मत्ती 25:2 - डोटेली नयाँ करार

² तिननमि हइ पाँच जाना निर्बुद्दि रे पाँच जाना बुद्दिमति थिन।

मत्ती 25:2 Referans Kwoze

यहूदा 1:5

तमनले यिन सब कुरणी एक बेर जाण्याथ्या पइलगइ अइल म तमनलाइ याद अराउन चाहनउ, प्रभुले इस्राएलीलाइ दासत्व बठेइ छुटायो रे तिननलाइ मिश्र देस बठेइ बाइर निकाल्यो, तर पछा उनमी बिश्वास नअद्दया सबलाइ उनले मरभूमिमी मार्यो।

१ यूहन्ना 2:19

ख्रीष्ट बिरोधी मान्सन हामरा मण्डलि बठेइ निकलिबर गया हुन, क्याकि तिनन हामरा थेइन्न। यदि तिनन हाम जसाइ साचो बिश्वासि भया भयले हामसितइ रनेइथ्या, तर तिनन सब हामरा होइन्न भण्न्या कुरणी धेकाउनाइ तिनन हामरा मण्डलि बठेइ निकलिबर गया हुन।

मत्ती 24:45

रे एक बिश्वासि रे बुद्दिमान नौकर यइ जसो छ: जइलाइ तइको मालिकले और नौकरलाइ निगरानि अद्दाइलाइ राख्यो। उइले नौकरलाइ ठीक बेलामि खानाइ दिनाइलाइ भणन्छ रे उ लामा यात्राकीलाइ जान्छ।

मत्ती 10:16

हेर, म तमनलाइ ब्वाँसाका बिचमि भेडाका पाठा जसेरि पठाउन्नाछु, तबइकिलाइ तमन स्याप जसा चलाँक रे परेवा जसा निर्दोष होइजा।

मत्ती 25:3

क्याकि जब निर्बुद्दिले आफना बत्ति लैया तब तिननले थप तेल लैया थेइन।

मत्ती 25:4

तर बुद्दिमतीले आफना बत्ति संगै तेल लगइ लइगइन।

मत्ती 25:9

“तर बुद्दिमतिले इसो भणबर जबाफ दियो, ‘हामकिलाइ रे तमनकिलाइ पुग्द्या तेल आथिन बरु दोकान बठेइ किनिबर आफकिलाइ ल्यास।’