मत्ती 3:7 - डोटेली नयाँ करार

⁷ फरिसि मान्सनको समुह रे सदुकीको समुहमी हइ भौत जाना बप्तिस्मा लिनाइ यूहन्नाका वाँ आया। तिननलाइ आउनार्या धेकिबर यूहन्नाले भण्यो, “तमन बिखालु स्यापका छाउना जसाइ छौ! आउन्लाग्या परमेश्वरको क्रोध बठेइ भाग्दाइ कइले तमनलाइ चेताउनी दियो?”

मत्ती 3:7 Referans Kwoze

मत्ती 12:34

तमन बिखालु स्यापका छाउना जसाइ छौ! तमन आफइ दुष्ट छौ निकी कुरणी काँ बठेइ बोल्ल सकन्छौ? क्याकि जी हृदयमि भरियाको छ, तेइ मुख बठेइ बोलिन्या हो।

१ थेसलोनिकि 1:10

रे तिननले भण्नाहान कि कसेरी तमन स्वर्ग बठेइ फर्कि आउन्या उनरा चेलो जइलाइ परमेश्वरले मर्या बठेइ जिउना बनायो, उनरोइ बाटो हेरन्छौ, अथवा येशूको, जइले हामलाइ आउन्या क्रोध बठेइ बचाउन्या हुन।

रोमी 1:18

परमेश्वरको क्रोध तिन मान्सनका सारा भक्तिहिन रे अधर्मि कामका बिरुद्द स्वर्ग बठेइ प्रकट होइरइछ, रे सत्यलाइ तिनले अर्या दुष्ट कामले बिरोध अरन्छ।

मत्ती 23:33

तमन बिखालु स्यापका छाउना जसाइ छौ! तमन नरकका दण्ड बठेइ भाग्द सक्दानु।

रोमी 5:9

कि हाम परमेश्वरसित धर्मि ठहरिया छु क्याकि ख्रीष्ट हामरि निउति मर्या रे हामरा पापकिलाइ आफ्नो रगत बगायो, तबइकिलाइ ख्रीष्टले पक्‍कालगइ परमेश्वरका क्रोध बठेइ हामलाइ बचाउन्या हुन।

मत्ती 22:23

मर्या बठेइ जिउना हुनाइन भण्न्या सदुकीको समुह तसइ दिन उनरा वाँ आया, रे तिननले उनलाइ यो प्रश्न अर्यो,

मत्ती 16:6

येशूले तिननलाइ भण्यो, “ध्यान दिय, फरिसि मान्सन रे सदुकीको समुहको खमिर बठेइ साबधान बस।”

१ यूहन्ना 3:10

इसइ बठेइ परमेश्वरका सन्तान रे सैतानका सन्तान था हुन्छ। जइले परमेश्वरका नजरमि ठीक काम अद्दाहान, रे जो और बिश्वासिनलाइ प्रेम अद्दाहान तिनन परमेश्वरका सन्तान हुन।

यूहन्नाले लेख्या सुसमाचार 9:40

यिन कुरणी सुणिबर उनरा नजिकै भया फरिसि मान्सनको समुहमी हइ कसइ-कसइले उनलाइ भण्यो, “तम कि भणन्ना छौ कि हाम लगइ अन्धा हु पइ?”

हिब्रु 11:7

बिश्वास बठेइ नोआ नाउ भया मान्सले कभइ नधेक्या बाढीका बारेमि परमेश्वर बठेइ चेताउनी पाया पछा उनरो आज्ञापालन अरिबर आफ्नो परिवारलाइ बचाउनाइ एक ठुलो जहाज बनायो। रे नोआको बिश्वास भणना पइल्ली, और बिश्वास नअद्द्या मान्सन दोषि ठहरिया, रे बिश्वास बठेइ परमेश्वरले नोआलाइ धर्मि घोषणा अर्यो।

प्रेरित 26:5

मइले मेरा जवानी अवस्था बठेइ एक फरिसि मान्सकि जसेरि जीवन बितायाथ्या, जो हामरा धर्मको सब भण्ना कडा समुह थ्यो, यो तिननलाइ था भयइ कुरणी हो। तिननले चायो भण्या यइ कुरणीको गवाही दिन सक्दाहान।

प्रेरित 20:31

तबइकिलाइ यो सम्जिबर होशियार बस, कि तीन बर्ष सम्म मइले रातदिन आँउस बगाइबर हरेक मान्सनलाइ चेताउनी दिनोइरया।

प्रेरित 15:5

तब फरिसि मान्सनका दलका केइ बिश्वास अद्द्याले कलिबर भण्यो, “गैर-यहुदि मान्सन बठेइ आउन्या येशू ख्रीष्टका शिष्याले यहुदि रित अन्सार खतना हुनुइ पणन्छ रे तिननलाइ मोशाको कानुन पुराइ पालना अद्द लाउनु पणन्छ।”

प्रेरित 5:17

यहुदि प्रधान पुजारि रे तिनसित हुन्या सब (जो सदुकीको समुह थ्या) डाहाले भरिबर येशू ख्रीष्टका छान्या शिष्याका बिरोधमी खडा भया,

यूहन्नाले लेख्या सुसमाचार 8:44

तमन आफना बा सैतान बठेइका हउ, तब आफनाइ बाका कुइच्छा पुरा अद्द चाहन्छौ। त्यो त सुरु बठेइ हत्यारा थ्यो रे सत्यमी रएन क्याकि तइमि सत्य आथिन, जब त्यो झुट बोलन्छ तब आफनोइ बानि ब्यबहार बठेइ बोलन्छ क्याकि त्यो झुट हो रे झुटको बा हो।

यूहन्नाले लेख्या सुसमाचार 1:24

तिननलाइ फरिसि मान्सनको समुहले पठाइराइथ्यो।

लूका 18:11

फरिसि मान्सले कलिबर मनमनइ यिसेरी प्रार्थना अर्यो, ‘हे परमेश्वर, म तमलाइ धन्यबाद दिनउ, म और मान्सन जसो डाकु, अन्यायी, व्यभिचारि, अथवा यइ कर उठाउन्या जसो लगइ आथिन।

लूका 16:14

जब फरिसि मान्सनको समुहले यिन सब कुरणी सुण्यो तब तिननले येशूकी खिल्लि उडायो, क्याकि तिनन धनका लोभि थ्या।

लूका 7:30

तर फरिसि मान्सनको समुह रे मोशाको कानुन सिकाउन्यावालाले यूहन्ना बठेइ बप्तिस्मा लिनाइ इन्कार अर्या हुनाले, परमेश्वरको उद्देश्य आफना निउति अस्वीकार अर्यो।

मर्कुस 12:18

रे यहुदि धार्मिक समुहका केइ सदस्य जइलाइ सदुकि भणिन्छ, तिनन येशू वाँ आया। सदुकीको समुहका मान्सले मर्या बठेइ जिउना हुनाहान भणि बिश्वास अद्दाइन्न। उन येशूका वाँ आइबर सोद्द लाग्या,

मर्कुस 12:13

केइ समय पछा, ननिका कुरणीमि येशूलाइ फसाउनाइलाइ यहुदि अगुवानले फरिसि मान्सन मध्य कोइ मान्सन, रे हेरोद राजालाइ साथ दिन्या कोइ मान्सनलाइ येशूका वाँ पठायो।

मर्कुस 8:15

येशूले शिष्यालाइ यिसो भणबर चेताउनी दियो, “तमन फरिसि मान्सन रे राजा हेरोदको खमिर बठेइ साबधान बस।”

मत्ती 22:34

उनले सदुकीको समुहलाइ चुप अरायो भणन्या सुणिबर फरिसि मान्सनको समुह उनरा वाँ जमा भया।

मत्ती 22:15

तब फरिसि मान्सनको समुह गइबर उनराइ कुरणीमि उनलाइ कसेरी फसाउनाउ भणि सल्लाह अद्द पस्या।

मत्ती 12:24

तर इसो सुणिबर फरिसि मान्सनको समुहले भाण्यो, “येइ मान्सले भूतका मालिक सैतान बठेइ मान्तर भूत धपाउछ।”

मत्ती 5:20

म तमनलाइ भण्नउ, तम मोशाको कानुन सिकाउन्यावाला रे फरिसि मान्सनको समुह भण्न्ना नीकेरि कानुन पालन अरन्छौ भण्या तमन स्वर्गको राज्यमि पस्स पाउन्या हौ।”

हिब्रु 6:18

तबइकिलाइ परमेश्वरले हामलाइ प्रतिज्ञा अर्याछ रे उन कसम खानाहान। यिन दुइ कुरणी परिबर्तन हुन सक्दाइन, क्याकि यो सम्भब आथिन कि परमेश्वर झुट बोल्सक्दाहान। तबइकिलाइ हाम जो परमेश्वरका नजिक सुरक्षा पाउनाइ निउति आयाछौ, हामरा अगाडी भया आसालाइ पाउनाइ ठुलो हौसला पाउन सक्दाउ।

मत्ती 15:12

तइ पछा शिष्या आइबर येशूलाइ भण्यो, “कि तमलाइ था छ, फरिसि मान्सनको समुह तमरा कुरणी सुणिबर रिसाया छन?”

मत्ती 16:1

फरिसि मान्सन रे सदुकीको समुह आया, रे उनलाइ जाच अद्दाइ स्वर्ग बठेइ एक चिन्ह धेकाइ दिनाइ उनसित माग अर्यो।