मत्ती 28:6 - डोटेली नयाँ करार

⁶ उन याँ आथिन, क्याकि उनले भण्या अनसार उन जिउना होइबर उठिरइछन। आस, उनलाइ राखिया ठाउँ हेर।

मत्ती 28:6 Referans Kwoze

मर्कुस 16:6

तइ जबान मान्सले तिनन स्वानी मान्सनलाइ भण्यो, “जनडरा, तम नासरत गाउँका येशूलाइ खोज्जा छौ, जइलाइ क्रुसमि टाँङिया थ्यो। उन मर्या बठेइ जिउना भया हुन! उन याँ आथिन! हेर, तिननले उनलाइ राख्या ठाउँमि गाड्या थ्यो।

मत्ती 12:40

क्याकि जसेरि योना ठुलो माछाका पेट भित्तर तीन दिन तीन रात थ्या, उसेरी म, मान्सको चेलो लगइ येइ पृथ्बीका भितर तीन दिन तीन रात रन्या हु।

मत्ती 16:21

येशू कसेरी यरुशलेम सहरमि जानु पणन्छ, यहुदि मान्सनका अगुवा रे धर्म-गुरु रे यहुदि मुख्य पुजारि रे मोशाको कानुन सिकाउन्यावाला बठेइ भौत दु:ख भोग्दु पणन्छ, मद्दु पणन्छ रे तेसरा दिनमि मर्या बठेइ जिउनो हुनु पणन्छ भणि उनले तइ बेला बठेइ आफना शिष्यालाइ बताउन लाग्या।

लूका 24:23

रे तिननले येशूको शरीर पायइन। तिनन आइबर हामलाइ भण्यो, ‘हामले स्वर्गदुतलाइ धेक्या, जइले येशू जिउना छन भण्यो।’

लूका 24:44

उनले तिननलाइ भण्यो, “तमनसित हुन्ज्या मइले बोल्या बचन यिनइ हुन, मोशाको कानुन, अगमबक्ता रे भजनका किताबमी मेरा बारेमि लेखिया सब कुरणी सत्य हुनुइ पणन्छ।”

मत्ती 27:63

तिननले भण्यो, “हजुर, हामलाइ याद छ त्यो ठग जिउनोइ छ, उनले भण्याथ्यो, तीन दिन पछा म आजी जीउनो हुन्या हु।”

यूहन्नाले लेख्या सुसमाचार 2:19

येशूले तिननलाइ जबाफ दियो, “यइ मन्दिर उदारि दिय, रे म यइ मन्दिरलाइ आजी तीन दिनमि बनाइ दिनउ।”

मर्कुस 8:31

येशूले आफ्ना शिष्यालाइ सिकाउन सुरु अर्यो कि म, मान्सको चेलोले भौत दु:ख भोग्दु पड्या हो, रे यहुदि मान्सनका अगुवा, यहुदि मुख्य पुजारि रे मोशाको कानुन सिकाउन्यावाला बठेइ तुच्छ सम्जिबर इन्कार अरिनु पड्या हो, रे मारिनु पड्या हो, पइ तेसरा दिनमि मर्या बठेइ जिउनो हुनु पड्या हो।

यूहन्नाले लेख्या सुसमाचार 10:17

पिताले मलाइ तबइकिलाइ प्रेम अद्दाहान, क्याकि म मेरो इच्छाले आफ्नो प्राण दिनउ, ताकि म आजी जिउनो रन सकु।

लूका 24:12

तर पत्रुस उठीबर चिहानमि दकुडिबर गयो, रे निउणिबर हेरन्ज्या सुति कपडाका पट्टि मान्तर धेक्यो। त्यो घटना धेकिबर अचम्म माणिबर उन निय्या।

मत्ती 20:19

उइलाइ खिसि काट्ट्या हुन, कोर्रा लाउन्या हुन, रे क्रुसमि झुण्न्याउन भणि तिननले उइलाइ गैर-यहुदि मान्सनका हातमि सुम्पिन्या हुन, तर उ तेसरा दिनमि मर्या बठेइ जिउनो होइबर उठन्छ।”

मत्ती 17:23

रे उनले मलाइ माद्या हुन, रे तेसरा दिन उन आजी जिउना हुन्या हुन।” तइ पछा उन भौत दु:खित भया।

मत्ती 17:9

जब येशू रे उनका तीन शिष्या पहाड बठेइ ओल्ल पस्या तब उनले तिननलाइ इसो भणबर आज्ञा दियो “म, मान्सको चेलो मर्या बठेइ जिउनो नभया सम्म यिन कुरणी जो तमले धेक्याछौ कसइलाइ जन भण्या।”

प्रेरित 2:24

आजी लगइ, परमेश्वरले उनलाइ मर्या पछा मर्या बठेइ जिउना बनायो। येशू मर्या, तर परमेश्वरले उनलाइ मर्या मरेइ रन दियन, क्याकि मृत्युको अधिनमी उन रइरनु असम्भब थ्यो।