तर आब हरेक ठाउँमि सब मान्सनलाइ पाप अद्द छाडिबर परमेश्वरतिर फर्क भण्न्या आज्ञा दिनाहान।

मत्ती 9:13

तर गइबर यइको अर्थ कि हो तमन सिक: “म बलिदान होइन, दया चाहानौ। क्याकि म तिनन मान्सनलाइ बोलाउन आया होइन जो आफलाइ धर्मि माणन्नाहान तर तिनरि निउती आया हु जइले आफइलाइ पापी हु भणि माणन्नाहान।”

प्रेरित 26:20

तर पइल्ली दमस्कस सहरमि, पइ यरुशलेम सहरमि रे सारा यहुदिया प्रदेस भरि रन्यालाइ, रे गैर-यहुदि मान्सनलाइ लगइ पाप अद्द छाडिबर परमेश्वरतिर फर्क रे आफना पाप अद्द छाडिबर तमन परमेश्वरतिर फर्किया छौ भणि धेकाउन्या काम अर भणि मइले प्रचार अर्या।

लूका 15:7

म तमनलाइ भण्नउ, यिसेरी पाप अद्द छाडिबर परमेश्वरतिर फर्कनपड्या उनान्सय धार्मिक मान्सनकिलाइ भण्ना जइले पइल्ली पाप अद्द छाडिबर परमेश्वरतिर फर्क्या एक जाना पापीकि निउती स्वर्गमि और बड्ता आनन्द हुन्या हो।”

प्रेरित 3:19

तबइकिलाइ पाप अद्द छाडिबर परमेश्वरतिर फर्क, रे तमरा पाप क्षमा होउन, रे परमेश्वर बठेइ आत्मिक सामर्थको समय आउन्या छ।

लूका 15:10

म तमनलाइ भण्नउ, यिसेरी पाप अद्द छाडिबर परमेश्वरतिर फर्क्या एक जाना पापीकिलाइ परमेश्वरका स्वर्गदुतका साम्नेइ आनन्द हुन्या हो।”

प्रेरित 20:21

यहुदि मान्सन रे गैर-यहुदि मान्सनलाइ पाप अद्द छाडिबर परमेश्वरतिर फर्क रे हामरा प्रभु येशू ख्रीष्टमी बिश्वास अर भण्नेइ कुरणीको गवाही मइले दिइराइछु।”

हिब्रु 6:1

ख्रीष्टका बारेमि हामले सिक्या प्राथमिक शिक्षालाइ मान्तर नमाणिबर बिश्वासमि परिपक्क्व हुन्या शिक्षा तिर लागउ। हाम प्राथमिक शिक्षा तिर जनफर्कु जो जग जसोइ हो, त्यो भण्याको मृत्यु तिर लइजान्या पाप अद्द छाडिबर परमेश्वरतिर फर्कन्या रे परमेश्वरमि बिश्वास अद्द्या बारेमिको शिक्षा हो।

प्रेरित 11:18

यिन कुरणी सुण्या पछा यहुदि बिश्वासि चुप रया, रे यिसो भण्नाइ तिननले परमेश्वरको महिमा अर्यो, “आब त परमेश्वरले गैर-यहुदिलाइ लगइ अनन्त जीवनका निउति पाप अद्द छाडिबर येशूतिर फर्क भण्या छ।”

मत्ती 25:1

तब येशूले तिनरा शिष्यालाइ भण्यो, “जब म, मान्सको चेलो फर्किन्या हु, स्वर्गको राज्य इसो हुन्या हो: ताँ दस जाना कन्या ब्याउलिकी सङनि थिन। तिनन आफ्ना बत्ति लइजाइबर ब्याउलालाइ भेट्टाइ ब्याका भोजमि जान्नाथिन।

मत्ती 13:47

“आजी स्वर्गको राज्य समुद्रमी हाल्या माछा मद्द्या जाल जसो हो, जइले हरेक किसमका माछा बटोलन्छ।

मत्ती 10:7

स्वर्गको राज्य नजिक आइरइछ, भण्नाइ प्रचार अर।

लूका 9:2

येशूले तिननलाइ परमेश्वरको राज्यको प्रचार अद्दाइ रे बिमारी निको पाड्डाइ पठायो।

मत्ती 11:12

बप्तिस्मा-दिन्या यूहन्नाले प्रचार अद्द सुरु अर्या बठेइ अइल सम्म स्वर्गको राज्य जोरले फइलिरइछ, रे हिंसक मान्सनले यइलाइ खतम अद्दया कोशिस अद्दा छन।

मत्ती 13:24

येशूले तिननलाइ आजी अर्खी काहानि सुणायो, “स्वर्गको राज्य एक इसा खेताला जसो हो जइले आफ्ना खेतमी असल गउँ रोप्यो,

मत्ती 13:9

तम जो सुणनाछौ, तइ सुण्या कुरणिका बारेमि ध्यानले सोच।”

मत्ती 13:11

उनले तिननलाइ जबाफ दियो, “परमेश्वरले तमनलाइ स्वर्गका राज्यको रहस्यको ज्ञान दिया छ तर तिननलाइ दिया आथिन।

मत्ती 6:10

तमरो राज्य आइजाउ। तमरो इच्छा स्वर्गमि जसो छ, तसोइ यइ धर्तीमि पुरा होस।

लूका 3:23

येशूले आफ्नो सेवाको काम सुरु अद्दया बेला उन करीब तीस वर्षका होइरइथ्या। सब मान्स उन योसेफका चेला हुन भणि सोचन्थ्या। योसेफ एलिका चेला थ्या,