मत्ती 26:3 - डोटेली नयाँ करार

³ तब कैयाफा नाउँ भया प्रधान पुजारिका दरबारमि यहुदि मुख्य पुजारि रे अगुवान जम्मा भया।

मत्ती 26:3 Referans Kwoze

यूहन्नाले लेख्या सुसमाचार 18:24

आब हन्नासले उनलाइ यहुदि प्रधान पुजारि कैयाफाका वाँ बादिबरै पुर्याउन लायो।

मर्कुस 14:54

रे पत्रुस दुर हइ यहुदि प्रधान पुजारिका घरका आगन सम्म येशूका पछा-पछा गयो, रे ताँ पत्रुस मन्दिरका चौकीदार सित आगो ताप्दाथ्यो।

यूहन्नाले लेख्या सुसमाचार 18:28

तइ पछा तिननले येशूलाइ कैयाफाका वाँ बठेइ रोमीका ठुला हाकिम, पिलातासका महलमि लैया। त्यो परभातइको समय थ्यो, रे यहुदि मान्सन महलमि पस्या थेइन। तिननमि हइ यदि कोइ भितर पस्या भयाले तिनन असुद्द हुन्थ्या रे तइलाइ निस्तार काजबारको भोज खान्या अनुमति मिलनथेइन।

यूहन्नाले लेख्या सुसमाचार 11:57

यहुदि मुख्य पुजारि रे फरिसि मान्सनले येशूलाइ पकोड्डाइ उन काँ छन भणि कसइले था पायाले खबर अर्या भण्न्या आज्ञा दिइराइथ्यो।

लूका 3:2

हन्नास रे कैयाफाका प्रधान पुजारिका पालामि परमेश्वरको बचन उजाड ठाउँमि जकरियाको चेलो यूहन्नाका वाँ आयो।

मत्ती 26:69

पत्रुस बाइर आगनमी बसिरइथ्यो। नौकर्नीमि हइ एकले ताँ आइबर भण्यो, तु लगइ गालीलमि बस्या येशूसित थी?

मत्ती 27:27

तब हाकिमका सिपाइनले येशूलाइ हाकिमको महलको आगनमी लैया (जइलाइ प्रेटोरियन भण्नान), रे सिपाइनको एक ठुलो पल्टन उनरा अगाडी जम्मा अर्यो।

मर्कुस 14:66

जब पत्रुस आगनमी आगो तापिबर बसिरइथ्यो, तसइ बेला यहुदि प्रधान पुजारिका नौकर्नी हइमि एक ताँ आइ।

मर्कुस 15:16

पइ पिलातुसको सिपाइनले येशूलाइ हाकिमको महलको आगनमी लैया (जइलाइ प्रेटोरियन भण्नान), रे सिपाइनको एक ठुलो पल्टन जम्मा अर्यो।

लूका 22:55

ताँ आगनका बिच आगो बालिबर मान्स जमा होइबर बसिरइथ्या। पत्रुस लगइ तिननसित बस्यो।