मत्ती 23:7 - डोटेली नयाँ करार

⁷ रे मान्सनले बजारमि मान दिइबर अबिबादन अरेको मन पणउनाहान। तिननले यहुदि सभाघरमी मुख्य ठाउँ रे भोजमि आदरको ठाउँ बस्साइलाइ मन पढाउनाहान।

मत्ती 23:7 Referans Kwoze

यूहन्नाले लेख्या सुसमाचार 1:38

येशूले फर्किबर तक्यो, रे तिननलाइ पछा-पछा आउन्नारया धेकिबर तिननलाइ सोध्यो, “तमन कि खोज्जा छौ?” तिननले उनलाइ भण्यो, “रब्बी (जइको अर्थ हो गुरुज्यू), तम काँ बसन्छौ?”

यूहन्नाले लेख्या सुसमाचार 1:49

नथानेलले उनलाइ भण्यो, “गुरु, तम त परमेश्वरको चेलो हौ, तम इस्राएल देशका राजा हौ”।

यूहन्नाले लेख्या सुसमाचार 20:16

येशूले तिनलाइ भण्यो, “मरियम!” तिन पछा फर्किन रे उनलाइ हिब्रु भासामि भण्यो, “रब्बोनी”, अर्थात “गुरुज्यू”

यूहन्नाले लेख्या सुसमाचार 6:25

पइ जब शिष्याले येशूलाइ समुद्रका पारिबटा भेट्यो पइ तिननले भण्यो, “गुरु जी, तम याँ कन्ज्याँ आया?”

यूहन्नाले लेख्या सुसमाचार 3:26

रे यूहन्नाका शिष्या आइबर तिननले भण्यो, “गुरुज्यू, जो मान्स यर्दन नदिको पुर्वतिर तमसित थ्यो, रे जइका बारेमि तमले भणिराइथ्या, हेद्दा, उन बप्तिस्मा दिन्ना छन, रे सब उनरा वाँ जान्नाछन”।

यूहन्नाले लेख्या सुसमाचार 3:2

निकोदेमस रात येशूका वाँ आइबर उनलाइ भण्यो, “गुरुज्यू, हाम जाण्नाउ कि परमेश्वरले तमलाइ हामलाइ सिकाउनाइ पठया हो, क्याकि परमेश्वर संङइनि भएइन भण्या तमले अर्या यिन चिन्ह कोइलगइ अद्द सक्दइन”।

मर्कुस 10:51

येशूले तइलाइ भण्यो, “तु कि चहान्छइ, म तेरा निउति कि अरु?” तइ काना मान्सले उनलाइ भण्यो, “गुरु म दृष्टि पाँउ।”

मर्कुस 9:5

पत्रुसले येशूलाइ भण्यो, “गुरु, हामलाइ याँ रहनु उचित छ रे हाम तिन बासस्थान बनाउ एक तमरि निउति, एक मोशाकि निउति, रे एक एलियाकी निउति।”

मत्ती 23:8

तर तम ‘गुरु’ जन भण, क्याकि तमरा गुरु एक मातर छन, रे तम सब भाइन जसाइ बराबर छौ।

मत्ती 11:16

आब यइ पुस्ता तुलना म कि सित अरुँ? यो त बजारमि ना-न्नाना केटाकेटिले खेल्या जसो हो। केइ केटाकेटिले आफ्ना साथिनलाइ बोलाइबर भण्नाहान,

मत्ती 26:25

तब उनलाइ पकोडाइ दिन्या यहूदाले सोध्यो, “गुरुज्यू, कि त्यो म हु?” उनले तइलाइ भण्यो, तु आफइ भण्नाछइ।

मत्ती 26:49

उतन्जेइ येशूका वाँ गयो रे, “गुरु जी!” भणबर यहूदाले येशूलाइ अंगालो हाल्यो रे भात्ति खायो।

मर्कुस 11:21

पत्रुसले अन्जिरको रुखका बारेमि येशूले भण्या कुरणी सम्ज्यो, रे तइले येशूलाइ भण्यो, “गुरु हेर, तमले श्राप दिया अन्जिरको रुख त जडाइ बठेइ सुक्या रइछ।”

मर्कुस 12:38

येशूले आफना शिक्षामि भण्यो, “मोशाको कानुन सिकाउन्यावाला धेकि होशियार रर्या, तिनन मान्सनलाइ धेकाउनाइलाइ सार्वजनिक ठाउँमि लामा रे महंगो लत्ता लाउनाइ मन पणउनाहान, रे मान्सनले बजारमि मान दिइबर अबिबादन अर्या मन पणउनाहान।

मर्कुस 14:45

रे जब यहूदा आयो त्यो उतन्जेइ येशूका वाँ गयो रे भण्यो, “गुरु जी!” यहूदाले येशूलाइ अंगालो हाल्यो रे भात्ति खायो।

लूका 11:43

तमन फरिसि मान्सन भयानक समस्यामि पड्डया हौ! क्याकि तमन यहुदि सभाघरमी मुख्य ठाउँ रे मान्सनले बजारमि मान दिइबर अबिबादन अर्या मन पडाउन्छौ।

यूहन्नाले लेख्या सुसमाचार 4:31

इसइ बेला शिष्याले उनलाइ यिसो भणबर बिन्ति अद्द पस्या, “गुरु, खानाइ खा।”

यूहन्नाले लेख्या सुसमाचार 9:2

उनरा शिष्याले येशूलाइ सोध्यो, “गुरु, यो मान्स क्याइ अन्धा जन्म्यो? यइका पापका लाग्दा कि, यइका इजा-बाका पापका लाग्दा?”

यूहन्नाले लेख्या सुसमाचार 11:8

शिष्याले भण्यो, “गुरु, भर्खरइ मान्तर यहुदि अगुवानले तमलाइ ढुङाले हाण्नाइ बटिरइथ्या, रे आजी तम ताँइ जान्ना छौ?”