मत्ती 26:53 - डोटेली नयाँ करार

⁵³ तु कि जाणन्छइ, कि म आफना पितालाइ बिन्ति अद्द सक्दैन, रे उनले उतन्जेइ स्वर्गदुतका बार पल्टन हइ बड्ता मेरा निउति पठाउनाइन्न ब?

मत्ती 26:53 Referans Kwoze

मत्ती 4:11

तब सैतानले उनलाइ छाडिबर गयो, रे स्वर्गदुत आइबर उनरो सेवा-टहल अर्यो।

लूका 8:30

येशूले तइलाइ सोध्यो, “तेरो नाउ कि हो?” तइले जबाफ दियो मेरो नाउ “फौज” हो, क्याकि भौत भूत तइमि पसिरइथ्या।

यहूदा 1:14

आदम बठेइ सातौ पुस्तामी जन्मिया हनोकले यिन मान्सका बारेमि इसो भणबर अगमबाणी बोल्याथ्यो, “हेर प्रभु पक्‍कालगइ आफ्ना असंख्य पबित्र स्वर्गदुतसित आउन्याहुन।

२ थेसलोनिकि 1:7

रे उनले हामलाइ रे तिननलाइ अइल पाउन्नारया कष्ट बठेइ छुटकारा दिन्या हुन। यो तइ बेला हुन्या हो, जइ बेला प्रभु येशू आफना सक्तिशाली स्वर्गदुतसित आगाको ज्वालाले घेर्या स्वर्ग बठेइ आउन्याहुन।

मत्ती 25:31

जब म, मान्सको चेलो आजी आउन्या हु, म महिमामि आउन्या हु रे सारा स्वर्गदुत आफ्नो सित ल्याउन्या हु। रे म महिमामय सिंहासनमि बसिबर सब मान्सनको न्याय अद्दया हु।

मर्कुस 5:9

तब येशूले तइलाइ सोध्यो, “तेरो नाउ कि हो?” तइले जबाफ दियो मेरो नाउ फौज हो, क्याकि हाम भौत छौ।

मर्कुस 5:15

तिनन येशू भया वाँ आया रे ताँ एक भौत भूत लाग्या मान्सलाइ, लत्ता लाइबर सान्त सित बस्या धेक्यो, रे तिनन डराया।

यूहन्नाले लेख्या सुसमाचार 10:18

कसइले म बठेइ मेरो प्राण लैन सक्दैन, तर म आफनाइ मनले आफ्नो प्राण अर्पण अद्दउ। आफ्नो प्राण अर्पण अद्द्या अधिकार मसित छ, पइ आजी लैन्या अधिकार लगइ मइसित छ। यो आज्ञा मइले मेरा पिता बठेइ पाइराइछु।”

यूहन्नाले लेख्या सुसमाचार 18:36

येशूले जबाफ दियो, “मेरो राज्य यइ संसारको होइन मेरो राज्य यइ संसारको हुनो हो तम यहुदि अगुवानका हात बठेइ पकोडिनेइ थेइन। मलाइ पछ्याउन्याले मेरी निउति झगडा अद्देइथ्या तर आब मेरो राज्य यइ संसारको होइन।”