मत्ती 27:32 - डोटेली नयाँ करार

³² जाना जानाइ तिननले सिमोन नामको कुरेनि सहरको मान्स गाउँ बठेइ यरुशलेम सहरमि जान्नारया भेट्यो रे उइलाइ क्रुस उठाइबर तइ ठाउ सम्म लइजानाइ कर अर्यो।

मत्ती 27:32 Referans Kwoze

मर्कुस 15:21

जब तिनन सहर बठेइ बाइर जन्नाथ्या, तब सिमोन नाउको एक मान्स गाउँ बठेइ यरुशलेम सहरमि आउन्नाथ्यो। सिमोन कुरेनि सहरको थ्यो, रे उ सिकिंदर रे रुफसको बा थ्यो। सिपाइले उइलाइ आदेस दियो कि क्रुस उठाइबर तइ ठाउ सम्म लइजाउ, जाँ उन येशूलाइ क्रुसमि मद्द्या हुन।

लूका 23:26

तिननले येशूलाइ ताँ बठेइ लैजान्ज्या, सिमोन नामको कुरेनि सहरको मान्स गाउँ बठेइ आया मान्सलाइ समायो, रे क्रुस बोकिबर उनरा पछा-पछा जान लायो।

मत्ती 16:24

तब येशूले आफना शिष्यालाइ भण्यो, “कोइ मेरा पछा आउन्या मन अरन्छ भण्या, उइले आफलाइ इन्कार अरउ रे आफ्नो क्रुस उठाइबर शिष्य हुनाइलाइ मेरा पछा लागउ।”

प्रेरित 6:9

तर कोइ-कोइ मान्सनले चाइ स्तिफनसको बिरोध अर्यो, तिनन यहुदि सभाघरका मान्सन थ्या, जइलाइ स्वतन्त्र दल लगइ भणिन्छ रे तिननमि कुरेनि सहर, अलेक्जेन्ड्रया सहर, किलिकिया प्रदेस रे एसिया देशका मान्सन थ्या, तइ पछा तिननले खड़ा होइबर स्तिफनससित वाद-बिबाद अद्द पस्या।

प्रेरित 2:10

पइ फ्रिगिया जिल्ला, पामफिलिया जिल्ला, मिश्र देस रे कुरेनि सहरका नजिकै पड्या लिबिया देशका केइ क्षेत्र रे रोम सहर बठेइ घुम्दु आया मान्सन,

प्रेरित 13:1

एन्टिओखिया सहरका मण्डलिमि अगमबक्तान, रे शिक्षा दिन्याबाला मान्सन भौत थ्या, तिनन बारनाबास, नीगर भणिन्या शिमियोन, कुरेनि सहरका लुकियस, रे देशको एक चउथाइ भागको राजा हेरोदसित हुर्क्या मनेन रे शाउल थ्या।

प्रेरित 11:20

तर तिननमि हइ कोइ-कोइ बिश्वासिन साइप्रस टापु रे कुरेनि सहरका मान्सन थ्या। तिननले एन्टिओखिया सहरमि आइबर ग्रीक भासा बोल्या यहुदिलाइ लगइ प्रभु येशूका बारेमि बचन प्रचार अर्यो।

यूहन्नाले लेख्या सुसमाचार 19:17

तब रोमी सिपाइले येशूलाइ पकडयो। तिननले उनलाइ आफ्नो क्रुस उठाइबर यरुशलेम सहर बठेइ बाइर खप्परे भण्न्या ठाउँमि लैजानाइकिलाइ भण्यो, जइलाइ हिब्रु भासामि गलगथा भणिन्छ।

प्रेरित 7:58

पइ तिनलाइ यरुशलेम सहर बठेइ बाइर निकालिबर तिननलाइ ढुङा हाण्न सजी होलो भणबर आफ्नो कोट खोल्यो रे उनलाइ ढुङा हाण्न पस्या। पइ स्तिफनसलाइ ढुङा हाण्न्या मान्सनले आफना गवाहिकी निउति आफ्नो कोट खोलिबर शाउल नाउँ भया मान्सका वाँ जम्मा अर्यो।

मत्ती 5:41

यदि एक सिपाइले तुलाइ एक कोस जानाइ कर लाउन्छ भण्या, उइसित दुइ कोस सम्म जाइदे।